ଏହି ୩ ରାଶିର ବ୍ୟକ୍ତିଙ୍କ ପାଇଁ ଦିନଟି ଭଲ; କିନ୍ତୁ ନିଜର କର୍ତ୍ତବ୍ୟ ଠିକ୍ ଭାବେ ନକଲେ ବିପଦରେ ପଡ଼ିବେ!

ଆଜି ଶନିବାର। ଆଷାଢ଼ ଶୁକ୍ଳ ଏକାଦଶୀ। ଆଜିକୁ ଦେବଶୟନୀ ଏକାଦଶୀ ବୋଲି କୁହନ୍ତି। ଚନ୍ଦ୍ରଦେବ ଆଜି ମଧ୍ୟ ନିଜର ନୀଚ ରାଶି ବିଛାରେ ଅବସ୍ଥାନ କରୁଛନ୍ତି। କିନ୍ତୁ ଗତକାଲିର ଅନୁରାଧା ନକ୍ଷତ୍ରରୁ ଆଗକୁ ବଢ଼ି ଆଜି ଜ୍ୟେଷ୍ଠା ନକ୍ଷତ୍ରରେ ପ୍ରବେଶ କରିଛନ୍ତି। ଜ୍ୟେଷ୍ଠା ନକ୍ଷତ୍ର ଗଣ୍ଡମୂଳ ନକ୍ଷତ୍ରମାନଙ୍କ ମଧ୍ୟରେ ଗଣାଯାଏ। ସେଥିପାଇଁ ଆଜିଠାରୁ ଗଣ୍ଡମୂଳ ସମ୍ବନ୍ଧୀୟ ସତର୍କତା ପୁଣିଥରେ ଆରମ୍ଭ ହୋଇଛି। ଏହି କାରଣରୁ ଆଜି କୌଣସି ନୂଆ ଶୁଭ କାର‌୍ୟ୍ୟ କିମ୍ବା ଶୁଭାରମ୍ଭ କରିବାକୁ ଏଡ଼ାଇବା ଉଚିତ।

ମେଷ, ମିଥୁନ ଓ ବିଛା ରାଶିର ବ୍ୟକ୍ତିମାନେ ଆଜି ପୁରୁଣା ଦାୟିତ୍ୱର ଭାର ଅଧିକ ଅନୁଭବ କରିପାରନ୍ତି। ଅନ୍ୟପକ୍ଷରେ, କର୍କଟ, ଧନୁ ଓ ମୀନ ରାଶିର ବ୍ୟକ୍ତିମାନେ ନିଜର ଖର୍ଚ୍ଚ ଉପରେ ବିଶେଷ ନିୟନ୍ତ୍ରଣ ରଖିବା ଉଚିତ।

ମେଷ ରାଶି : ମେଷ ରାଶିର ଲୋକମାନେ ଆଜି ନିଜର ବାକିଥିବା କାମଗୁଡ଼ିକୁ ଦାୟିତ୍ୱବୋଧ ସହ ସାରିବେ। କାରଣ ଚନ୍ଦ୍ର ନୀଚ ରାଶିରେ ଗଣ୍ଡମୂଳ ନକ୍ଷତ୍ରରେ ଆପଣଙ୍କ ସୃଜନଶୀଳତା ଓ ସନ୍ତାନ ଭାବରେ ଅବସ୍ଥିତ ଅଛନ୍ତି। ତେଣୁ ନୂଆ କାମ ଆରମ୍ଭ କରିବା ପରିବର୍ତ୍ତେ ବୀମା, ଆୟକର କିମ୍ବା ପୁରୁଣା ଦଲିଲପତ୍ରକୁ ସଜାଡ଼ି ରଖନ୍ତୁ। ଶ୍ୱଶୁରଘର ପକ୍ଷରୁ କୌଣସି ଭଲ କଥା ଆସିପାରେ। ତାହାକୁ ଶାନ୍ତ ମନରେ ଶୁଣନ୍ତୁ। ଆର୍ଥିକ କ୍ଷେତ୍ରରେ ମନ ଶାନ୍ତ ରହିବ। ଆଜିର ଦିନରେ ବଡ଼ ବିନିଯୋଗ ଟାଳନ୍ତୁ। ସକାଳେ କେଶର ତିଳକ ଲଗାନ୍ତୁ ଓ ବଜରଙ୍ଗ ବାଣର ପାଠ କରନ୍ତୁ।

