ବିଜେପିର ‘ତାମସା’କୁ ପଦାରେ ପକାଇଲେ ମହିଳା, ବିଚ ରାସ୍ତାରେ ଲଜ୍ଜିତ ହେଲେ ବିଧାୟକ, ଦେଖନ୍ତୁ ଭିଡିଓ
ଏହି ଘଟଣା ସେତେବେଳେ ଘଟିଥିଲା, ଯେତେବେଳେ ବିଧାୟକ ମହାଜନ 'ନାରୀ ଶକ୍ତି ବନ୍ଦନ ଅଧିନିୟମ' ରାଲିରେ ସାମ୍ବାଦିକମାନଙ୍କ ସହ କଥା ହେଉଥିଲେ। ବିରୋଧୀ ଦଳଗୁଡ଼ିକୁ ସମାଲୋଚନା କରିବା ଉଦ୍ଦେଶ୍ୟରେ ଏହି ଶୋଭାଯାତ୍ରା ଆୟୋଜନ କରାଯାଇଥିଲା।
ମୁମ୍ବାଇ : ମଙ୍ଗଳବାର ଦିନ ମୁମ୍ବାଇର ଓର୍ଲି ଅଞ୍ଚଳରେ ଜଣେ ମହିଳା ବିଜେପି ବିଧାୟକ ଗିରିଶ ମହାଜନଙ୍କୁ ବିରୋଧ କରୁଥିବା ଦେଖିବାକୁ ମିଳିଛି। ସଂସଦରେ ମହିଳା ସଂରକ୍ଷଣ ନିଷ୍ପତ୍ତି ପରେ ତାଙ୍କ ନେତୃତ୍ୱରେ ହେଉଥିବା ଉତ୍ସବ ଯୋଗୁଁ ଯେଉଁ ଟ୍ରାଫିକ୍ ସମସ୍ୟା ସୃଷ୍ଟି ହୋଇଥିଲା, ସେଥିପାଇଁ ସେହି ମହିଳା ଜଣକ ତାଙ୍କୁ ସିଧାସଳଖ ପ୍ରଶ୍ନ କରିଥିଲେ। ଏହି ଘଟଣା ସେତେବେଳେ ଘଟିଥିଲା, ଯେତେବେଳେ ବିଧାୟକ ଗିରିଶ ମହାଜନ ‘ନାରୀ ଶକ୍ତି ବନ୍ଦନ ଅଧିନିୟମ’ ଶୋଭାଯାତ୍ରା ସମୟରେ ସାମ୍ବାଦିକମାନଙ୍କୁ ସମ୍ବୋଧିତ କରୁଥିଲେ। ବିଧାନସଭା ଓ ଲୋକସଭାରେ ମହିଳାମାନଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ଲାଗୁ କରିବା ପାଇଁ ଆସିଥିବା ସମ୍ବିଧାନ ସଂଶୋଧନ ବିଲ୍କୁ ବିରୋଧୀ ଦଳମାନେ ପୂର୍ବରୁ ବିରୋଧ କରିଥିବାରୁ, ସେମାନଙ୍କୁ ସମାଲୋଚନା କରିବା ପାଇଁ ଏହି ରାଲି ଆୟୋଜନ କରାଯାଇଥିଲା।
महिलांच्या सशक्तीकरणाच्या नावाखाली राजकारण करणाऱ्या, आरक्षणाचा मुद्दा पुढे करून महिलांची दिशाभूल करणाऱ्या आणि त्यांना केवळ राजकीय साधन म्हणून वापरत खोटे नॅरेटिव्ह पसरवणा-या भाजपाचा खरा चेहरा या भगिणीने वरळीहून निघालेल्या मोर्चासमोर जाऊन उघडा पाडला आहे.
