ପ୍ରଥମ ଥର ପାଇଁ ODI ଖେଳୁଥିବା ଆୟୁଷ ବାଡୋନିଙ୍କ ସମ୍ପତ୍ତି କେତେ, ତାଙ୍କ ଘର କେଉଁଠି, ତାଙ୍କ ରୋଜଗାର କେତେ, ଜାଣନ୍ତୁ…

Ayush Bodani: ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ଦିନିକିଆ ସିରିଜରେ ୱାଶିଂଟନ ସୁନ୍ଦରଙ୍କ ବଦଳରେ ଆୟୁଷ ବାଡୋନିଙ୍କୁ ସାମିଲ କରାଯାଇଛି। ଭଦୋଦରାରେ ପ୍ରଥମ ଦିନିକିଆରେ ବୋଲିଂ କରୁଥିବା ସମୟରେ ୱାଶିଂଟନଙ୍କ ପିଠିରେ ତୀବ୍ର ଆଘାତ ଲାଗିଥିଲା । ଯେଉଁଥିପାଇଁ ତାଙ୍କୁ ପଡ଼ିଆ ଛାଡିବାକୁ ପଡିଥିଲା । ବିସିସିଆଇ ଏକ ସରକାରୀ ବିବୃତ୍ତି ଜାରି କରି କହିଛି ଯେ, ସିରିଜର ବାକି ଦୁଇଟି ମ୍ୟାଚ୍ ପାଇଁ ଆୟୁଷ ବାଡୋନିଙ୍କୁ ଦଳରେ ସାମିଲ କରାଯାଇଛି।

ଆୟୁଷ ବାଡୋନିଙ୍କ ଜନ୍ମ ଡିସେମ୍ବର ୩, ୧୯୯୯ରେ ଦିଲ୍ଲୀରେ ହୋଇଥିଲା। ଏହି ୨୬ ବର୍ଷୀୟ ବ୍ୟାଟସମ୍ୟାନ ଘରୋଇ ଦଳ ଦିଲ୍ଲୀ କ୍ୟାପିଟାଲ୍ସ ଏବଂ ଆଇପିଏଲରେ ଲକ୍ଷ୍ନୌ ସୁପରଜାଏଣ୍ଟସ ପାଇଁ ଖେଳନ୍ତି। ଏହା ତାଙ୍କର ଜାତୀୟ ଦଳରେ ପ୍ରଥମ ଥର ପାଇଁ ଦିନିକିଆ ମ୍ୟାଚ ହେବାକୁ ଯାଉଛି ।

ବିରାଟଙ୍କ ଅଧିନାୟକତ୍ଵରେ ଖେଳିଛନ୍ତି: ଆୟୁଷ ଘରୋଇ କ୍ରିକେଟରେ ବିରାଟ କୋହଲିଙ୍କ ସହିତ କେବଳ ଡ୍ରେସିଂ ରୁମ୍ ସେୟାର କରିନାହାଁନ୍ତି, ବରଂ ତାଙ୍କ ଅଧିନାୟକତ୍ୱରେ ମଧ୍ୟ ଖେଳିଛନ୍ତି। ଗତ ବର୍ଷ, ଯେତେବେଳେ ବିରାଟ କୋହଲି ରଣଜୀ ଟ୍ରଫିକୁ ଫେରିଥିଲେ, ସେତେବେଳେ ବାଡୋନି ଦିଲ୍ଲୀର ଅଧିନାୟକ ଥିଲେ।

ଆୟୁଷ ଜାନୁଆରୀ ୧୧, ୨୦୨୧ରେ ସୟଦ ମୁସ୍ତାକ ଅଲି ଟ୍ରଫିରେ ଦିଲ୍ଲୀ ପାଇଁ ତାଙ୍କର ଟି୨୦ ଡେବ୍ୟୁ କରିଥିଲେ। ତାଙ୍କୁ ୨୦୨୨ରେ ଲକ୍ଷ୍ନୌ ସୁପରଜାଏଣ୍ଟ୍ସ ଦ୍ୱାରା ଅଧିଗ୍ରହଣ କରାଯାଇଥିଲା ଏବଂ ସେହି ବର୍ଷ (୨୦୨୨) ମାର୍ଚ୍ଚ ୨୮ରେ ତାଙ୍କର ଆଇପିଏଲ ଡେବ୍ୟୁ ହୋଇଥିଲା।

