ଟାଇଫୁନ୍ ବାଭି: ବୁଡ଼ିଲା ଚୀନ, ଧ୍ୱଂସ ପାଇଲା ତାଇୱାନ… ପ୍ରଜନନ କେନ୍ଦ୍ରରୁ ଭାସିଗଲେ ୯୦୦ ସ୍ନେକ୍, ଏବେ ରାସ୍ତାରେ ଘରେ ସବୁଠି ବିଷଧର ସାପ

ସମୁଦ୍ରର ବିଶାଳ ଢେଉ ଓ ପ୍ରଳୟଙ୍କାରୀ ବନ୍ୟାର ତାଣ୍ଡବରେ ଚୀନ, ତାଇୱାନ ଓ ତାଜିକିସ୍ତାନର ଅନେକ ସହର ଧ୍ୱଂସସ୍ତୂପରେ ପରିଣତ ହେଉଛି। ଘୂର୍ଣ୍ଣିଝଡ଼ର ପଥରେ ଯାହା କିଛି ଆସୁଛି, ସବୁକିଛି ଛାରଖାର ହୋଇଯାଉଛି।

ଏହି ଭୟଙ୍କର ବିପର୍ଯ୍ୟୟ ମଧ୍ୟରେ ଲକ୍ଷାଧିକ ଲୋକ ଫସି ରହିଛନ୍ତି। ଅନେକ ସ୍ଥାନରେ ରାସ୍ତା ଓ ଯୋଗାଯୋଗ ବିଚ୍ଛିନ୍ନ ହୋଇଥିବାରୁ ଉଦ୍ଧାରକାରୀ ଦଳ ସେମାନଙ୍କ ପାଖରେ ପହଞ୍ଚି ପାରୁନାହାନ୍ତି।

ବିଶ୍ୱର ବିଭିନ୍ନ ଦେଶରେ ପ୍ରଳୟଙ୍କାରୀ ତାଣ୍ଡବ:

ପ୍ରବଳ ବର୍ଷା ପରେ ସୃଷ୍ଟି ହୋଇଥିବା ବନ୍ୟା ବିଶ୍ୱର ଅନେକ ଦେଶରେ ତାଣ୍ଡବ ସୃଷ୍ଟି କରୁଛି। ତେବେ ଏହି ପ୍ରଳୟର ସବୁଠାରୁ ଅଧିକ ପ୍ରଭାବ ଚୀନ ଉପରେ ପଡ଼ିଛି। ଚୀନର ଅନେକ ପ୍ରଦେଶରେ ଜରୁରୀକାଳୀନ ସ୍ଥିତି ଘୋଷଣା କରାଯାଇଛି।

ଗୁଆଂସି ପ୍ରଦେଶ ବନ୍ୟାଜଳରେ ସମ୍ପୂର୍ଣ୍ଣ ଜଳମଗ୍ନ ହୋଇଯାଇଛି। ଜୀବନ ବଞ୍ଚାଇବା ପାଇଁ ଲୋକମାନେ ଘରର ଛାତ ଉପରେ ଆଶ୍ରୟ ନେଇଛନ୍ତି, କିନ୍ତୁ ଉଫାନିଆ ବନ୍ୟାଜଳ ସେମାନଙ୍କୁ ନିଜ ଆଡ଼କୁ ଟାଣିନେବାକୁ ଉଦ୍ୟତ ରହିଛି। ବନ୍ୟାର ସ୍ରୋତ ଏତେ ଭୟଙ୍କର ଥିଲା ଯେ, ଏହା ସାମ୍ନାରେ ଶକ୍ତିଶାଳୀ ବନ୍ଧ ମଧ୍ୟ ତିଷ୍ଠି ପାରିନଥିଲା।

ପାଣି ଭିତରେ ସାପଙ୍କ ଆତଙ୍କ:

ଚୀନର ଗୁଆଂସି ପ୍ରଦେଶରେ କେବଳ ଘରବାଡ଼ି ନୁହେଁ, ମଣିଷ ଓ ପଶୁମାନେ ମଧ୍ୟ ବନ୍ୟାର କରାଳ ଗ୍ରାସରେ ପଡ଼ିଛନ୍ତି। ଏକ ସାପ ପ୍ରଜନନ କେନ୍ଦ୍ରରୁ ପ୍ରାୟ ୯୦୦ଟି ସାପ ବନ୍ୟାଜଳରେ ଭାସି ପଳାଇଯାଇଥିବା କୁହାଯାଉଛି। ଫଳରେ ସହରର ବିଭିନ୍ନ ସ୍ଥାନରେ ସାପ ଭାସୁଥିବା ଦେଖାଯାଉଛି, ଯାହା ଲୋକଙ୍କ ମନରେ ଭୟ ସୃଷ୍ଟି କରିଛି।

କେବଳ ଗୁଆଂସି ନୁହେଁ, ଚୀନର ଅନେକ ପ୍ରଦେଶ ଭୟଙ୍କର ବନ୍ୟାରେ ବିଧ୍ୱସ୍ତ ହେଉଛି। ଏଠାରେ ପାଣି ଓ ଜୀବନ ମଧ୍ୟରେ ଏକ କଠିନ ସଂଘର୍ଷ ଚାଲିଛି, ଆଉ ଏହି ସଂଘର୍ଷରେ ସବୁଠାରୁ ବଡ଼ ପରାଜିତ ହେଉଛି ମଣିଷର ଜୀବନ।

ସୁଚିଆନର ଲେଶହନ ସହର ମଧ୍ୟ ଭୟଙ୍କର ବନ୍ୟାର କବଳରେ ପଡ଼ିଛି। ରାସ୍ତାଘାଟ ସବୁ ପାଣିରେ ବୁଡ଼ିଯାଇଥିବା ବେଳେ ଗାଡ଼ିଗୁଡ଼ିକ ଖଡ଼କୁଟା ପରି ବନ୍ୟା ସ୍ରୋତରେ ଭାସିଯାଉଛି। ବନ୍ୟାର ପ୍ରଚଣ୍ଡ ବେଗ ସାମ୍ନାରେ ଯାହା କିଛି ଆସୁଛି, ସବୁକିଛି ଜଳମଗ୍ନ ହୋଇଯାଉଛି।

ଅନ୍ୟପଟେ, ଚୀନରେ ବନ୍ୟା ସହ ଘୂର୍ଣ୍ଣିଝଡ଼ ମଧ୍ୟ ତାଣ୍ଡବ ସୃଷ୍ଟି କରିଛି। ‘ବାଭି’ ଘୂର୍ଣ୍ଣିଝଡ଼ ଜେଜିଆଙ୍ଗ ପ୍ରଦେଶକୁ ଭୟଙ୍କର ଭାବେ ପ୍ରଭାବିତ କରିଛି। ପ୍ରବଳ ପବନ ଓ ଅବିରତ ବର୍ଷା ଯୋଗୁଁ ଜନଜୀବନ ସମ୍ପୂର୍ଣ୍ଣ ଅସ୍ତବ୍ୟସ୍ତ ହୋଇପଡ଼ିଛି।

ତାଇୱାନ ଓ ତାଜିକିସ୍ତାନରେ ବିପର୍ଯ୍ୟୟର ଭୟଙ୍କର ଚିତ୍ର: