ନିଜ ଅଲ ଟାଇମ IPL ୧୧ ବାଛିଲେ ଅଜିତ ଅଗରକର: କିନ୍ତୁ ଭାରତର ଏହି ମହାନ ଖେଳାଳିଙ୍କୁ ଦଳରେ ଦେଲେନି ସ୍ଥାନ
ନୂଆଦିଲ୍ଲୀ: ସମସ୍ତ କ୍ରିକେଟପ୍ରେମୀଙ୍କ ନଜର ଏବେ IPL 2022 ଉପରେ । ଏହି ସମୟରେ ନିଜ ବେଷ୍ଟ IPL ୧୧ ବାଛିଛନ୍ତି ଇଣ୍ଡିଆନ କ୍ରିକେଟର ଧୁରନ୍ଧର ବୋଲର ଅଜିତ ଅଗରକର । କିନ୍ତୁ ଏହି ଟିମର ନେତୃତ୍ୱ ନେଉଛନ୍ତି ଏମିତି ଜଣେ ଖେଳାଳି ଯିଏ ଆଜି ପର୍ଯ୍ୟନ୍ତ କୌଣସି ସିଜନରେ ଟ୍ରଫି ହାସଲ କରି ପାରିନାହାନ୍ତି । ସେପଟେ ଲିଗର ସବୁଠୁ ସଫଳ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ଏହି ଦଳରେ ସ୍ଥାନ ଦେଇ ନାହାନ୍ତି ଅଗରକର । ତେବେ ଆସନ୍ତୁ ଜାଣିବା କ’ଣ ରହିଛି ଅଜିତ ଅଗରକରଙ୍କ IPL ଦଳ ।
ଦଳର ପ୍ରାରମ୍ଭିକ ବ୍ୟାଟ୍ସମ୍ୟାନ ଭାବେ ୟୁନିଭର୍ସ ବସ କ୍ରିସ ଗେଲ ସ୍ଥାନ ପାଇଥିବା ବେଳେ ତାଭ୍କ ସହ ବିରେନ୍ଦ୍ର ସେହୱାଗଙ୍କୁ ଦଳରେ ସାମିଲ କରିଛନ୍ତି ଅଜିତ । ଏହାପରେ ୩ ନମ୍ବରରେ ମିଷ୍ଟର ସୁରେଶ ରାଇନାଙ୍କୁ ସ୍ଥାନ ମିଳିଛି ଏବଂ ଚତୁର୍ଥରେ ରହିଛନ୍ତି ବିରାଟ କୋହଲି । ତେବେ ଅଜିତଙ୍କ ଏହି ଦଳର ନେତୃତ୍ୱଭାର ସେ ବିରାଟଙ୍କୁ ଦେଇଛନ୍ତି । ସବୁଠୁ ଆଶ୍ଚର୍ଯ୍ୟ କଥା ହେଉଛି ରୋହିତ କିମ୍ବା ଧୋନୀଙ୍କ ବଦଳରେ କୋହଲି ଅଧିନାୟକ ପାଲଟିଛନ୍ତି । ଯିଏ ଆଜି ପର୍ଯ୍ୟନ୍ତ IPL ଲିଗରେ ବିଜୟ ହୋଇ ପାରିନାହିଁ । ଏହାପରେ ମଧ୍ୟକ୍ରମରେ ରୋହିତ ଶର୍ମା ଏବଂ ଏବି ଡିଭିଲିୟର୍ସଙ୍କୁ ସ୍ଥାନ ଦେଇଛନ୍ତି । ତେବେ ପେସ ବୋଲିଂ ଭାର ୟର୍କର କିଙ୍ଗ ଲାସିଥ ମାଲିଙ୍ଗା, ଆଶିଷ ନେହେରା ଏବଂ ଭୁବନେଶ୍ୱର କୁମାରଙ୍କ ଉପରେ ରହିଛି । ସେହିପରି ସ୍ପିନର ତାଲିକାରେ ରହିଛନ୍ତି ସୁନୀଲ ନାରାୟଣ ଏବଂ ହରଭଜନ ସିଂହ । ତେବେ ଆଶ୍ଚର୍ଯ୍ୟର କଥା ୨୦୨୦ ସିଜନ ବ୍ୟତୀତ ପ୍ରତ୍ୟେକ ଥର ପ୍ଲେଅଫରେ ପହଞ୍ଚିଥିବା ଚେନ୍ନାଇର ଅଧିନାୟକ ଧୋନୀଙ୍କୁ ଦଳରେ ସ୍ଥାନ ଦେଇ ନାହାନ୍ତି ଅଗରକର । ଧୋନୀଙ୍କ ନେତୃତ୍ୱରେ ୪ ଥର ଚମ୍ପିଆନ ମୁକୁଟ ପିନ୍ଧିଛି ସିଏସକେ ।
ଅଜିତ ଅଗରକରଙ୍କ IPL ଦଳ
କ୍ରିସ ଗେଲ, ବିରେନ୍ଦ୍ର ସେହୱାଗ, ସୁରେଶ ରାଇନା, ବିରାଟ କୋହଲି(ଅଧିନାୟକ), ରୋହିତ ଶର୍ମା, ଏବି ଡିଭିଲିୟର୍ସ, ସୁନୀଲ ନାରାୟଣ, ହରଭଜନ ସିଂହ, ଭୁବନେଶ୍ୱର କୁମାର, ଲାସିଥ ମାଲିଙ୍ଗା ଏବଂ ଆଶିଷ ନେହେରା ।