ଜନସଂଖ୍ୟା ବୃଦ୍ଧି ଉପରେ ମନ୍ତବ୍ୟ ରଖିଲେ ଓଓ୍ଵେସି କହିଲେ ସବୁଠାରୁ ଅଧିକ କୋଣ୍ଡୋମ ଆମେ ବ୍ୟବହାର କରୁଛୁ
ନୂଆଦିଲ୍ଲୀ: ଭାରତରେ ଧାର୍ମିକ ଅସନ୍ତୁଳନକୁ ନେଇ ଅଲ ଇଣ୍ଡିଆ ମଜଲିସ-ଇ-ଇଥାହାଦୁଲ ମୁସଲିମ (ଏଆଇଏମଆଇଏମ) ମୁଖ୍ୟ ଅସଦୁଦ୍ଦିନ ଓଓ୍ଵେସି ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ ଭାରତରେ ମୁସଲମାନମାନଙ୍କର ଜନସଂଖ୍ୟା ବୃଦ୍ଧି ପାଉନାହିଁ ବରଂ ହ୍ରାସ ପାଉଛି। କେବଳ ଏତିକି ନୁହେଁ ସେ ଆହୁରି ମଧ୍ୟ କହିଛନ୍ତି ଯଦି ସବୁ ଠାରୁ ଅଧିକ କେହି କଣ୍ଡୋମ ବ୍ୟବହାର କରୁଛନ୍ତି ସେ ହେଉଛନ୍ତି ମୁସଲମାନ। ବାସ୍ତବରେ ବିଜୟାଦଶମୀ ଅବସରରେ ରାଷ୍ଟ୍ରିୟ ସ୍ଵୟମ ସେବକ ସଂଗଠନର ମୁଖ୍ୟ ମୋହନ ଭଗବତ ତାଙ୍କ ଅଭିଭାଷଣରେ ଜନସଂଖ୍ୟା ପ୍ରସଙ୍ଗ ଉଠାଇଥିଲେ। ଜନସଂଖ୍ୟା ଅସନ୍ତୁଳନ ପ୍ରସଙ୍ଗକୁ ଅଣଦେଖା କରାଯିବା ଉଚିତ ନୁହେଁ ବୋଲି ସେ କହିଥିଲେ।ଏ କ ସାଧାରଣ ସଭାରେ ଓଓ୍ଵେସି କହିଛନ୍ତି, ‘ମୁସଲମାନମାନଙ୍କ ସଂଖ୍ୟା ବୃଦ୍ଧି ପାଉନାହିଁ। ଅନାବଶ୍ୟକ ଟେନସନରେ ନିଜକୁ ରଖନ୍ତୁ ନାହିଁ, ଏହା ବୃଦ୍ଧି ପାଉନାହିଁ ବରଂ ଆମର ଜନସଂଖ୍ୟା ହ୍ରାସ ପାଉଛି। ମୁସଲମାନମାନଙ୍କର TFR ହ୍ରାସ ପାଉଛି…। ସେ କହିଛନ୍ତି ଯେ ଦୁଇଟି ସନ୍ତାନ ହେବା ମଧ୍ୟରେ ମୁସଲମାନମାନେ ସବୁଠାରୁ ବଡ ସମୟ ପାର୍ଥକ୍ୟ ରଖୁଛନ୍ତି। ଯାହାକି ଦେଶରେ ଆଉ କେହି କରୁନାହାନ୍ତି । ଏହା ପରେ ସେ ପଚାରିଲେ, ‘କଣ୍ଡୋମ କିଏ ଅଧିକ ବ୍ୟବହାର କରୁଛି? ଆମେ ବ୍ୟବହାର କରୁଛୁ । ମୋହନ ଭଗବତ ଏହା ଉପରେ କହିବେ ନାହିଁ। ତାଙ୍କ ପାଖରେ କୌଣସି ଡାଟା ନାହିଁ ବାସ ସେ ଏମିତି କଥା କହୁଛନ୍ତି ।
ସୂଚନାମୁତାବକ ଭାଗବତ ଭାଷଣ ସମୟରେ ଜନସଂଖ୍ୟା ଅସନ୍ତୁଳନ ଉପରେ ଆଲୋକପାତ କରିଥିଲେ। ସେ କହିଥିଲେ “ଯେତେବେଳେ କୋଉ କୌଣସି ଦେଶରେ ଜନସଂଖ୍ୟାଗତ ଅସନ୍ତୁଳନ ଦେଖାଯାଏ, ସେତେବେଳେ ସେହି ଦେଶର ଭୌଗୋଳିକ ସୀମା ମଧ୍ୟ ବଦଳିଯାଏ। ଜନ୍ମ ହାରରେ ଅସମାନତା ଦେଶରପ୍ରଗତିରେ ବାଧକର ଏକ ବଡ଼ କାରଣ। ସଂଗଠନର ମୁଖ୍ୟ କହିଛନ୍ତି ଯେ ଜନସଂଖ୍ୟା ନିୟନ୍ତ୍ରଣ ସହିତ ଧାର୍ମିକ ଭିତ୍ତିରେ ଜନସଂଖ୍ୟା ସନ୍ତୁଳନ ମଧ୍ୟ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ, ଯାହାକୁ ଅଣଦେଖା କରାଯାଇପାରିବ ନାହିଁ। ଭାଷା ଅନୁଯାୟୀ, ସଂଗଠନ ମୁଖ୍ୟ କହିଛନ୍ତି ଯେ ଏକ ସନ୍ତୁଳନ ରକ୍ଷା କରିବା ପାଇଁ ନୂତନ ଜନସଂଖ୍ୟା ନୀତି ସମସ୍ତ ସମ୍ପ୍ରଦାୟରେ ସମାନ ଭାବରେ ପ୍ରୟୋଗ କରାଯିବା ଉଚିତ୍। ସେ କହିଛନ୍ତି ଯେ ଏହି ଦେଶର ସମ୍ପ୍ରଦାୟ ମଧ୍ୟରେ ସନ୍ତୁଳନ ରକ୍ଷା କରିବାକୁ ପଡିବ।
#WATCH | On RSS chief Mohan Bhagwat's statement that there's a religious imbalance in India, AIMIM chief Asaduddin Owaisi says, "Don't fret, Muslim population is not increasing, it's rather falling… Who's using condoms the most? We are. Mohan Bhagwat won't speak on this." pic.twitter.com/kcaYLaNm7A
— ANI (@ANI) October 8, 2022
