School Time: ସ୍କୁଲ ଖୋଲିବା ସମୟ ବଦଳିଲା! ସେପଟେ 10ମ ଶ୍ରେଣୀ ସ୍କୁଲ ଡିସେମ୍ବର 21 ଯାଏଁ ବନ୍ଦ

ପାଟନା: ଏବେ କିଛି ଦିନ ହେବ ପାରଦ ଖସିବା ସହିତ ପ୍ରବଳ ଥଣ୍ଡା ଅନୁଭୂତ ହେଉଛି । ଥଣ୍ଡା ତ ଥଣ୍ଡା, ତା ଉପରେ କୁହୁଡ଼ି ଯୋଗୁଁ ଯାତାୟାତ ବହୁତ ବାଧାପ୍ରାପ୍ତ ହେଉଛି । ଫଳରେ ଅନେକ ଲୋକ ଦୁର୍ଘଟଣାର ସମ୍ମୁଖୀନ ହେଉଛନ୍ତି । ଏହାକୁ ଦୃଷ୍ଟିରେ ରଖି ବିହାରରେ ସ୍କୁଲ ସମୟରେ ବଡ଼ ପରିବର୍ତ୍ତନ କରାଯାଇଛି ।

ଶୀତ ଲହରୀ ଯୋଗୁଁ ପାଟଣାର ସମସ୍ତ ସ୍କୁଲ ଖୋଲିବା ସମୟ ପରିବର୍ତ୍ତନ କରାଯାଇଛି। ପାଟନାର ଜିଲ୍ଲା ମାଜିଷ୍ଟ୍ରେଟ୍ (ଡିଏମ୍) ଜିଲ୍ଲାର ସମସ୍ତ ସ୍କୁଲ ପାଇଁ ନିର୍ଦ୍ଦେଶ ଜାରି କରିଛନ୍ତି। ତାପମାତ୍ରା ହ୍ରାସ ହେତୁ, ସ୍କୁଲଗୁଡ଼ିକ ସକାଳ 9 ଟାରୁ ଅପରାହ୍ନ 4:30 ଟା ପର୍ଯ୍ୟନ୍ତ ଖୋଲା ରହିବ। ଯେଉଁମାନଙ୍କର ପ୍ରି-ବୋର୍ଡ/ବୋର୍ଡ ପରୀକ୍ଷା ଅଛି, ସେମାନେ ସାଧାରଣ ସମୟ ଅନୁସାରେ ସ୍କୁଲ ଆସିବେ। ଏହି ନିର୍ଦ୍ଦେଶ ଡିସେମ୍ବର 19 ରୁ 25 ତାରିଖ ପର୍ଯ୍ୟନ୍ତ କାର୍ଯ୍ୟକାରୀ ହେବ।

ଛପ୍ରାରେ ଦଶମ ଶ୍ରେଣୀ ପର୍ଯ୍ୟନ୍ତ ସ୍କୁଲଗୁଡ଼ିକ ଡିସେମ୍ବର 21 ପର୍ଯ୍ୟନ୍ତ ବନ୍ଦ

ଛପ୍ରାରେ ପ୍ରବଳ ଥଣ୍ଡା ଯୋଗୁଁ, ଦଶମ ଶ୍ରେଣୀ ପର୍ଯ୍ୟନ୍ତ ସମସ୍ତ ସ୍କୁଲ ଡିସେମ୍ବର 21 ପର୍ଯ୍ୟନ୍ତ ବନ୍ଦ ରହିବ। ଶୀତ ଲହରୀକୁ ଦୃଷ୍ଟିରେ ରଖି ଜିଲ୍ଲା ମାଜିଷ୍ଟ୍ରେଟ୍ ସ୍କୁଲଗୁଡ଼ିକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ଡିଏମ୍ ଙ୍କ ନିର୍ଦ୍ଦେଶ ଅନୁଯାୟୀ, ଏକାଦଶ ଏବଂ ଦ୍ୱାଦଶ ଶ୍ରେଣୀ ପାଇଁ ପାଠପଢ଼ା ସକାଳ 10 ରୁ ଅପରାହ୍ନ 4:30 ପର୍ଯ୍ୟନ୍ତ ଚାଲିବ।

ବିହାରର ଅନେକ ଜିଲ୍ଲାରେ ଶୀତ ଲହରୀ ସତର୍କତା

ବିହାରରେ ପ୍ରବଳ ଥଣ୍ଡା ଏବଂ ଘନ କୁହୁଡ଼ି ଯୋଗୁଁ ପାଗ ଖରାପ ହୋଇଛି, ଯାହା ରାଜ୍ୟର ଅନେକ ଜିଲ୍ଲାରେ ଜୀବନଯାତ୍ରାକୁ ଅସ୍ତବ୍ୟସ୍ତ କରିଛି। ପାଣିପାଗ ବିଭାଗ ଏକ ସତର୍କତା ଜାରି କରିଛି । ଯେଉଁଥିରେ ଶୂନ୍ୟ ଭିଜିବିଲିଟି ଏବଂ ପ୍ରବଳ ଥଣ୍ଡାର ଚେତାବନୀ ଦେଇଛି। ପାଟନା ପାଣିପାଗ ସତର୍କତା ଅନୁଯାୟୀ, ତାପମାତ୍ରା 5-17°C ମଧ୍ୟରେ ରହିବ ଏବଂ ସକାଳେ ସମଗ୍ର ଅଞ୍ଚଳରେ ଘନ କୁହୁଡ଼ି ରହିବ, ଯାହା ଫଳରେ ଅନେକ ଅଞ୍ଚଳରେ ଭିଜିବିଲିଟି 50 ମିଟରରୁ କମ୍ ହୋଇଯିବ।