NATIONALTOP STORIESUncategorized

ପୁଣି ଇଡ଼ି ରେ ହାଜର ହେଲେ ରବର୍ଟ ଭଦ୍ରା

ନୂଆଦିଲ୍ଲୀ, ୭।୨: ମନି ଲଣ୍ଡ୍ରିଂ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡ଼ି) କାର୍ଯ୍ୟାଳୟରେ ବୁଧବାର ହାଜର ହେବା ପରେ ଗୁରୁବାର ପୁଣି ଦିଲ୍ଲୀ ସ୍ଥିତ ଇଡ଼ି କାର୍ଯ୍ୟାଳୟରେ ପହଞ୍ଚି ଛନ୍ତି ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଜାମାତା ରବର୍ଟ ଭଦ୍ରା । ତେବେ ଏହି ସମୟରେ ତାଙ୍କ ସହ ତାଙ୍କ ପତ୍ନୀ ତଥା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଉପସ୍ଥିତ ଥିଲେ । ଲଣ୍ଡନରେ ସମ୍ପତ୍ତି କ୍ରୟ ମାମଲାରେ ଅନିୟମିତତା କରାଯାଇଥିବା ଅଭିଯୋଗ ହେବା ପରେ ମାମଲାର ତଦନ୍ତ କରୁଛି ଇଡ଼ି । ପ୍ରଥମ ଥର ପାଇଁ କୌଣସି ଯାଞ୍ଚ ଏଜେନ୍ସି କାର୍ଯ୍ୟାଳୟକୁ ରବର୍ଟ ଭଦ୍ରାଙ୍କ ସହ ତାଙ୍କ ପତ୍ନୀ ପ୍ରିୟଙ୍କା ଯାଇଥିଲେ । ରବର୍ଟ ଇଡ଼ି କାର୍ଯ୍ୟାଳୟରେ ହାଜର ହେବା ପରେ ପ୍ରିୟଙ୍କା ଫେରି ଆସିଥିଲେ । ପ୍ରକାଶଯୋଗ୍ୟ, ରବର୍ଟ ଭଦ୍ରାଙ୍କୁ ଦିଲ୍ଲୀର ପଟିଆଲା ହାଉସ୍ କୋର୍ଟରୁ ଚଳିତ ମାସ ୧୬ ତାରିଖ ପର୍ଯ୍ୟନ୍ତ ଅନ୍ତରୀଣ ଜାମିନ ମିଳିଛି । ଗତ ଶୁଣାଣୀ ସମୟରେ ତାଙ୍କ ଓକିଲ କୋର୍ଟଙ୍କ ନିକଟରେ ପ୍ରକାଶ କରିଥିଲେ ଯେ, ରବର୍ଟ ଭଦ୍ରା ଚଳିତ ମାସ ୬ ତାରିଖରେ ଇଡ଼ି କାର୍ଯ୍ୟାଳୟରେ ହାଜର ହେବେ ।

Show More

Related Articles

Leave a Reply

Your email address will not be published. Required fields are marked *