महिला आरक्षणाच्या आडून… pic.twitter.com/XqsPfhZY9c
— Harshwardhan Sapkal (@INCHarshsapkal) April 21, 2026
ଏହି ଶୋଭାଯାତ୍ରା ଯୋଗୁଁ ହୋଇଥିବା ଟ୍ରାଫିକ୍ ଜାମ୍ରେ ଜଣେ ମହିଳା ଉତ୍ୟକ୍ତ ହୋଇ ବିଜେପି ବିଧାୟକଙ୍କୁ ସେଠାରୁ “ଚାଲିଯାଅ” ବୋଲି କହୁଥିବାର ଭିଡିଓ ମଙ୍ଗଳବାର ଦିନ ସୋସିଆଲ ମିଡିଆରେ ଭାଇରାଲ୍ ହୋଇଛି। ସେ କହିଥିଲେ, “ଏଠାରୁ ବାହାରି ଯାଅ। ତୁମ ଯୋଗୁଁ ଟ୍ରାଫିକ୍ ଜାମ୍ ହେଉଛି।” ଗାଡ଼ି ଚଳାଚଳରେ ବାଧା ସୃଷ୍ଟି ନକରି ପାଖରେ ଥିବା ଏକ ଖୋଲା ପଡ଼ିଆରେ ଏହି ରାଲି କାହିଁକି କରାଯାଇପାରିବ ନାହିଁ ବୋଲି ସେ ପ୍ରଶ୍ନ କରିଥିଲେ। ମହିଳାଜଣଙ୍କର ଏହି ଭିଡିଓଟି ଇଣ୍ଟରନେଟରେ ଖୁବ୍ ଶୀଘ୍ର ଭାଇରାଲ୍ ହୋଇଯାଇଥିଲା, ଯାହାକୁ ନେଇ ଲୋକମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। ଏଥିସହିତ ବିଜେପିର ଏହି ଆନ୍ଦୋଳନ କରିବା ଶୈଳୀକୁ ମଧ୍ୟ ଅନେକ ଲୋକ ସମାଲୋଚନା କରିଛନ୍ତି।
ଭିଡିଓରେ ଏହା ମଧ୍ୟ ଦେଖିବାକୁ ମିଳିଛି ଯେ, ବିଧାୟକ ମହାଜନ ସେହି ମହିଳାଙ୍କୁ ବୁଝାଇ ଶାନ୍ତ କରିବାକୁ ଚେଷ୍ଟା କରୁଛନ୍ତି। କିନ୍ତୁ ମହିଳା ଜଣକ ନିଜ ଜିଦ୍ରେ ଅଟଳ ରହି ରାଗରେ କହୁଛନ୍ତି, “ତୁମେ କଣ ବୁଝିପାରୁନାହଁ? ତୁମର ଅସୁବିଧା କଣ? ଏଠାରେ ଶହ ଶହ ଲୋକ ଅପେକ୍ଷା କରି ରହିଛନ୍ତି।”
भाजपकडून महिला आरक्षणाच्या आडून जी देशभर नौटंकी सुरु आहे त्या नौटंकीचा एक भाग म्हणून भाजपने वरळी येथील जांभोरी मैदान याठिकाणी विरोधी पक्षांच्या विरोधात एक मोर्च्या काढला होता.
