ଡିସେମ୍ବରର ପ୍ରଥମଦିନରେ ଗ୍ରାହକଙ୍କୁ ବ୍ୟାଙ୍କର ବଡ ଉପହାର! ଶସ୍ତା ହେଲା EMI, ଜାଣନ୍ତୁ କେତେ?
ଡିସେମ୍ବର ମାସର ପ୍ରଥମ ଦିନରେ ଗ୍ରାହକମାନଙ୍କ ପାଇଁ ବଡ ଉପହାର ଆଣି ଦେଇଛି ସିଏସବି ବ୍ୟାଙ୍କ । ବ୍ୟାଙ୍କ ୬ ମାସର ଅବଧି ଥିବା ଋଣର ଏମସିଏଲଆରକୁ ୦.୧୦ ପ୍ରତିଶତ ହ୍ରାସ କରିଛି । ବ୍ୟାଙ୍କ ପକ୍ଷରୁ ଜାରି ହୋଇଥିବା ବିବୃତ୍ତିରେ ଏନେଇ ସୂଚନା ଦିଆଯାଇଛି । ୧ ଡିସେମ୍ବର ୨୦୨୦ ଅର୍ଥାତ୍ ଆଜିଠାରୁ ନୂଆ ସୁଧ ହାର ଲାଗୁ ହେବ ବୋଲି ବ୍ୟାଙ୍କ କହିଛି । କିନ୍ତୁ ଗୋଟିଏ ବର୍ଷ ପାଇଁ ନିଆଯାଉଥିବା ଲୋନରେ କୌଣସି ପରିବର୍ତ୍ତନ କରାଯାଇନାହିଁ । ଗୋଟିଏ ବର୍ଷ ପାଇଁ ଲୋନ୍ ନେଉଥିବା ଗ୍ରାହକଙ୍କ ପାଇଁ ସୁଧ ହାର ୯.୫୦ ପ୍ରତିଶତ ରହିଛି ।
ତେବେ ଗୋଟିଏ ଦିନରୁ ୬ ମାସର ପର୍ଯ୍ୟନ୍ତ ଲୋନ ଉପରେ ସୁଧ ହାର ୭.୭୦ରୁ ୮.୫୦ ପ୍ରତିଶତ ମଧ୍ୟରେ ରହିବ ।
ଗୋଟିଏ ରାତି ପାଇଁ ଏମସିଏଲଏଆର- ୭.୭୦%
ଗୋଟିଏ ମାସ ପାଇଁ ଏମସିଏଲଏଆର- ୭.୮୦%
୩ ମାସ ପାଇଁ ଏମସିଏଲଏଆର- ୮.୧୦%
୬ ମାସ ପାଇଁ ଏମସିଏଲଏଆର- ୮.୫୦%
ଗୋଟିଏ ବର୍ଷ ପାଇଁ ଏମସିଏଲଏଆର- ୯.୫୦%
