ଭୟ ବଢ଼ାଇଲାଣି କରୋନା: ଦିନକରେ ୩.୩ ଲକ୍ଷ ନୂତନ ସଂକ୍ରମିତ ଚିହ୍ନଟ, ୧୦ହଜାର ପାର୍ ହେଲା ଓମିକ୍ରନ; ବଢ଼ୁଛି ମୃତ୍ୟୁ ସଂଖ୍ୟା

ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ଦେଶରେ ୩ ଲକ୍ଷ ୩୭ ହଜାର ୭୦୪ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ଆକ୍ଟିଭ୍ କେସ୍ ୨୧ ଲକ୍ଷ ପାର୍ କରିଛି । ଆକ୍ଟିଭ୍ କେସ୍ ବର୍ତ୍ତମାନ ୨୧ ଲକ୍ଷ ୧୩ ହଜାର ୩୬୫ ହୋଇଯାଇଛି । ପଜିଟିଭିଟି ରେଟ୍ ୫.୪୩ ପ୍ରତିଶତ ବଢ଼ିଛି । ଦୈନିକ ପଜିଟିଭ୍ ହାର ୧୭.୨୨ ପ୍ରତିଶତ ରହିଛି । ତେବେ ଦିନକରେ ୨ ଲକ୍ଷ ୪୨ ହଜାର ୬୭୬ ଜଣ ସୁସ୍ଥ ହୋଇଛନ୍ତି । ଏହାକୁ ମିଶାଇ ମୋଟ ସୁସ୍ଥଙ୍କ ସଂଖ୍ୟା ୩,୬୩,୦୧,୪୮୧ ହୋଇଯାଇଛି । ଏହାସହିତ ଦେଶରେ ୨୪ ଘଣ୍ଟାରେ କୋଭିଡ୍ ରେ ୪୮୮ ଜଣ ମୃତ୍ୟୁବରଣ କରିଛନ୍ତି । ଏହାକୁ ମିଶାଇ ଦେଶରେ ମୋଟ ମୃତ୍ୟୁ ସଂଖ୍ୟା ୪ ଲକ୍ଷ ୮୮ ହଜାର ୮୮୪ କୁ ବୃଦ୍ଧି ପାଇଛି ।

ଅନ୍ୟପଟେ ନୂତନ ଭାରିଆଣ୍ଟ ଓମିକ୍ରନ ମାମଲା ୧୦ ହଜାର ପାର୍ କରିଛି । ମୋଟ ଓମିକ୍ରନ ସଂକ୍ରମିତଙ୍କ ସଂଖ୍ୟା ୧୦ ହଜାର ୫୦ ରହିଛି ।