ତୃତୀୟ ମ୍ୟାଚରୁ ବାଦ ପଡି ପାରନ୍ତି ଇଶାନ କିଶାନ: ମୁଣ୍ଡରେ ଆଘାତ ଯୋଗୁଁ ଡାକ୍ତରଖାନାରେ ଭର୍ତ୍ତି

ନୂଆଦିଲ୍ଲୀ: ଭାରତ-ଶ୍ରୀଲଙ୍କା ବିପକ୍ଷ ସିରିଜ ଆରମ୍ଭରୁ ଏକ ବଡ ଚିନ୍ତା ପାଲଟିଛି ଆହତ ସମସ୍ୟା । ଭାରତର ଷ୍ୟାର ବୋଲର ଦୀପୀକ ଚହର, ସଳର୍ଯ୍ୟକୁମାର ଯାଦବ ଏବଂ ଋୁତୁରାଜ ଗାଏକ୍ୱାଡଙ୍କ ପରେ ଏବେ ଷ୍ଟାର ଓପନର ଇଶାନ କିଶାନ ମଧ୍ୟ ଆହତ ହୋଇଛନ୍ତି । ସେପଟେ ଶ୍ରୀଲଙ୍କାର ମଧ୍ୟ ପରିସ୍ଥିତି କିଛି ସମାନ ରହିଛି । ଦ୍ୱିତୀୟ ମ୍ୟାଚରେ ୱିକେଟ କିପର ବ୍ୟାଟ୍ସମ୍ୟାନ ଦିନେଶ ଚାନ୍ଦିମାଲଙ୍କ ଆଙ୍ଗୁଠିରେ ଆଘାତ ଲାଗିଥିବା ଜଣାପଡିଛି । ପୂର୍ବରୁ ମହୀଷ ତୀକ୍ଷଣା ଏବଂ ଶିରନ ଫର୍ଣ୍ଣାଣ୍ଡୋ ଆହତ ହୋଇ ଦଳରୁ ବାଦ ପଡିଥିବା ବେଳେ ୱାନିନ୍ଦୁ ହସରଙ୍ଗା କରୋନାରେ ଆକ୍ରାନ୍ତ ହୋଇ ସିରିଜରୁ ବାଦ ପଡିଛନ୍ତି ।

ଦ୍ୱିତୀୟ ମ୍ୟାଚରେ ବ୍ୟାଟିଙ୍ଗ ସମୟରେ ଇଶାନ କିଶାନ ଆହତ ହୋଇଥିବା ଦେଖାଯାଇଥିଲା । ଲାହିର କୁମାରଙ୍କର ଏକ ବାଉନ୍ସର ଇଶାନଙ୍କ ହେଲମେଟରେ ବାଜିଥିଲା । ଫଳରେ ମୁଣ୍ଡରେ ମଧ୍ୟ ସାମାନ୍ୟ ଯନ୍ତ୍ରଣା ଅନୁଭବ କରିଥିଲେ ଇଶାନ କିଶାନ । ତେବେ ଏହାପରେ ମେଡିକାଲରେ ତାଙ୍କର ସିଟି ସ୍କାନ କରାଯାଇଛି ଏବଂ ଏବେ ସେ ଡାକ୍ତରଙ୍କ ଚିକିତ୍ସାଧୀନ ରହିଛନ୍ତି । ସେପଟେ ଫିଲ୍ଡିଙ୍ଗ କରୁଥିବା ସମୟରେ ଶ୍ରୀଲଙ୍କାର ୱିକେଟ କିପର ବ୍ୟାଟ୍ସମ୍ୟାନ ଦୀନେଶ ଚାନ୍ଦିମାଲଙ୍କ ଆଙ୍ଗୁଠିରେ ଆଘାତ ଲାଗିଥିଲା । ଫଳରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇ ତାଙ୍କର ଚିକିଓôା ଜାରି ରହିଛି । ତେବେ ତୃତୀୟ ଟି-୨୦ରେ ସେ ଖେଳିବେ କି ନାହିଁ, ସେ ନେଇ କୌଣସି ସ୍ପଷ୍ଟୋକ୍ତି ମିଳି ପାରିନାହିଁ ।

ତେଣୁ ଉଭୟଙ୍କ ଆହତ ଯୋଗୁଁ ଏମାନଙ୍କର ତୃତୀୟ ମ୍ୟାଚରେ ଖେଳିବା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଯଦି ଇଶାନ କିଶାନ ଏହି ମ୍ୟାଚ ନ ଖେଳନ୍ତି ତେବେ ଦଳରେ ସ୍ଥାନ ପାଇଥିବା ମୟଙ୍କ ଅଗ୍ରୱାଲ ତୃତୀୟ ମ୍ୟାଚରେ ସୁଯୋଗ ପାଇବେ । ସେହିପରି ଦୀନେଶ ଚାନ୍ଦିମାଲ ସୁସ୍ଥ ନହେଲେ ନିରୋଶନ ଡିକୱେଲା ୱିକେଟ କିପରର ଦାୟିତ୍ୱ ଗ୍ରହଣ କରିବେ ।