‘ଯୋଗୀଙ୍କ ବିଫଳତାକୁ ଲୁଚାଇ ପାରିବନି ମୋଦୀଙ୍କ ସାର୍ଟିଫିକେଟ୍’
ନୂଆଦିଲ୍ଲୀ: ଯୋଗୀଙ୍କ ବିଫଳତାକୁ ଲୁଚାଇ ପାରିବନି ମୋଦୀଙ୍କ ସାର୍ଟିଫିକେଟ୍ ଏପରି ବୟାନ ଦେଇଛନ୍ତି କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ । ଦିନିକିଆ ଉତ୍ତର ପ୍ରଦେଶ ଗସ୍ତରେ ରହିଥିବା ପ୍ରିୟଙ୍କା ଉଭୟ ମୋଦୀ ଏବଂ ଯୋଗୀଙ୍କୁ ସମାଲୋଚନା କରିଥିଲେ । କରୋନା ମୁକାବିଲାରେ ଉତ୍ତର ପ୍ରଦେଶ ସରକାର ଭୟଙ୍କର ଭାବରେ ବିଫଳ ହୋଇଛନ୍ତି । ସରକାର ଅତ୍ୟନ୍ତ ନିର୍ଦ୍ଦୟ ମନୋଭାବ ପୋଷଣ କରିଥିବା ବେଳେ କୋଭିଡ ପରିଚାଳନାରେ ତାଙ୍କର ଦୁର୍ବଳତା ସମସ୍ତଙ୍କ ସାମ୍ନାକୁ ଆସିଛି । କରୋନାର ଦ୍ୱିତୀୟ ଲହର ସମୟରେ ଯୋଗୀଙ୍କ ଶାସନ ବ୍ୟବସ୍ଥାର ଅସଲ ଚେହେରା ଦେଖିବାରେ ସମସ୍ତେ ସକ୍ଷମ ହୋଇଛନ୍ତି ବୋଲି ପ୍ରିୟଙ୍କା କହିଛନ୍ତି ।
मोदी जी के सर्टिफिकेट से यूपी में कोरोना की दूसरी लहर के दौरान योगी सरकार की आक्रामक क्रूरता, लापरवाही और अव्यवस्था की सच्चाई छिप नहीं सकती।
लोगों ने अपार पीड़ा, बेबसी का सामना अकेले किया। इस सच्चाई को मोदीजी, योगीजी भूल सकते हैं, जिन्होंने कोरोना का दर्द सहा, वे नहीं भूलेंगे
— Priyanka Gandhi Vadra (@priyankagandhi) July 16, 2021
ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ସଂସଦୀୟ କ୍ଷେତ୍ର ବାରଣାସୀ ଗସ୍ତ କରିଥିଲେ । ୧୫୦୦ କୋଟିର ପ୍ରକଳ୍ପ ଘୋଷଣା କରିବା ସହିତ କରୋନା ମୁକାବିଲାକୁ ନେଇ ଯୋଗୀ ସରକାରର ପ୍ରଶଂସା କରିଥିଲେ । ମୋଦୀ ଯେତେ ପ୍ରଶଂସାପତ୍ର ବାଣ୍ଟିଲେ ମଧ୍ୟ ଏହା ସରକାରଙ୍କ ବିଫଳତାକୁ ଲୁଚାଇ ପାରିବ ନାହିଁ ବୋଲି ପ୍ରିୟଙ୍କା କହିଛନ୍ତି । ହିନ୍ଦିରେ ଟ୍ୱିଟ୍ କରି ପ୍ରିୟଙ୍କା ଉଭୟ ମୋଦୀ ଓ ଯୋଗୀଙ୍କୁ ଟାର୍ଗେଟ୍ କରିଛନ୍ତି । ଉଲ୍ଲେଖଯୋଗ୍ୟ ଯେ, ଉତ୍ତର ପ୍ରଦେଶର ଜନସଂଖ୍ୟା ଅଧିକ ରହିଥିବା ବେଳେ ଏଠାରେ କୋଭିଡ ପରିଚାଳନା ସୁରୁଖୁରୁରେ ହେଉଛି ବୋଲି ମୋଦୀ ମତ ଦେଇଥିଲେ ।
