ପ୍ରେମ ପାଇଁ ଚାଲିଗଲା ଜୀବନ; ଆପାର୍ଟମେଣ୍ଟରୁ ମିଳିଲା ମହିଳାଙ୍କ ମୃତ ଦେହ, ପୁରୁଷ ବନ୍ଧୁ ଗାଏବ…

ଓଡିଶା ଭାସ୍କର: ପୁଣି ଆମେରିକାରେ ସାମ୍ନାକୁ ଆସିଲା ଏକ ଚାଞ୍ଚଲ୍ଯକର ଘଟଣା। ପ୍ରେମିକ ଆପାର୍ଟମେଣ୍ଟରେ ପଡିଛି ପ୍ରେମିକାର ମର ଶରୀର। ଆଉ କୁଆଡେ ଗାଏବ ହୋଇଯାଇଛି ପ୍ରେମିକ। ସେପଟେ ଅନେକ ଦିନରୁ ଝିଅ ନିଖୋଜ ଥିବା ରିପୋର୍ଟ କରାଯାଇଥିଲା।

ଗତ ସପ୍ତାହରେ ନିଖୋଜ ହୋଇଥିବା ଜଣେ ୨୭ ବର୍ଷୀୟ ଭାରତୀୟ ମହିଳା ଆମେରିକାରେ ମୃତ ଅବସ୍ଥାରେ ମିଳିଛନ୍ତି, ପୋଲିସ ସନ୍ଦେହ କରୁଛି ଯେ ତାଙ୍କ ପୂର୍ବତନ ପ୍ରେମିକ ତାଙ୍କୁ ହତ୍ୟା କରି ଭାରତ ପଳାଇ ଯାଇଛନ୍ତି। ମୃତ ମହିଳାଙ୍କ ନାମ ନିକିତା ଗୋଡିଶାଲା, ସେ ଏଲିକୋଟ ସିଟିର ବାସିନ୍ଦା, ଜାନୁଆରୀ ୨ ତାରିଖରେ ନିଖୋଜ ହୋଇଥିବା ରିପୋର୍ଟ ହୋଇଥିଲା।

ଏକ ବିବୃତ୍ତିରେ, ହାୱାର୍ଡ କାଉଣ୍ଟି ପୋଲିସ କହିଛି ଯେ ତାଙ୍କର ପୂର୍ବତନ ପ୍ରେମିକ ଅର୍ଜୁନ ଶର୍ମା କଲମ୍ବିଆରେ ଥିବା ମେରିଲ୍ଯାଣ୍ଡ ଆପାର୍ଟମେଣ୍ଟରେ ତାଙ୍କୁ ହତ୍ଯା କରି ସେଠାରୁ ଛାଡି ପଳାଇଥିବା ଅନୁମାନ କରାଯାଉଛି।

ପ୍ରଥମ ଏବଂ ଦ୍ୱିତୀୟ ଡିଗ୍ରୀ ହତ୍ୟା ଅଭିଯୋଗରେ ପୋଲିସ ଶର୍ମାଙ୍କ ବିରୋଧରେ ଗିରଫ ୱାରେଣ୍ଟି ଜାରି କରିଛି। କର୍ତ୍ତୃପକ୍ଷ କହିଛନ୍ତି ଯେ ତାଙ୍କୁ ଖୋଜିବା ପାଇଁ ପ୍ରୟାସ ଚାଲିଛି, ଏବଂ ତଦନ୍ତ ଜାରି ରହିଛି। ଖୁବଶୀଘ୍ର ସେ କେଉଁଆଡେ ଯାଇଛନ୍ତି ଧରାପଡିବ। ପଚରାଉଚରା କରିବା ପରେ ପୁରା ଘଟଣା ସ୍ପଷ୍ଟ ହୋଇଯିବ।

ପୂର୍ବତନ ପ୍ରେମିକ ଭାରତ ପଳାଇଥିବା ସନ୍ଦେହ:

ପୋଲିସ ଆହୁରି କହିଛି ଯେ ଶର୍ମା ନିଖୋଜ ବ୍ୟକ୍ତିଙ୍କୁ ପୋଲିସରେ ରିପୋର୍ଟ କରିଥିଲେ ଏବଂ କହିଥିଲେ ଯେ ସେ ଶେଷ ଥର ପାଇଁ ଡିସେମ୍ବର 31 ତାରିଖରେ ମେରିଲ୍ୟାଣ୍ଡ ସହରର ତାଙ୍କ ଆପାର୍ଟମେଣ୍ଟରେ ଗୋଡିଶାଳାଙ୍କୁ ଦେଖିଥିଲେ। ପରେ ପୋଲିସ ଜାଣିବାକୁ ପାଇଲା ଯେ ରିପୋର୍ଟ ଦେବା ଦିନ, ଜାନୁଆରୀ 2 ତାରିଖରେ ଶର୍ମା ଭାରତକୁ ପଳାଇଥିଲେ।

“ପରଦିନ, ଗୁଇନ୍ଦାମାନେ ତାଙ୍କ ଆପାର୍ଟମେଣ୍ଟ ପାଇଁ ଏକ ସର୍ଚ୍ଚ ୱାରେଣ୍ଟ ଜାରି କରିଥିଲେ ଏବଂ ଗୋଡିଶାଳାଙ୍କୁ ମୃତ ଅବସ୍ଥାରେ ପାଇଲେ। ତଦନ୍ତ ମାଧ୍ୟମରେ, ଗୁଇନ୍ଦାମାନେ ବିଶ୍ୱାସ କରନ୍ତି ଯେ ଶର୍ମା ଡିସେମ୍ବର 31 ସନ୍ଧ୍ୟା 7 ଟା ପରେ ଗୋଡିଶାଳାଙ୍କୁ ହତ୍ୟା କରିଥିଲେ ଓ ପରେ ସେଠାରେ ଖସି ଯାଇଥିଲେ।

ତଦନ୍ତ ଚାଲିଛି ଏବଂ ବର୍ତ୍ତମାନ କୌଣସି କାରଣ ଜଣାପଡିନାହିଁ, ହାୱାର୍ଡ କାଉଣ୍ଟି ପୋଲିସ କହିଛି ଯେ ସେମାନେ ଶର୍ମାଙ୍କୁ ଖୋଜିବା ଏବଂ ଗିରଫ କରିବା ପାଇଁ ଯୁକ୍ତରାଷ୍ଟ୍ର ଫେଡେରାଲ୍ ଆଇନ ପ୍ରବର୍ତ୍ତନ ସହିତ କାମ କରୁଛନ୍ତି।

ପରିବାର ଲୋକଙ୍କ ସହିତ ଯୋଗାଯୋଗରେ ଭାରତୀୟ ଦୂତାବାସ:

ୱାଶିଂଟନ୍ ଡିସିରେ ଥିବା ଭାରତୀୟ ଦୂତାବାସ X ରେ ଏକ ପୋଷ୍ଟରେ କହିଛି ଯେ ଏହା ଗୋଡିଶାଳାଙ୍କ ପରିବାର ସହିତ ଯୋଗାଯୋଗରେ ଅଛି ଏବଂ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରୁଛି।