ମୁସଲମାନ ସଂପ୍ରଦାୟ ଯୁବତୀଙ୍କ ସହ ଫଟୋ ଫୋଷ୍ଟକୁ ନେଇ ହିନ୍ଦୁ ଯୁବକଙ୍କୁ ନିର୍ମମ ହତ୍ୟା

ଲକ୍ଷ୍ନୌ: ଉତ୍ତରପ୍ରଦେଶର ଶାହଜାହାନପୁର ଜିଲ୍ଲାରେ ସୋସିଆଲ ମିଡିଆର ଏକ ପୋଷ୍ଟକୁ ନେଇ ଏକ ଭୟାବହ ଘଟଣା ଘଟିଛି। ଶୁକ୍ରବାର ରାତିରେ ଜଣେ ୨୨ ବର୍ଷୀୟ ସାଇକେଲ ମେକାନିକଙ୍କୁ ନିର୍ମମ ଭାବେ ହତ୍ୟା କରାଯାଇଛି। ପୋଲିସ କହିଛି ଯେ, ଅନ୍ୟ ଧର୍ମର ଜଣେ ମହିଳାଙ୍କ ସହ ଇନ୍‌ଷ୍ଟାଗ୍ରାମରେ ଫଟୋ ପୋଷ୍ଟ କରିବା ପରେ ଗୌତମ ମୌର୍ଯ୍ୟଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା।

ପୋଲିସ ତଦନ୍ତ ଅନୁସାରେ, ଶୁକ୍ରବାର ରାତି ପ୍ରାୟ ୧୦ଟା ସମୟରେ ଗୌତମ ନିଜ କ୍ଷେତରୁ ଘରକୁ ଫେରୁଥିବା ବେଳେ ଅଭିଯୁକ୍ତ ସମୀର ଅଲୀ (୧୯) ଓ ତାଙ୍କ ସହଯୋଗୀମାନେ ତାଙ୍କୁ ଅଟକାଇଥିଲେ। ଅଭିଯୋଗ ଅନୁଯାୟୀ, ସମୀର ଗୌତମଙ୍କୁ ଏକ ଧାରୁଆ ଅସ୍ତ୍ରରେ ଏକାଧିକ ଥର ଆକ୍ରମଣ କରିଥିଲେ, ଯାହାରେ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ହୋଇଥିଲା।

ଗୌତମଙ୍କ ଚିତ୍କାର ଶୁଣି ଗ୍ରାମବାସୀ ଘଟଣାସ୍ଥଳରେ ପହଞ୍ଚିଥିଲେ। ସେମାନେ ଅଭିଯୁକ୍ତକୁ କାବୁ କରି ପୋଲିସକୁ ହସ୍ତାନ୍ତର କରିଥିଲେ।

ଶନିବାର ସକାଳେ ହତ୍ୟାରେ ବ୍ୟବହୃତ ଅସ୍ତ୍ର ଜବତ କରିବା ପାଇଁ ପୋଲିସ ସମୀରଙ୍କୁ ନେଇ ଯାଉଥିବା ବେଳେ ସେ ଜଣେ କନଷ୍ଟେବଳଙ୍କୁ ଆକ୍ରମଣ କରି ଫେରାର ହେବାକୁ ଚେଷ୍ଟା କରିଥିଲେ। ଏହି ସମୟରେ ପୋଲିସ ଆତ୍ମରକ୍ଷା ପାଇଁ ଗୁଳି ଚଳାଇଥିଲା, ଯାହା ତାଙ୍କ ଗୋଡ଼ରେ ବାଜିଥିଲା। ବର୍ତ୍ତମାନ ସମୀରଙ୍କୁ ସରକାରୀ ମେଡିକାଲ କଲେଜରେ ଚିକିତ୍ସା କରାଯାଉଛି।

ଶନିବାର ସକାଳେ ହତ୍ୟାରେ ବ୍ୟବହୃତ ଅସ୍ତ୍ର ଖୋଜିବା ପାଇଁ ପୋଲିସ ଅଭିଯୁକ୍ତ ସମୀରଙ୍କୁ କ୍ଷେତକୁ ନେଇଥିଲା। ସେଠାରେ ସମୀର ଲୁଚାଇ ରଖିଥିବା ଛୁରି ବାହାର କରି ଜଣେ କନଷ୍ଟେବଳଙ୍କୁ ଆକ୍ରମଣ କରିଥିଲେ ଏବଂ ଫେରାର ହେବାକୁ ଚେଷ୍ଟା କରିଥିଲେ ବୋଲି ଏସ୍‌ପି କହିଛନ୍ତି।

ପୋଲିସ ଆତ୍ମରକ୍ଷା ପାଇଁ ଗୁଳି ଚଳାଇଥିଲା। ଏଥିରେ ଗୋଟିଏ ଗୁଳି ଅଭିଯୁକ୍ତଙ୍କ ଡାହାଣ ଗୋଡ଼ରେ ବାଜିଥିଲା ବୋଲି ଏସ୍‌ପି ସୂଚନା ଦେଇଛନ୍ତି।

ଏହି ଘଟଣା ସମ୍ପର୍କିତ ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଘୁରୁଛି। ଭିଡିଓରେ ଅଭିଯୁକ୍ତ କହୁଥିବା ଶୁଣାଯାଉଛି, “ଗୌତମ ମୋ ଭଉଣୀ ସହ ଭୁଲ କରିଥିଲା, ସେଥିପାଇଁ ମୁଁ ତାଙ୍କୁ ହତ୍ୟା କରିଛି।”

ଗ୍ରାମବାସୀ ଯେତେବେଳେ ତାଙ୍କୁ ପଚାରିଥିଲେ, ସେ ସ୍ୱୀକାର କରି କହିଥିଲେ, “ହଁ, ମୁଁ ତାଙ୍କୁ ହତ୍ୟା କରିଛି।”

ପଚରାଉଚରା ସମୟରେ ଅଭିଯୁକ୍ତ କହିଥିଲେ ଯେ, ଜୁଲାଇ ୧୨ ତାରିଖରେ ଗୌତମ ତାଙ୍କ ସମ୍ପର୍କୀୟ ଭଉଣୀଙ୍କ ସହ ଇନ୍‌ଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଥିବା ଦେଖି ସେ ରାଗି ଯାଇଥିଲେ।

ବର୍ତ୍ତମାନ ଅଭିଯୁକ୍ତ ସମୀରଙ୍କୁ ସରକାରୀ ମେଡିକାଲ କଲେଜରେ ଚିକିତ୍ସା କରାଯାଉଛି। ଏହି ଘଟଣାରେ ତାଙ୍କର ଆଉ ତିନିଜଣ ସହଯୋଗୀଙ୍କୁ ମଧ୍ୟ ପଚରାଉଚରା ପାଇଁ ଅଟକ ରଖାଯାଇଛି ବୋଲି ପୋଲିସ କହିଛି।