ବୃଷ ରାଶି: ବୃଷ ରାଶିର ଲୋକଙ୍କ ପାଇଁ ଆଜିର ଦିନଟି ବହୁତ ଭଲ ରହିଛି। ଜୀବନସାଥୀଙ୍କ ସହ ସମୟ ଅତିବାହିତ କରିବେ। କୌଣସି ପୁରୁଣା ବିବାଦକୁ ମିଶି ସମାଧାନ କରିବାକୁ ଚେଷ୍ଟା କରିବେ। କିନ୍ତୁ ନୂଆ ବଡ଼ ସହଭାଗିତା ଆରମ୍ଭ କରନ୍ତୁ ନାହିଁ। ମଙ୍ଗଳଦେବ ଆପଣଙ୍କ ଲଗ୍ନରେ ଥିବାରୁ ଆତ୍ମବିଶ୍ୱାସ ଓ ବ୍ୟକ୍ତିତ୍ୱ ମଜବୁତ ରହିବ। ଜୀବନସାଥୀଙ୍କ ସହ ଧୈର‌୍ୟ୍ୟ ଓ ବୁଝାପଡ଼ା ରଖନ୍ତୁ। ସବୁବେଳେ ଏକ ସଫା ଧଳା ରେଶମୀ ରୁମାଲ ନିଜ ପାଖରେ ରଖନ୍ତୁ।

ମିଥୁନ ରାଶି: ମିଥୁନ ରାଶିର ବ୍ୟକ୍ତିଙ୍କ ପାଇଁ ଆଜିର ସ୍ୱସ୍ତିର କଥା ହେଉଛି, ଲଗ୍ନେଶ ବୁଧ ବର୍ତ୍ତମାନ ମାର୍ଗୀ ହୋଇ ଧୀରେ ଧୀରେ ନିଜ ଗତି ଫେରି ପାଉଛନ୍ତି। ଏହାର ପ୍ରଭାବରେ କଥାବାର୍ତ୍ତା ଓ ନିଷ୍ପତ୍ତି ନେବାରେ ସ୍ପଷ୍ଟତା ବଢ଼ିବ। ତେବେ ନୀଚସ୍ଥ ଚନ୍ଦ୍ର ଆପଣଙ୍କ ସ୍ୱାସ୍ଥ୍ୟ ଓ କର୍ମଭାବରେ ଅବସ୍ଥିତ ଥିବାରୁ ଅଫିସରେ ଅଧୁରା ରହିଥିବା ପୁରୁଣା କାମଗୁଡ଼ିକୁ ଦାୟିତ୍ୱର ସହ ସମାପ୍ତ କରିବେ। ପାଳିତ ପଶୁଙ୍କର ଯତ୍ନ ନିଅନ୍ତୁ ଓ ନିଜର ସମସ୍ୟାକୁ ଏକାକୀ ବହନ ନକରି ଭାଇଭଉଣୀଙ୍କ ସହ ବାଣ୍ଟନ୍ତୁ। ଆଜି ମୁଗ ଡାଲି ଖାଆନ୍ତୁ ଏବଂ ସମ୍ଭବ ହେଲେ ତାହାର ଦାନ ମଧ୍ୟ କରନ୍ତୁ।

କର୍କଟ ରାଶି: କର୍କଟ ରାଶିର ଲୋକମାନେ ଆଜି ସନ୍ତାନଙ୍କ ସମସ୍ତ ଦାୟିତ୍ୱ ପୂରଣ କରିବେ। ଚନ୍ଦ୍ର ଆପଣଙ୍କ ଧନ ଓ ସନ୍ତାନ ଭାବରେ ନୀଚ ରାଶିରେ ଅଛନ୍ତି। ସନ୍ତାନ ସମ୍ବନ୍ଧରେ କୌଣସି ଅଭିଯୋଗ ଶୁଣିବାକୁ ମିଳିପାରେ। ତାହାକୁ ସଂଯମର ସହ ସମ୍ଭାଳନ୍ତୁ। ସୂର‌୍ୟ୍ୟ ଓ ଗୁରୁଙ୍କ ଯୁତି ଆପଣଙ୍କ ଲଗ୍ନରେ ଥିବାରୁ ନେତୃତ୍ୱ ଓ ଗମ୍ଭୀରତା ବଢ଼ିବ। ଯଦିଓ ଗୁରୁ ଅସ୍ତ ଥିବାରୁ ଫଳ ଧୀରେ ମିଳିବ। ରୁପା ପାତ୍ରରେ ପାଣି ପିଅନ୍ତୁ କିମ୍ବା ରୁପା ମୁଦି ପିନ୍ଧନ୍ତୁ।