ସ୍ମରଣୀୟ ଇନିଂସ୍: ଆୟୁଷ ବାଡୋନି ଦିଲ୍ଲୀ ପ୍ରିମିୟର ଲିଗରେ ଦକ୍ଷିଣ ଦିଲ୍ଲୀ ପାଇଁ ୫୫ ବଲ୍‌ରେ ୧୬୫ ରନ୍‌ର ଏକ ଚମତ୍କାର ଇନିଂସ ଖେଳିଥିଲେ, ଯେଉଁଥିରେ ସେ ୮ ଚୌକା ଏବଂ ୧୯ଟି ଛକା ମାରିଥିଲେ। ସେ ୨୦୨୪ ରଣଜୀ ଟ୍ରଫିରେ ଝାଡ଼ଖଣ୍ଡ ବିପକ୍ଷରେ ଅପରାଜିତ ୨୦୫ ରନ୍‌ ମଧ୍ୟ କରିଥିଲେ।

ବାଡୋନିଙ୍କ କ୍ରିକେଟ୍ କ୍ୟାରିଅର: ଆୟୁଷ ୨୧ଟି ପ୍ରଥମ ଶ୍ରେଣୀ ମ୍ୟାଚ୍‌ରେ ୧,୬୮୧ ରନ୍ କରିଛନ୍ତି, ଯେଉଁଥିରେ ୪ଟି ଶତକ ଏବଂ ସାତଟି ଅର୍ଦ୍ଧଶତକ ରହିଛି। ସେ ୨୭ଟି ଲିଷ୍ଟ ଏ ମ୍ୟାଚ୍‌ରେ ୬୯୩ ରନ୍ କରିଛନ୍ତି, ଯେଉଁଥିରେ ଗୋଟିଏ ଶତକ ଏବଂ ପାଞ୍ଚଟି ଅର୍ଦ୍ଧଶତକ ରହିଛି।

ଟି-୨୦ରେ, ସେ ୯୬ଟି ମ୍ୟାଚ୍‌ରେ ୧,୭୮୮ ରନ୍ କରିଛନ୍ତି, ଯେଉଁଥିରେ ଦଶଟି ଅର୍ଦ୍ଧଶତକ ରହିଛି। ବାଡୋନି ପ୍ରଥମ ଶ୍ରେଣୀ ମ୍ୟାଚ୍‌ରେ ୨୨ଟି, ଲିଷ୍ଟ ଏରେ ୧୮ଟି ଏବଂ ଟି-୨୦ରେ ୧୭ଟି ୱିକେଟ୍ ନେଇଛନ୍ତି।  ସେ ୨୦୨୨ ମସିହାରୁ ଲକ୍ଷ୍ନୌ ସୁପରଜାଏଣ୍ଟ୍ସ ପାଇଁ ଖେଳୁଛନ୍ତି। ୪ ସିଜିନରେ ଖେଳାଯାଇଥିବା ୫୬ଟି ମ୍ୟାଚ୍ ରେ, ବାଡୋନି ୬ଟି ଅର୍ଦ୍ଧଶତକ ସହିତ ୯୬୩ ରନ୍ କରିଛନ୍ତି।

ଆୟୁଷ ବାଡୋନି ନେଟୱର୍ଥ: ଆୟୁଷଙ୍କୁ ପ୍ରଥମେ ଲକ୍ଷ୍ନୌ ୨୦୨୨ ମସିହାରେ ୨୦ ଲକ୍ଷରେ କିଣିଥିଲା। ସେ ୨୦୨୪ ପର୍ଯ୍ୟନ୍ତ ସମାନ ମୂଲ୍ୟରେ L&T ସହିତ ରହିଥିଲେ। ୨୦୨୫ ମସିହାରେ ଲକ୍ଷ୍ନୌ ତାଙ୍କୁ ୪ କୋଟି ଦେଇଥିଲା, ଯାହା ସମାନ ମୂଲ୍ୟରେ ରହିଲା। ଏପର୍ଯ୍ୟନ୍ତ, ସେ IPL ରୁ ୮ କୋଟି ରୋଜଗାର କରିଛନ୍ତି ବାଡୋନି ।

IPL ବ୍ୟତୀତ, ବାଡୋନି ଘରୋଇ ଏବଂ ଅନ୍ୟାନ୍ୟ ଲିଗରେ ଖେଳି ଟଙ୍କା ରୋଜଗାର କରନ୍ତି। କିଛି ରିପୋର୍ଟ ଅନୁସାରେ ଆୟୁଷ ବାଡୋନିଙ୍କ ମୋଟ ସମ୍ପତ୍ତି ୬ ରୁ ୭ କୋଟି ହେବ।