या मोर्चामुळे त्याठिकाणी प्रचंड वाहतूक कोंडी झाली होती एक महिला अनेक तासांपासून वाहतूक कोंडीत अडकली… pic.twitter.com/O6KROgzHKe
— yogesh sawant (@yogi_9696) April 21, 2026
ଯେତେବେଳେ ଜଣେ ପୋଲିସ ଅଧିକାରୀ ଏଥିରେ ହସ୍ତକ୍ଷେପ କଲେ, ସେ ଓଲଟି ତାଙ୍କ ଉପରେ ବିରକ୍ତି ପ୍ରକାଶ କରିଥିଲେ ଏବଂ ତାଙ୍କ ସହ କଥା ନହେବା ପାଇଁ ରୋକଠୋକ୍ ଶୁଣାଇ ଦେଇଥିଲେ।ଅନ୍ୟ ଏକ ଭିଡିଓରେ ଏହି ପ୍ରତିବାଦ ସଭା ଯୋଗୁଁ ହୋଇଥିବା ପ୍ରବଳ ଟ୍ରାଫିକ୍ ଜାମ୍ ଏବଂ ରାସ୍ତାରେ ଗାଡ଼ିଗୁଡ଼ିକର ଲମ୍ବା ଧାଡ଼ି ଦେଖିବାକୁ ମିଳିଛି।
ଜଣେ X (ଟ୍ୱିଟର) ବ୍ୟବହାରକାରୀ ଟ୍ରାଫିକ୍ ଜାମ୍ର ଭିଡିଓ ସେୟାର କରି ଲେଖିଛନ୍ତି, “ଯଦି ବିଜେପି ରାଲି କରିବାକୁ ଏତେ ବ୍ୟଗ୍ର ଥିଲା, ତେବେ ଏହା ‘ବର୍ଷା’ ବଙ୍ଗଳା (ମୁଖ୍ୟମନ୍ତ୍ରୀଙ୍କ ବାସଭବନ) କିମ୍ବା ମନ୍ତ୍ରୀମାନଙ୍କ ରହୁଥିବା ସ୍ଥାନରେ ହେବା ଉଚିତ ଥିଲା। ବିଜେପିର ସ୍ୱାର୍ଥ ପାଇଁ ସାଧାରଣ ଜନତା କାହିଁକି ହଇରାଣ ହେବେ?”
ବିଜେପିର ‘ଡ୍ରାମା’କୁ କଂଗ୍ରେସର ସମାଲୋଚନା: ମହାରାଷ୍ଟ୍ର କଂଗ୍ରେସ ସଭାପତି ହର୍ଷବର୍ଦ୍ଧନ ସପକାଲ ଏହି ଭିଡିଓଟିକୁ ସେୟାର କରି କହିଛନ୍ତି ଯେ, ମହିଳା ସଂରକ୍ଷଣକୁ ନେଇ ଶାସକ ଦଳର ଏହି ଅଭିଯାନ ସେମାନଙ୍କ “ଅସଲ ଚେହେରା” ପଦାରେ ପକାଇ ଦେଇଛି।
भाजपकडून महिला आरक्षणाच्या आडून जी देशभर नौटंकी सुरु आहे त्या नौटंकीचा एक भाग म्हणून भाजपने वरळी येथील जांभोरी मैदान याठिकाणी विरोधी पक्षांच्या विरोधात एक मोर्च्या काढला होता.
या मोर्चामुळे त्याठिकाणी प्रचंड वाहतूक कोंडी झाली होती एक महिला अनेक तासांपासून वाहतूक कोंडीत अडकली… pic.twitter.com/O6KROgzHKe
— yogesh sawant (@yogi_9696) April 21, 2026