ସିଂହ ରାଶି: ସିଂହ ରାଶିର ଲୋକଙ୍କ ପାଇଁ ଆଜି ଘର ଓ ପରିବାରର ଦାୟିତ୍ୱ ନିଭାଇବେ। କେତେକ ଘରୋଇ କଥା ନେଇ ମନ ବିଚଳିତ ହୋଇପାରେ। ମା’ଙ୍କ ସ୍ୱାସ୍ଥ୍ୟକୁ ନେଇ ଚିନ୍ତା ଆସିପାରେ। ଶୁକ୍ର ଓ କେତୁ ଲଗ୍ନରେ ଥିବାରୁ ଆକର୍ଷଣ ରହିବ। କିନ୍ତୁ ଦେଖାଦେଖି ଠାରୁ ଅଧିକ ଭିତରର କାମ ଉପରେ ଧ୍ୟାନ ଦିଅନ୍ତୁ। ଗାଡ଼ି ସାବଧାନରେ ଚଲାନ୍ତୁ। ସକାଳେ ତମ୍ବା ପାତ୍ରରେ ସୂର‌୍ୟ୍ୟଦେବଙ୍କୁ ଜଳ ଅର୍ପଣ କରନ୍ତୁ।

କନ୍ୟା ରାଶି: କନ୍ୟା ରାଶିର ଲୋକଙ୍କ ପାଇଁ ଆଜି ଭାଇଭଉଣୀଙ୍କୁ ସହଯୋଗ କରିବାର ଦିନ। ସେମାନଙ୍କର ଅଟକିଥିବା କାମକୁ ଆଗକୁ ବଢ଼ାଇବା ପାଇଁ ପରିଶ୍ରମ କରିବାକୁ ପଡ଼ିପାରେ। ବୁଧ ବର୍ତ୍ତମାନ କର୍ମଭାବରେ ମାର୍ଗୀ ହୋଇଥିବାରୁ ନିଷ୍ପତ୍ତିରେ ସ୍ପଷ୍ଟତା ଆସିବ। ଛୋଟ ଯାତ୍ରାରେ ସାବଧାନ ରୁହନ୍ତୁ। ପଡ଼ୋଶୀଙ୍କ ସହ ପୁରୁଣା ବିବାଦର ସମାଧାନ କରନ୍ତୁ। ଗଣେଶଙ୍କୁ ମୋଦକ କିମ୍ବା ଲଡ୍ଡୁ ଭୋଗ ଲଗାନ୍ତୁ।

ତୁଳା ରାଶି: ତୁଳା ରାଶିର ଲୋକଙ୍କ ପାଇଁ ଆଜି ଦିନଟି ଭଲ ରହିଛି। ବାକି ଥିବା ଆର୍ଥିକ କାରବାର ଚୁକ୍ତି ହୋଇପାରେ। ନୀଚ ଚନ୍ଦ୍ର ଧନ ଭାବରେ ଥିବାରୁ କିଛି ଅଶାନ୍ତି ହୋଇପାରେ। କିନ୍ତୁ ଲଗ୍ନେଶ ଶୁକ୍ର ଲାଭ ଭାବରେ ଶୁଭ ସ୍ଥିତିରେ ଅଛନ୍ତି। କାହାକୁ ଟଙ୍କା ଦେବାକୁ ଥିଲେ ଆଜି ଦିଅନ୍ତୁ। କାହାଠାରୁ ନେବାକୁ ଥିଲେ ଆଜି ମାଗନ୍ତୁ। ଆଖିର ଯତ୍ନ ନିଅନ୍ତୁ। କାହା ସହ ବେଇମାନି କରନ୍ତୁ ନାହିଁ।

ବିଛା ରାଶି: ବିଛା ରାଶିର ଲୋକଙ୍କ ପାଇଁ ଆଜି ଭାବନା ଓ ଦାୟିତ୍ୱର ଚାପ ଅଧିକ ରହିପାରେ। ନୀଚ ଚନ୍ଦ୍ର ଲଗ୍ନରେ ଥିଲେ ମଧ୍ୟ ଲଗ୍ନେଶ ମଙ୍ଗଳ ସପ୍ତମ ଭାବରେ ଥିବାରୁ ନୀଚଭଙ୍ଗ ଯୋଗ ସୃଷ୍ଟି ହେଉଛି। ଯାହା ନକାରାତ୍ମକ ପ୍ରଭାବକୁ କମାଇବ। ସୂର‌୍ୟ୍ୟ ଓ ଗୁରୁ ଭାଗ୍ୟ ଭାବରେ ଥିବାରୁ ଶୁଭ ଫଳ ଧୀରେ ଧୀରେ ମିଳିବ। ଜୀବନସାଥୀଙ୍କ ସହ ଧୈର‌୍ୟ୍ୟର ସହ ବ୍ୟବହାର କରନ୍ତୁ। ବାନରଙ୍କୁ ଗୁଡ଼ ଓ ଚଣା ଖୁଆନ୍ତୁ।

