CRICKETSPORTSPORTSTOP STORIES

ବେଙ୍ଗାଲୁରୁକୁ ୫ ୱି କେଟ୍ରେ ହରାଇଲା ମୁମ୍ବାଇ ଇଣ୍ଡିଆନ୍ସ

ମୁମ୍ବାଇ, ୧୫ା୪: ଇଣ୍ଡିଆନ୍ ପ୍ରିମିଅର ଲିଗ୍ (ଆଇପିଏଲ୍) ଦ୍ୱାଦଶତମ ସଂସ୍କରଣର ୩୧ତମ ମ୍ୟାଚ୍ରେ ବିରାଟ କୋହଲିଙ୍କ ନେତୃତ୍ୱାଧିନ ରୟାଲ ଚାଲେଞ୍ଜର୍ସ ବେଙ୍ଗାଲୁରୁକୁ ୫ ୱିକେଟ୍ରେ ପରାସ୍ତ କରିଛି ରୋହିତ୍ ଶର୍ମାଙ୍କ ନେତୃତ୍ୱାଧିନ ମୁମ୍ବାଇ ଇଣ୍ଡିଆନ୍ସ । ମୁମ୍ବାଇର ୱାଙ୍ଖଡ଼େ ଷ୍ଟାଡିୟମ୍ରେ ଖେଳାଯାଇଥିବା ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ବେଙ୍ଗାଲୁରୁ ଟିମ୍ ନିର୍ଦ୍ଧାରିତ ୨୦ ଓଭରରେ ୭ ୱିକେଟ୍ ହରାଇ ୧୭୧ ରନ୍ କରିଥିଲା । ୧୭୨ ରନ୍ର ବିଜୟଲକ୍ଷ୍ୟକୁ ୧୯ ଓଭରରେ ୫ ୱିକେଟ୍ ହରାଇ ହାସଲ କରିନେଇଛି । ଫଳରେ ଚଳିତ ଆଇପିଏଲ୍ରେ ଆଉ ଏକ ପରାଜୟବରଣ କରିଛି କୋହଲିଙ୍କ ନେତୃତ୍ୱାଧିନ ରୟାଲ୍ ଚାଲେଞ୍ଜର୍ସ ବେଙ୍ଗାଲୁରୁ । ବେଙ୍ଗାଲୁରୁ ଟିମ୍ ଚଳିତ ଆଇପିଏଲ୍ରେ ୮ଟି ମ୍ୟାଚ୍ ଖେଳିଥିବା ବେଳେ ମାତ୍ର ଗୋଟିଏରେ ବିଜୟ ହାସଲ କରିଛି । ତେବେ ସୋମବାର ପ୍ରଥମେ ବ୍ୟାଟିଂ କରିଥିବା ରୟାଲ୍ ଚାଲେଞ୍ଜର୍ସ ବେଙ୍ଗାଲୁରୁ ତରଫରୁ ଏ.ବି. ଡିଭିଲିଅର୍ସ ସର୍ବାଧିକ ୭୫ ରନ୍ କରିଥିବା ବେଳେ ମୋଇନ୍ ଅଲୀ ୫୦ ରନ୍ କରିଥିଲେ । ମୁମ୍ବାଇ ତରଫରୁ ଲସିଥ୍ ମାଲିଙ୍ଗା ଘାତକ ବୋଲିଂ କରିଥିଲେ । ସେ ୪ ଓଭରରେ ୩୧ ରନ୍ ଦେଇ ୪ଟି ୱିକେଟ୍ ଅକ୍ତିଆର କରିଥିଲେ । ସେହିପରି ହାର୍ଦ୍ଦିକ ପାଣ୍ଡ୍ୟା ଓ ଜାସନ୍ ବେହେରନ୍ଡ୍ରଫ୍ ଗୋଟିଏ ଲେଖାଏଁ ୱିକେଟ୍ ଅକ୍ତିଆର କରିଥିଲେ । ୧୭୨ରନ୍ର ଟାର୍ଗେଟ ନେଇ ବ୍ୟାଟିଂ ପାଇଁ ଆସିଥିବା ମୁମ୍ବାଇ ତରଫରୁ କ୍ୱିଣ୍ଟନ ଡିକୋକ୍ ୪୦ ରନ୍ କରି ଆଉଟ୍ ହୋଇଥିବା ବେଳେ ରୋହିତ୍ ଶର୍ମା ୨୮ ରନ୍ କରି ଆଉଟ୍ ହୋଇଛନ୍ତି । ଶେଷରେ ହାର୍ଦ୍ଦିକ ପାଣ୍ଡ୍ୟା ୧୬ ବଲ୍ରେ ୩୭ ରନ୍ କରି ମୁମ୍ବାଇକୁ ଏହି ବିଜୟ ଦେଇଛନ୍ତି ।

Show More

Related Articles

Leave a Reply

Your email address will not be published. Required fields are marked *