ଭଉଣୀକୁ ମାଡ଼ମାରି ଅଧମରା କଲେ ଭାଇ, ଗୋଟିଏ ଦିନ ନଜାଉଣୁ ପୁଣି ଆଉ ଗୋଟିଏ ନାରୀ ନିର୍ଯ୍ୟାତନାର ଦୃଶ୍ୟ
ଭୋପାଳ: ଗୋଟିଏ ଦିନ ନଯାଉଣୁ ନାରୀ ନିର୍ଯ୍ୟାତନାର ଆଉ ଗୋଟିଏ ହୃଦୟ ଥରା ଚିତ୍ର ସାମନାକୁ ଆସିଲା । ମଧ୍ୟପ୍ରଦେଶର ଧାର ଜିଲ୍ଲାର ଟାଣ୍ଡା ଥାନା ଅଧୀନସ୍ଥ ଏକ ଗାଁରୁ ଜଣେ ଯୁବତୀଙ୍କୁ ମାଡ଼ ମାରୁଥିବା ବେଳର ଭିଡିଓ ଭାଇରାଲ୍ ହେଉଛି । ଯାହା ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ଏଥିରେ ଜଣେ ଯୁବତୀଙ୍କୁ ପରିବାର ଲୋକ ଓ ଗାଁର କିଛି ଲୋକ ମିଶି ମାଡ଼ ମାରୁଥିବା ଦେଖିବାକୁ ମିଳିଛି । ସେମାନେ ଉକ୍ତ ଯୁବତୀଙ୍କୁ ଲାଠି ଓ ବାଡିରେ ପଶୁଙ୍କୁ ମାରିବା ଭଳି ମାରୁଥିବା ଦେଖିବାକୁ ମିଳିଛି । ଭିଡିଓ ଭାଇରାଲ ହେବା ପରେ ଏହି ମାମଲାରେ ଏପର୍ଯ୍ୟନ୍ତ ୭ ଜଣଙ୍କୁ ଗିରଫ କରିଛି ପୁଲିସ୍ ।
ସୂଚନା ମୁତାବକ, ଭିଡିଓରେ ଥିବା ଯୁବତୀଙ୍କୁ ସମ୍ପର୍କିୟ ଭାଇ ଓ କିଛି ସମ୍ପର୍କିୟ ମିଶି ଲାଠି ଓ ବାଡ଼ିରେ ମାରୁଛନ୍ତି । ଯୁବତୀ ଜୀବନ ବିକଳରେ ଚିଲାଉଥିଲେ ମଧ୍ୟ କେହି ବି ଶୁଣିବାକୁ ନାରାଜ୍ । ଯୁବତୀଙ୍କ ଚୁଟିକୁ ଜୋରରେ ଭିଡିବା ସହିତ ତଳେ ଗଡାଇ ଖୁବ୍ ଜୋରରେ ମାଡ ମାରୁଥିବା ଭିଡିଓରେ ଦେଖିବାକୁ ମିଳିଛି । ଗାଁର କିଛି ଲୋକ ଏହି ଭଳି ବର୍ବରତାକୁ ଦେଖି ମଧ୍ୟ କେହି ବି ସାହାଯ୍ୟର ହାତ ବଢ଼ାଉନାହାନ୍ତି । ତାବଦଳରେ ମାରିବା ବେଳେ କିଛି ଜଣ ସେହି ସମୟର ଭିଡିଓ ମୋବାଇଲ୍ ରେ କରିଛନ୍ତି । ଭିଡିଓଟି କିଛି ଦିନ ତଳର ହୋଇଥିବା କୁହାଯାଉଛି ।
#This is absolutely barbarian face of a state,Atrocity continues due to poor action of law in MP..2 days ago a girl was brutally tortured hanging on the tree in Alirajpur and now this picture of brutality with girl is from Dhar dist.
Police has yet not taken the Action required pic.twitter.com/BEt8KCmUH5— Govind ਗੋਵਿੰਦ گووند गोविंद गुर्जर (@govindtimes) July 4, 2021
ଉଲ୍ଲେଖନୀୟ ଯେ, ଗତକାଲି ସେହିପରି ଜଣେ ଯୁବତୀଙ୍କ ବାପା ଓ ଭାଇ ମିଶି ଗଛରେ ବାନ୍ଧି ମାରିବା କଥା ପଦାକୁ ଆସିଥିଲା । ଗଛରେ ଏକ ଦଉଡିରେ ବାନ୍ଧି ଘରଲୋକେ ମହିଳାଙ୍କୁ ଅକଥନୀୟ ଅତ୍ୟାଚାର ଦେଉଥିବା ଦେଖିବାକୁ ମିଳିଥିଲା । ଉକ୍ତ ଝିଅର ମାତ୍ର ଏତିକି ଭୁଲ୍ ଥିଲା ଯେ, ସେ କାହାକୁ କିଛି ନ କହି ମାମୁ ଘରକୁ ଚାଲି ଯାଇଥିଲା ।