ଧନୁ ରାଶି: ଧନୁ ରାଶିର ଲୋକଙ୍କ ପାଇଁ ଆଜି ନିଜ ପାଇଁ କିଛି ସମୟ ବାହାର କରିବା ଓ ଦାୟିତ୍ୱ ପୂରଣ କରିବାର ଦିନ। ଅଳସ୍ୟ ବଢ଼ିପାରେ ଏବଂ ଘରେ ରହିବାକୁ ଇଚ୍ଛା ହେବ। ଲଗ୍ନେଶ ଗୁରୁ ଉଚ୍ଚ ରାଶିରେ ଥିଲେ ମଧ୍ୟ ଅସ୍ତ ଥିବାରୁ ଶୁଭ ଫଳ ଧୀରେ ମିଳିବ। କୋର୍ଟ-କଚେରିର ପୁରୁଣା ମାମଲାରେ ଦୌଡ଼ାଦୌଡ଼ି କରିବାକୁ ପଡ଼ିପାରେ। ଖର୍ଚ୍ଚ ଉପରେ ନିୟନ୍ତ୍ରଣ ରଖନ୍ତୁ। ବିଷ୍ଣୁ ସହସ୍ରନାମ କିମ୍ବା ସତ୍ୟନାରାୟଣ କଥା ପାଠ କରନ୍ତୁ।

ମକର ରାଶି: ମକର ରାଶିର ଲୋକଙ୍କ ପାଇଁ ଆଜି ଲାଭ ଓ ଦାୟିତ୍ୱ ଉଭୟର ଦିନ। ପୁରୁଣା ଲାଭ ସମ୍ବନ୍ଧୀୟ କୌଣସି କଥା ସାମ୍ନାକୁ ଆସିପାରେ, ତାହାକୁ ସଂଯମର ସହ ସମ୍ଭାଳନ୍ତୁ। ଯୋଗକାରକ ଶୁକ୍ର ଶୁଭ ସ୍ଥିତିରେ ଥିବାରୁ ଧୀରେ ଧୀରେ ଲାଭ ମିଳିବ। ପୁରୁଣା ଇଚ୍ଛା ପୂରଣ ପାଇଁ ଆଜି ଏକ ଠୋସ ପଦକ୍ଷେପ ନିଅନ୍ତୁ। କଳା କିମ୍ବା ଗାଢ଼ ନୀଳ ରଙ୍ଗର ପୋଷାକ ପିନ୍ଧନ୍ତୁ।

କୁମ୍ଭ ରାଶି: କୁମ୍ଭ ରାଶିର ଲୋକଙ୍କ ପାଇଁ ଆଜି କ୍ୟାରିଅରର ଦାୟିତ୍ୱକୁ ନିଷ୍ଠାର ସହ ପୂରଣ କରିବାର ଦିନ। କାମ ଛାଡ଼ିବା କିମ୍ବା ରାଗ କରିବା ଠିକ୍ ନୁହେଁ। ବରିଷ୍ଠଙ୍କ କଥାକୁ ଗୁରୁତ୍ୱର ସହ ଶୁଣନ୍ତୁ। ଯୋଗକାରକ ଶୁକ୍ର ଶୁଭ ସ୍ଥିତିରେ ଅଛନ୍ତି। ଶନିଦେବ ୨୭ ଜୁଲାଇରେ ବକ୍ରୀ ହେବାକୁ ଯାଉଥିବାରୁ ତା’ ପୂର୍ବରୁ ପୁରୁଣା କାମ ସମାପ୍ତ କରନ୍ତୁ। ପିପଳ ଗଛକୁ ସାତ ଥର ପରିକ୍ରମା କରନ୍ତୁ।

ମୀନ ରାଶି: ମୀନ ରାଶିର ଲୋକଙ୍କ ପାଇଁ ଆଜି ଭାଗ୍ୟ ସାଥ ଦେବ। ନୀଚ ଚନ୍ଦ୍ର ଗଣ୍ଡମୂଳରେ ଥିଲେ ମଧ୍ୟ ବିନା ଅଧିକ ପ୍ରୟାସରେ କାମ ସଫଳ ହୋଇପାରେ। ଧର୍ମ-କର୍ମ ପ୍ରତି ରୁଚି ବଢ଼ିବ। ଲଗ୍ନେଶ ଗୁରୁ ଉଚ୍ଚ ରାଶିରେ ଥିବାରୁ ଶୁଭ ଆଧାର ରହିଛି। ଶନିଦେବ ଲଗ୍ନରେ ଥାଇ ଆପଣଙ୍କୁ ଶୃଙ୍ଖଳା ଶିଖାଉଛନ୍ତି। ପ୍ରେମ ସମ୍ବନ୍ଧରେ ସଫଳତା ମିଳିବ। ଜୀବନସାଥୀଙ୍କ ସହ ଦାୟିତ୍ୱବୋଧ ଓ ଭାବନାତ୍ମକ ଗଭୀରତା ରଖନ୍ତୁ। ହନୁମାନଜୀଙ୍କ ଆରାଧନା କରନ୍ତୁ ଏବଂ ସଙ୍କଟମୋଚନ ପାଠ କରନ୍ତୁ।