ପୈତୃକ ସମ୍ପତ୍ତି ଲୋଭରେ ସାନ ଭାଇକୁ ହତ୍ୟା କଲା ବଡ଼ ଭାଇ, ଥାନାରେ କଲା ଆତ୍ମସମର୍ପଣ

ବେଙ୍ଗାଲୁରୁ: ସାନ ଭାଇ ଉପରେ ଟ୍ରାକ୍ଟର ଚଢ଼େଇ ମାରିଲା ବଡ଼ ଭାଇ । ଘଟଣାଟି କର୍ନାଟକର ଏକ ଉପାନ୍ତ ଗ୍ରାମର ଘଟଣା । ବେଲାଗାଭି ଜିଲା ୟାରାଗାଟି ତାଲୁକରେ ଏ ପ୍ରକାର ଅଭାବନୀୟ ଘଟଣା ଘଟିଥିବା ସୂଚନା । ସମ୍ପତ୍ତି ପାଇଁ ଦୁଇ ଭାଇଙ୍କ ଭିତରେ ବିବାଦ ଲାଗି ରହିଥିବାବେଳେ ଏ ପ୍ରକାର ଘଟଣା ଘଟିଥିବା ସୂଚନା । ମାରୁତି ବଭିହାଲ (୩୦) ନିଜେ ଟ୍ରକ୍ଟର ଚଢ଼େଇ ସାନ ଭାଇ ଗୋପାଳ (୨୭)କୁ ଜାଣିଶୁଣି ମାରିଥିବା ପୋଲିସ କହିଛି ।

ପୈତୃକ ସମ୍ପତ୍ତି ଭାଗବଣ୍ଟାକୁ ନେଇ ଉଭୟଙ୍କ ମଧ୍ୟରେ କଳିଗୋଳ ଲାଗି ରହିଥିଲା । ଭାଗବଣ୍ଟାରେ ଗୋପାଳ ଖୁସି ନ ଥିଲେ । ଯେଉଁ କାରଣରୁ ସେ ବଡ଼ ଭାଇଙ୍କ ସହ ସବୁବେଳେ କଳିଗୋଳ କଲାନ୍ତି । ଏ ନେଇ ବଡ଼ ଭାଇ ମାରୁତି ରାଗ ରଖି ଗୋପାଳଙ୍କ ଉପରେ ଟ୍ରାକ୍ଟର ମଡେଇ ତାଙ୍କୁ ହତ୍ୟା କରିଥିବା ସ୍ୱୀକାର କରିଛନ୍ତି । ଗୋପାଳଙ୍କୁ ମାରିବା ପରେ ମାରୁତି ତୁରନ୍ତ ଥାନାରେ ଯାଇ ଆତ୍ମସମର୍ପଣ କରିଛନ୍ତି । ସ୍ଥାନୀୟ ପୋଲିସ ଘଟଣାର ତଦନ୍ତ ଜଳାଇଛି ।