CRICKETSPORTSPORTSTOP STORIES

ପଞ୍ଚମ ଦିନିକିଆରେ ନ୍ୟୁଜିଲାଣ୍ଡ କୁ ହରାଇବା ସହ ସିରିଜ ୪-୧ରେ ହାତେଇଲା ଭାରତ

ୱେ ଲିଂଟନ୍, ୩ା୨: ନ୍ୟୁଜିଲାଣ୍ଡ ଗସ୍ତରେ ଥିବା ଭାରତୀୟ କ୍ରିକେଟ୍ ଟିମ୍ ରବିବାର ସେଠାରେ ଘରୋଇ ଦଳ ବିପକ୍ଷରେ ୱେ ଲିଂଟନ୍ ର ୱେଷ୍ଟପ୍ୟାକ୍ ଷ୍ଟାଡିୟମ୍ ରେ ଦିନିକିଆ ସିରିଜ୍ ର ଅନ୍ତିମ ମ୍ୟାଚ୍ ଖେଳିଥିଲା । ଏହି ମ୍ୟାଚରେ ଭାରତୀୟ ଟିମ୍ ନ୍ୟୁଜିଲାଣ୍ଡ କୁ ୩୫ ରନ୍ ରେ ପରାସ୍ତ କରିଛି । ଏହା ସହ ନ୍ୟୁଜିଲାଣ୍ଡ ବିପକ୍ଷ ଏକ ଦିବସୀୟ ସିରୀଜ କୁ ଭାରତ ୪-୧ରେ ଜିତି ପୁଣି ଏକ ରେକର୍ଡ଼ ସୃଷ୍ଟି କରିଛି। ପଞ୍ଚମ ଦିନିକିଆରେ ଭାରତୀୟ ଟିମ୍ ଅଧିନାୟକ ରୋହିତ ଶର୍ମା ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲେ। ତେବେ ଦଳର ଶୀର୍ଷ ବ୍ୟାଟ୍ସମ୍ୟାନ ମାନେ ବିଫଳ ହୋଇ ଥିଲେ। ଆରମ୍ଭରୁ ୩ଟି ୱିକେଟ ଚାଲିଯିବା ପରେ ଟିମ୍ ଇଣ୍ଡିଆ ସଙ୍କଟ ମଧ୍ୟକୁ ଚାଲି ଆସିଥିବା। ତେବେ ମଧ୍ୟଭାଗ ବ୍ୟାଟ୍ସମ୍ୟାନ ଆମ୍ବାତି ରାଇଡୁ ଙ୍କ ଉପଯୋଗୀ ୯୦ ରନ୍ ଓ କେଦାର ଯାଦବ ଏବଂ ହାର୍ଦ୍ଦିକ ପାଣ୍ଡ୍ୟା ଙ୍କ ଆକର୍ଷଣୀୟ ଖେଳ ବଳରେ ଭାରତୀୟ ଟିମ୍ ୨୫୨ ରନ୍ କରିଥିଲା। ୨୫୩ ରନ୍ ର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାହି ଥିବା ନ୍ୟୁଜିଲାଣ୍ଡ ଟିମ୍ ୪୪ .୨ ଓଭର ରେ ୨୧୭ ରନ୍ ରେ ଅଲ୍ ଆଉଟ୍ ହୋଇ ଯାଇଥିଲା। ଅମ୍ବାତି ରାଏଡୁ ଙ୍କୁ ମ୍ୟାନ ଆଫ୍ ଦି ମ୍ୟାଚ୍ କରାଯାଇ ଥିବା ବେଳେ ମହମ୍ମଦ ସାମି ମ୍ୟାନ ଅଫ୍ ଦି ସିରିଜ୍ ହୋଇ ଛନ୍ତି। ୫ ମ୍ୟାଚ୍ ବିଶିଷ୍ଟ ସିରିଜ୍ ରେ ପ୍ରଥମ ୩ଟି ମ୍ୟାଚ୍ ଭାରତ ଜିତିଥିଲେ ମଧ୍ୟ ଚତୁର୍ଥ ମ୍ୟାଚ୍ ରେ ନ୍ୟୁଜିଲାଣ୍ଡ ଶୋଚନୀୟ ଭାବେ ଭାରତୀୟ ଟିମ୍ କୁ ପରାଜିତ କରିଥିଲା । ତେଣୁ ପଞ୍ଚମ ମ୍ୟାଚ୍ ଜିତିବା ପାଇଁ ଉଭୟ ଟିମ୍ ଜୋରଦାର ଉଦ୍ୟମ କରିଥିଲେ ମଧ୍ୟ ଭାରତୀୟ ଟିମ୍ କୁ ସଫଳତା ମିଳିଛି।

Show More

Related Articles

Leave a Reply

Your email address will not be published. Required fields are marked *

Close