ଅଭିନେତ୍ରୀ ମୁନମୁନ୍ ଦତ୍ତାଙ୍କୁ ଗିରଫ କରିବା ପାଇଁ ଉଠିଲା ଦାବି, ଦଳିତଙ୍କ ପାଇଁ ବ୍ୟବହାର କରିଥିଲେ ଏପରି ଶବ୍ଦ
ନୂଆଦିଲ୍ଲୀ, ୧୦/୫(ଓଡିଶା ଭାସ୍କର) : ଟିଭିର ସବୁଠାରୁ ଲୋକପ୍ରିୟ କମେଡି ସୋ ‘ତାରକ୍ ମେହେତା କା ଉଲଟା ଚଷମା’ ଫେମ୍ ଅଭିନେତ୍ରୀ ମୁନମୁନ୍ ଦତ୍ତା ସୋସିଆଲ ମିଡିଆରେ ବହୁତ୍ ଆକ୍ଟିଭ୍ ରୁହନ୍ତି । ସେ ଖୁବ୍ ଶୀଘ୍ର ୟୁ-ଟ୍ୟୁବ୍ ରେ ନଜର ଆସିବାକୁ ଯାଉଛନ୍ତି । ତେଣୁ ସେ ରବିବାର ଏନେଇ ସୁଚନା ଦେଇ ଏକ ଭିଡିଓ ଜାରି କରିଥିଲେ । ସେଥିରେ କିଛି ଏପରି ଭାଷାର ବ୍ୟବହାର କରିଛନ୍ତି । ଯାହା ପରେ ସେ ଟ୍ରୋଲ୍ ହେବାରେ ଲାଗିଛନ୍ତି । ଖାଲି ସେତିକି ନୁହେଁ ୟୁଜର୍ ମାନେ ତାଙ୍କୁ ଗିରଫ କରିବାକୁ ମଧ୍ୟ ଅପିଲ୍ କରିଛନ୍ତି ।
ଟୁଇଟର୍ ଏବେ ତାଙ୍କ ନାମରେ ଏକ ହ୍ୟାସଟ୍ୟାଗ୍ ଟ୍ରେଣ୍ଡ କରୁଛି । ତାହା ହେଉଛି #ArresMunmunDutta । ଏବେ ଏହି ହ୍ୟାସଟ୍ୟାଗ୍ ଟୁଇଟର୍ ରେ ଟ୍ରେଣ୍ଡ କରୁଛି । ଜାରି କରିଥିବା ଭିଡିଓରେ ସେ ଯେଉଁ ଭାଷାର ବ୍ୟବହାର କରିଛନ୍ତି ତାହା ଦଳିତ ଜାତିର ଲୋକ ମାନଙ୍କୁ ଅପମାନିତ କରିବା ଭଳି ସୁଚାଉଛି । ସୋସିଆଲ ମିଡିଆରେ ତାଙ୍କୁ ଆକ୍ଷେପ କରି ଅନେକ ଲୋକ କମେଣ୍ଟ କରିଛନ୍ତି ।
#ArrestMunmunDutta
Request @NCSC_GoI @thevijaysampla sir to please take Cognizance so that @moonstar4u to be booked immediately in #SCSTAct pic.twitter.com/NfTd3zthFc— Mohinder Pal Chalia (@mpchalia) May 10, 2021
ଅଭିନେତ୍ରୀ ମୁନମୁନ୍ ଦତ୍ତା ଭିଡିଓରେ କହିଛନ୍ତି ଯେ, “ମୁଁ ଖୁବ୍ ଶୀଘ୍ର ୟୁ-ଟ୍ୟୁବ୍ ରେ ଆସିବାକୁ ଯାଉଛି । ତେଣୁ ମୁଁ ଭଲ ଦେଖାଯିବାକୁ ଚାହୁଁଛି । ମୁଁ ଭଙ୍ଗିଙ୍କ ପରି ଦେଖାଯିବାକୁ ଚାହୁଁନି” । ଏଥିରେ ସେ ଯେଉଁ ଭଙ୍ଗି ଶବ୍ଦ ବ୍ୟବହାର କରିଛନ୍ତି ତାହା ଲୋକଙ୍କୁ ପସନ୍ଦ ଆସିନି । କାରଣ ଏହି ଶବ୍ଦଟି ଦଳିତ ସମୁଦାୟ ମାନଙ୍କ ପାଇଁ ଏକ ଜାତିସୁଚକ ଭାବରେ ବ୍ୟବହାର କରାଯାଏ । ଯାହାକି ଖୁବ୍ ଅପମାନଜନକ ।
Munam Dutta said that those people who have lost their lives in have lost their lives in the manuhole giving duty at the right time even in this corona period, if such racist people leave India, then make a world guru#ArrestMunmunDutta pic.twitter.com/5hMicR2arl
— Aakash Valmeki (@aakshValmeki) May 10, 2021
ତେବେ ତାଙ୍କୁ ଖୁବ୍ ଶୀଘ୍ର ଗିରଫ କରିବା ପାଇଁ ଅଭିଯାନ ଆରମ୍ଭ ହୋଇ ଯାଇଛି । ଏସସି/ଏସଟି ଆକ୍ଟ ଅଧୀନରେ ତାଙ୍କୁ ଗିରଫ କରାଯାଉ ବୋଲି ୟୁଜର୍ ମାନେ ଅପିଲ କରିଛନ୍ତି ।
— Munmun Dutta (@moonstar4u) May 10, 2021
ତେବେ ଏହି ଘଟଣା ପରେ ସେ ତାଙ୍କ ଭିଡିଓରୁ ଏହି କ୍ଲିପକୁ ହଟାଇ ଦେଇଛନ୍ତି । ଆଉ କ୍ଷମା ମଧ୍ୟ ମାଗିଛନ୍ତି । ସେ କହିଛନ୍ତି ଯେ, ତାଙ୍କୁ ଏହି ଶବ୍ଦର ସଠିକ୍ ଅର୍ଥ ଜଣା ନଥିଲା । ତେଣୁ ଏପରି କହି ଦେଇଛନ୍ତି । ସେ କାହାକୁ ଲକ୍ଷ୍ୟ କରି ବା ଅପମାନିତ କରି ଏପରି କହି ନାହାନ୍ତି । ସେ ତାଙ୍କ ଭିଡିଓରେ ଜାଣିଶୁଣି ଏପରି କହି ନାହାନ୍ତି । ହେଲେ ଯେତେବେଳେ ସେ ସେହି ଶବ୍ଦର ଅର୍ଥ ଜାଣିଲେ ସେ ତୁରନ୍ତ ସେହି କ୍ଲିପ୍ କୁ ଡିଲିଟ୍ କରି ଦେଇଛନ୍ତି । ସେ ସବୁ ପ୍ରକାର ସବୁଦାୟକୁ ସମ୍ମାନ କରନ୍ତି । ତେଣୁ ଯେଉଁ ମାନଙ୍କୁ ମୋ କଥା ଖରାପ ଲାଗିଛି ସେମାନେ ତାଙ୍କୁ କ୍ଷମା କରି ଦିଅନ୍ତୁ ।