ସେ ବିଜେପି ବିରୁଦ୍ଧରେ ଅଭିଯୋଗ କରିଛନ୍ତି ଯେ, ଦଳ ନିଜର ରାଜନୈତିକ ଫାଇଦା ପାଇଁ ମହିଳାମାନଙ୍କୁ ଭ୍ରମିତ କରୁଛି ଏବଂ ଏକ “ମିଥ୍ୟା କାହାଣୀ” ପ୍ରଚାର କରିବା ପାଇଁ ଏହି ପ୍ରସଙ୍ଗକୁ ଅସ୍ତ୍ର ଭାବେ ବ୍ୟବହାର କରୁଛି।
ସପକାଲ୍ ଆହୁରି ମଧ୍ୟ ଦାବି କରିଛନ୍ତି ଯେ, ସଂରକ୍ଷଣ ଆଳରେ ସମ୍ବିଧାନ ଏବଂ ନିର୍ବାଚନ ପ୍ରକ୍ରିୟାରେ ପରିବର୍ତ୍ତନ କରିବାକୁ ବିଜେପି ଯେଉଁ ଚେଷ୍ଟା କରୁଥିଲା, ତାହାକୁ ବିରୋଧୀ ମେଣ୍ଟ ପୂର୍ବରୁ ପଣ୍ଡ କରିଦେଇଛି। ସେଥିପାଇଁ ଏହି ପ୍ରସଙ୍ଗକୁ ପୁଣି ବଞ୍ଚାଇ ରଖିବା ପାଇଁ ଦଳ ଏବେ ରାଲି ଓ ପରିଚାରର ସହାରା ନେଉଛି।
ମହିଳା ସଂରକ୍ଷଣ ଆଳରେ ବିଜେପି ସାରା ଦେଶରେ ଯେଉଁ ‘ତାମସା’ ଆରମ୍ଭ କରିଛି, ତାହାର ଏକ ଅଂଶ ଭାବରେ ବିରୋଧୀ ଦଳଗୁଡ଼ିକ ବିରୁଦ୍ଧରେ ମୁମ୍ବାଇର ଓର୍ଲିସ୍ଥିତ ଜାମ୍ବୋରୀ ମୈଦାନରେ ବିଜେପି ପକ୍ଷରୁ ଏକ ପ୍ରତିବାଦ ଶୋଭାଯାତ୍ରା ଆୟୋଜନ କରାଯାଇଥିଲା,” ବୋଲି ରାଷ୍ଟ୍ରବାଦୀ କଂଗ୍ରେସ ପାର୍ଟି (NCP – ଶରଦଚନ୍ଦ୍ର ପାୱାର ଗୋଷ୍ଠୀ) ମହାରାଷ୍ଟ୍ର ଶାଖାର ଉପସଭାପତି ଯୋଗେଶ ସାୱନ୍ତ X (ଟ୍ୱିଟର)ରେ ଏକ ପୋଷ୍ଟ କରି କହିଛନ୍ତି।
ଯୋଗେଶ ସାୱନ୍ତ କହିଛନ୍ତି, “ଏହି ଶୋଭାଯାତ୍ରା ଯୋଗୁଁ ସେହି ସ୍ଥାନରେ ପ୍ରବଳ ଟ୍ରାଫିକ୍ ଜାମ୍ ସୃଷ୍ଟି ହୋଇଥିଲା। ଜଣେ ମହିଳା ଅନେକ ଘଣ୍ଟା ଧରି ସେଠାରେ ଫସି ରହିଥିଲେ। ସେହି ମହିଳା ଜଣକ ଶୋଭାଯାତ୍ରାରେ ଥିବା ବିଜେପି ନେତାମାନଙ୍କୁ ସାମ୍ନା କରି ପ୍ରଶ୍ନ କରିଥିଲେ ଏବଂ ମନ୍ତ୍ରୀ ଗିରିଶ ମହାଜନଙ୍କ ସମ୍ମାନକୁ ମଧ୍ୟ ଧୂଳିସାତ୍ କରିଦେଇଥିଲେ!”
ରାଜ୍ୟ କଂଗ୍ରେସର ପୂର୍ବତନ ସଭାପତି ନାନା ପଟୋଲେ ମଧ୍ୟ ଏହି ଭିଡିଓଟିକୁ ପୋଷ୍ଟ କରି କହିଛନ୍ତି ଯେ, ବିଜେପିର ଏହି “ନାଟକ” ଯୋଗୁଁ ସାଧାରଣ ନାଗରିକମାନେ ହଇରାଣ ହେଉଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ, ମହିଳାଙ୍କର ଏହି କ୍ରୋଧ ଜନସାଧାରଣଙ୍କ ମଧ୍ୟରେ ବଢୁଥିବା ଅସନ୍ତୋଷକୁ ଦର୍ଶାଉଛି ଏବଂ ଆଗାମୀ ଦିନରେ ସାରା ଦେଶର ମହିଳାମାନେ ଏହିଭଳି ଭାବେ ବିଜେପିକୁ ପ୍ରତ୍ୟାଖ୍ୟାନ କରିବେ।