ODISHATOP STORIES

ତିତ୍‍ଲି ପ୍ରଭାବରେ ବିଭିନ୍ନ ଜିଲାର ପରିସ୍ଥିତି ଶୋଚନୀୟ

ଗଜପତି/ ନୟାଗଡ଼/ଫୁଲବାଣୀ, ୧୨।୧୦ (ଓଡ଼ିଶା ଭାସ୍କର) : ତିତ୍‍ଲି ପ୍ରଭାବରେ ବିଭିନ୍ନ ଜିଲାର ପରିସ୍ଥିତି ଗମ୍ଭୀର ହୋଇଛି। ଗଜପତି ଜିଲାର ବିଭିନ୍ନ ସ୍ଥାନରେ ଶୋଚନୀୟ ପରିସ୍ଥିତି ଦେଖା ଦେଇଛି। ପାରଳାଖେମୁଣ୍ଡିର ୧୫ଟି ସାହିରେ ବର୍ଷା ଜଳ ପଶିବା ସହ ନୂଆ କେରାଣ୍ଡି, ପୁରୁଣା କେରାଣ୍ଡି, ଡାଳିମ୍ଭପୁର ଓ ଅମରା ଅଞ୍ଚଳରେ ପାଣି ପଶି ବନ୍ୟା ପରିସ୍ଥିତି ସୃଷ୍ଟି ହୋଇଛି। ସେହିପରି ଜିଲାର ତଳିଆ ଅଞ୍ଚଳ ସହ ବିଭିନ୍ନ ସ୍ଥାନରେ ବର୍ଷାଜଳ ଲହଡ଼ି ଭାଙ୍ଗୁଛି। ରାସ୍ତା ଉପରେ ପ୍ରବଳ ପାଣି ପ୍ରବାହିତ ହେଉଥିବାରୁ ବିଭିନ୍ନ ଅଞ୍ଚଳ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଛି। ମହେନ୍ଦ୍ରତନୟା ନଦୀର ଜଳସ୍ତର ବଢିବାରେ ଲାଗିଛି। ଏଥିସହିତ ପାରଳାଖେମୁଣ୍ଡି-ଆନ୍ଧ୍ର ଯୋଗାଯୋଗ ବିଚ୍ଛିନ୍ନ ହୋଇଛି।
ଅନ୍ୟପକ୍ଷରେ ନୟାଗଡ଼ ଜିଲା ଲଣ୍ଡାପାଦୁ ଗ୍ରାମରେ ନଦୀରେ ଜଣେ ଯୁବକ ଭାସି ଯାଇଥିବା ଜଣାପଡ଼ିଛି।
ବର୍ଷା ଯୋଗୁଁ ଫୁଲବାଣୀରେ ସାଲୁଙ୍କି ନଦୀର ଜଳସ୍ତର ବୃଦ୍ଧି ପାଇଛି। ତେଣୁ ଭାଲିଆପଦାର ୨ଟି ପରିବାରକୁ ପ୍ରଶାସନ ପକ୍ଷରୁ ସ୍ଥାନାନ୍ତର କରାଯାଇଛି।
ଲଗାଣ ବର୍ଷା ଯୋଗୁଁ ରାଇକିଆ ବ୍ଲକ୍ ବାକିଙ୍ଗିଆ ଗ୍ରାମର ମୁଖ୍ୟ ରାସ୍ତା ପୋଲ ଭାସି ଯାଇଛି। ଦାରିଙ୍ଗବାଡ଼ି ବ୍ଲକ୍ର ବାଡ଼ାବାଙ୍ଗା ପୋଲ ଉପରେ ବର୍ଷା ପାଣି ଚାଲୁଥିବାରୁ ରାଇକିଆରୁ ସିମନବାଡ଼ିକୁ ଯୋଗାଯୋଗ ବିଚ୍ଛିନ୍ନ ହୋଇଛି। ଏଥିସହିତ ଅନେକ ଅଞ୍ଚଳରେ ବିଦ୍ୟୁତ୍ ସେବା ବନ୍ଦ ହେବା ଯୋଗୁଁ ମୋବାଇଲ୍ ସେବା ବାଧାପ୍ରାପ୍ତ ହୋଇଛି।

Show More

Related Articles

Leave a Reply

Your email address will not be published. Required fields are marked *

Close