ମସ୍କଙ୍କ ବଡ ଘୋଷଣା, Twitter କୁ ଫେରିଲେ ଆମେରିକାର ପୂର୍ବତନ ରାଷ୍ଟ୍ରପତି Trump
ଟେସଲା ସିଇଓ ଏଲନ୍ ମସ୍କ ଟ୍ୱିଟରକୁ କିଣିବା ପରେ ନୂଆ ନୂଆ ରୁଲ ପରିବର୍ତ୍ତନ କରିଛନ୍ତି। ଏଲନ୍ ମସ୍କ ଟ୍ୱିଟରର ମାଲିକ ହେବା ପରେ ଡୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଣ୍ଟ ପୁନରୁଦ୍ଧାର ବିଷୟରେ ଆଲୋଚନା ହେଉଥିବା ବେଳେ ଏଥିରେ ସବୁଜ ସଂକେତ ମିଳିଛି । ପୁଣି ଥରେ ଡୋନାଲ୍ଡ ଙ୍କ ଆକାଉଣ୍ଟ ଟ୍ୱିଟର ରେ ଫେରିଛି ।
ସୂଚନାମୁତାବକ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଟ୍ୱିଟରରେ ଫେରିଛନ୍ତି। ଟ୍ୱିଟରର ନୂଆ ମାଲିକ ଏଲନ୍ ମସ୍କ ଏକ ଟୁଇଟ୍ ମାଧ୍ୟମରେ ଏହା ଘୋଷଣା କରିଛନ୍ତି। ଗୋଟିଏ ଦିନ ପୂର୍ବରୁ, ମସ୍କ ଟ୍ୱିଟରରେ ଉପଭୋକ୍ତାମାନଙ୍କୁ ପଚାରିଥିଲେ ଯେ ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟ ପୁନରୁଦ୍ଧାର ହେବ କି? ସର୍ଭେ ଫଳାଫଳ ବିଷୟରେ ଆଲୋଚନା କରି ୫୨ ପ୍ରତିଶତ ଲୋକ ଟ୍ରମ୍ପଙ୍କ ଆକାଉଣ୍ଟକୁ ପୁନରୁଦ୍ଧାର କରିବାକୁ ଦାବି କରିଛନ୍ତି। ଯେଉଁଠାରେ ୪୮ ପ୍ରତିଶତ ଲୋକ ଏହାକୁ ବିରୋଧ କରିଥିଲେ।
ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟ ପୁନରୁଦ୍ଧାର ବିଷୟରେ ଏଲନ୍ ମସ୍କ ସୂଚନା ଦେଇଛନ୍ତି। ସେ ଟ୍ୱିଟରରେ ଲେଖିଛନ୍ତି, ଜନସାଧାରଣ ଏହାର ଉତ୍ତର ଦେଇଛନ୍ତି … ଟ୍ରମ୍ପଙ୍କ ଆକାଉଣ୍ଟ ଫେରିବା ଆବଶ୍ୟକ କି । ଏହାପୂର୍ବରୁ ସେ ପ୍ଲାଟଫର୍ମର ଉପଭୋକ୍ତାମାନଙ୍କୁ ପଚାରିଥିଲେ ଯେ ପୂର୍ବତନ ରାଷ୍ଟ୍ରପତି ଟ୍ରମ୍ପଙ୍କ ଆକାଉଣ୍ଟ ପୁନଃ ସ୍ଥାପିତ ହେବ କି?
କାହିଁକି ସ୍ଥଗିତ ହେଇଥିଲା ଟ୍ରମ୍ପଙ୍କ ଆକାଉଣ୍ଟ:
ଆସନ୍ତୁ ଜାଣିବା ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟ କାହିଁକି ସ୍ଥଗିତ ହେଲା? ବାସ୍ତବରେ, ଜାନୁୟାରୀ ୬, ୨୦୨୧ ରେ ଆମେରିକାର କ୍ୟାପିଟାଲରେ ଦଙ୍ଗା ହୋଇଥିଲା ଏବଂ ଡୋନାଲ୍ଡ ଟ୍ରମ୍ପ ଏଥିପାଇଁ କିଛି ମାତ୍ରାରେ ଦାୟୀ ହୋଇଥିଲେ। ଏହି ଦଙ୍ଗାରେ ତାଙ୍କର ଭୂମିକା ସମ୍ପର୍କରେ ଆମେରିକାରେ ମଧ୍ୟ ଅନୁସନ୍ଧାନ ଚାଲିଛି।ଏଥି ସହିତ, ସେ ନିଜ ସମର୍ଥକଙ୍କ ସହ ପ୍ରାୟତଃ ଟ୍ୱିଟର ମାଧ୍ୟମରେ କଥା ହେଉଥିଲେ ଏବଂ ଦଙ୍ଗା ପରେ ତାଙ୍କୁ ସୋସିଆଲ ନେଟୱାର୍କିଂ ପ୍ଲାଟଫର୍ମରୁ ବାରଣ କରାଯାଇଥିଲା। ସେବେଠାରୁ ଆମେରିକାର ପୂର୍ବତନ ରାଷ୍ଟ୍ରପତି ତାଙ୍କ ସୋସିଆଲ୍ ନେଟୱାର୍କିଂ ଆପ୍ ଟ୍ରୁଥ୍ ସୋସିଆଲ୍ ରେ ସକ୍ରିୟ ଥିଲେ।
The people have spoken.
Trump will be reinstated.
Vox Populi, Vox Dei. https://t.co/jmkhFuyfkv
— Elon Musk (@elonmusk) November 20, 2022
