ଇଲେକ୍ଟ୍ରିକ୍ କାର୍‌ କିଣିବା ପୂର୍ବରୁ ଜାଣନ୍ତୁ ଏହି କଥା, କାହିଁକି ଶୀଘ୍ର ଘୋରି ହୋଇଯାଏ ଇଭି ଟାୟାର୍, କିପରି ନେବେ ଯତ୍ନ

ଓଡ଼ିଶା ଭାସ୍କର ଡେସ୍କ: ଇଲେକ୍ଟ୍ରିକ୍ କାର୍ କିଣିବାର ସବୁଠାରୁ ବଡ଼ ଲାଭ ହେଉଛି ଏହାର କମ୍ ରନିଂ କଷ୍ଟ। ପେଟ୍ରୋଲ୍-ଡିଜେଲ୍ ଏବଂ ଇଞ୍ଜିନ୍ ଅଏଲ୍‌ର ଖର୍ଚ୍ଚ ନଥିଲେ ମଧ୍ୟ, ଇଭି ମାଲିକମାନଙ୍କ ପାଇଁ ଟାୟାର୍ ଏକ ବଡ଼ ଆର୍ଥିକ ବୋଝ ହୋଇପାରେ। ସାଧାରଣ ପେଟ୍ରୋଲ୍ ବା ଡିଜେଲ୍ କାର୍ ଅପେକ୍ଷା ଇଲେକ୍ଟ୍ରିକ୍ କାର୍‌ର ଟାୟାର୍ ପ୍ରାୟ ୨୦ ରୁ ୩୦ ପ୍ରତିଶତ ଶୀଘ୍ର ଘୋରି ହୋଇଯାଇଥାଏ।

ଇଭିର ଟାୟାର୍ କାହିଁକି ଜଲଦି ନଷ୍ଟ ହୁଏ?

• ଅଧିକ ଓଜନ: ଇଲେକ୍ଟ୍ରିକ୍ କାର୍‌ଗୁଡ଼ିକରେ ବଡ଼ ଏବଂ ଭାରୀ ବ୍ୟାଟେରୀ ଲାଗିଥିବାରୁ, ଏହାର ଓଜନ ସାଧାରଣ କାର୍ ଅପେକ୍ଷା ବହୁତ ଅଧିକ ହୋଇଥାଏ। ଏହି ଅଧିକ ଓଜନ ସର୍ବଦା ଟାୟାର୍ ଉପରେ ଚାପ ପକାଇଥାଏ।
• ଇନଷ୍ଟାଣ୍ଟ ଟର୍କ: ଇଲେକ୍ଟ୍ରିକ୍ ମୋଟର୍ ପ୍ରାରମ୍ଭରୁ ହିଁ ପ୍ରଚୁର ଟର୍କ ପ୍ରଦାନ କରିଥାଏ। ଟ୍ରାଫିକ୍ ସିଗ୍ନାଲ୍ କିମ୍ବା ଏକ୍ସପ୍ରେସୱେରେ ହଠାତ୍ ଗାଡ଼ିର ଗତି ବଢ଼ାଇବା ଦ୍ୱାରା ଟାୟାର୍ ଉପରେ ଅଧିକ ଚାପ ପଡ଼ିଥାଏ।
• ରିଜେନରେଟିଭ୍ ବ୍ରେକିଂ: ଇଭିରେ ଗାଡ଼ିର ଗତି କମ କରିବା ପାଇଁ ମୋଟରର ବ୍ୟବହାର ହେଉଥିବାରୁ, ଏହି ପ୍ରକ୍ରିୟାରେ ଟାୟାର୍ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ଟାୟାର୍ ବଦଳାଇବା ପାଇଁ କେତେ ଖର୍ଚ୍ଚ ହୁଏ?

• Tata Nexon EV: ପ୍ରାୟ ୧୪,୦୦୦ ରୁ ୨୪,୦୦୦ ଟଙ୍କା
• MG Windsor EV: ପ୍ରାୟ ୨୦,୦୦୦ ରୁ ୩୬,୦୦୦ ଟଙ୍କା
• Hyundai Ioniq 5 / BYD Atto 3: ପ୍ରାୟ ୪୦,୦୦୦ ରୁ ୮୦,୦୦୦ ଟଙ୍କା (ବ୍ରାଣ୍ଡ ଏବଂ ସ୍ପେସିଫିକେସନ୍ ଉପରେ ନିର୍ଭର କରେ)

ଟାୟାର୍‌ର ଆୟୁଷ ବୃଦ୍ଧି ପାଇଁ କିଛି ଜରୁରୀ ପରାମର୍ଶ:

• ଟାୟାର୍ ପ୍ରେସର: ପ୍ରତି ସପ୍ତାହରେ ନିୟମିତ ଭାବେ ଟାୟାର୍ର ପ୍ରେସର ଯାଞ୍ଚ କରନ୍ତୁ।
• ଟାୟାର୍ ରୋଟେସନ୍: ପ୍ରାୟ ୧୦,୦୦୦ କିମି ପରେ ଟାୟାର୍ ରୋଟେସନ୍ କରାନ୍ତୁ, ଯାହାଦ୍ୱାରା ଚାରିୋଟି ଟାୟାର୍ ସମାନ ଭାବେ ଘସିହେବ।
• ହ୍ୱିଲ୍ ଆଲାଇନମେଣ୍ଟ୍: ପ୍ରାୟ ୧୫,୦୦୦ କିମି ପରେ ହ୍ୱିଲ୍ ଆଲାଇନମେଣ୍ଟ୍ ଯାଞ୍ଚ କରାନ୍ତୁ।
• ସ୍ମୁଥ୍ ଡ୍ରାଇଭିଂ: ଗାଡ଼ି ଚାଳନା ସମୟରେ ହଠାତ୍ ଜୋରରେ ଏକ୍ସଲେରେଟ୍ ମୋଡ଼ିବାରୁ କ୍ରମାଗତ ଭାବେ ଦୂରେଇ ରୁହନ୍ତୁ।