ନିଲାମୀରେ ଅନସୋଲ୍ଡ ରହିଲେ ପୃଥ୍ବୀ ଶ’; ଅଷ୍ଟ୍ରେଲିଆର ବିସ୍ଫୋରକ ବ୍ଯାଟ୍ସମ୍ୟାନଙ୍କୁ ମଧ୍ୟ କିଣିଲେ ନାହିଁ କୌଣସି ଦଳ, IPL ଅକ୍ସନ ନେଇ ଆସିଲା ବଡ଼ ଅପଡ଼େଟ୍…

IPL 2026 Auction: ପୃଥ୍ବୀ ଶ’ଙ୍କୁ କିଣିଲେ ନାହିଁ କୌଣସି ଦଳ। ଅଷ୍ଟ୍ରେଲିଆର ବିସ୍ଫୋରକ ବ୍ଯାଟ୍ସମ୍ଯାନ ମଧ୍ୟ ରହିଲେ ଅନସୋଲ୍ଡ।

ଭାରତୀୟ ବ୍ୟାଟସମ୍ୟାନ୍ ପୃଥ୍ୱୀ ଶ’ ଆଇପିଏଲ ନିଲାମର ପ୍ରଥମ ପର୍ଯ୍ୟାୟରେ ଥିଲେ, ତାଙ୍କର ମୂଳ ମୂଲ୍ୟ ୭୫ ଲକ୍ଷ ଥିଲା, କିନ୍ତୁ କୌଣସି ଦଳ ତାଙ୍କୁ କିଣି ନଥିଲେ।

ଅଷ୍ଟ୍ରେଲିଆର ବିସ୍ଫୋରକ ବ୍ୟାଟସମ୍ୟାନ୍ ଜେକ୍ ଫ୍ରେଜର-ମ୍ୟାକଗର୍କ ମଧ୍ୟ ପ୍ରଥମ ପର୍ଯ୍ୟାୟରେ ବିକ୍ରୟ ହୋଇନଥିଲେ। ଚେନ୍ନାଇ ସୁପର କିଙ୍ଗସ୍ ପାଇଁ ଖେଳିଥିବା ଡେଭନ୍ କନୱେ ମଧ୍ୟ ବିକ୍ରୟ ହୋଇନଥିଲେ।

ଆଇପିଏଲ ୨୦୨୬ ନିଲାମରେ ବିକ୍ରୟ ହୋଇଥିବା ପ୍ରଥମ ଖେଳାଳି ଡେଭିଡ୍ ମିଲର ଥିଲେ, ଯାହାଙ୍କୁ ଦିଲ୍ଲୀ କ୍ୟାପିଟାଲ୍ସ ତାଙ୍କ ମୂଳ ମୂଲ୍ୟ ୨ କୋଟିରେ କିଣିଥିଲା।

ଏହା ଉଲ୍ଲେଖନୀୟ ଯେ ନିଲାମର ପ୍ରଥମ ପର୍ଯ୍ୟାୟରେ ବିକ୍ରୟ ହୋଇନଥିବା ଖେଳାଳିମାନେ ଆକ୍ସଲେଟର ରାଉଣ୍ଡରେ ପୁଣି ଥରେ ଖେଳିପାରିବେ ଯଦି ଦଳଗୁଡ଼ିକ ସେମାନଙ୍କ ନାମ ଦାଖଲ କରନ୍ତି।

ଅନସୋଲ୍ଡ ରହିଲେ ସର୍ଫରାଜ ଖାନ:

ପ୍ରଥମ ରାଉଣ୍ଡରେ ସରଫରାଜ ଖାନଙ୍କୁ କୌଣସି ଦଳ କିଣି ନଥିଲେ। ତାଙ୍କର ବେସ ପ୍ରାଇଜ ୭୫ ଲକ୍ଷ ଥିଲା। ମାତ୍ର ତାଙ୍କୁ କୌଣସି ଦଳ ନ କିଣିବାରୁ ସେ ଅନସୋଲ୍ଡ ରହିଲେ।

ଅନ୍ୟପଟେ ଯଦି ଦେଖିବା କ୍ୟାମରନ ଗ୍ରୀନଙ୍କୁ କୋଲକାତା ନାଇଟ ରାଇଡର୍ସ ୨୫ କୋଟି ୨୦ ଲକ୍ଷ ଦେଇ କିଣିଛି। ତାଙ୍କର ବେସ ପ୍ରାଇଜ ୨ କୋଟିରୁ ଆରମ୍ଭ ହୋଇ ୨୫ କୋଟିରେ ପହଞ୍ଚିଥିଲା। ବର୍ତ୍ତମାନ ସେ IPL ଇତିହାସର ସବୁଠାରୁ ମହଙ୍ଗା ଖେଳାଳି ଭାବେ ରେକର୍ଡ କରିଛନ୍ତି।

ଅଷ୍ଟ୍ରେଲିଆର ଷ୍ଟାର ବ୍ୟାଟସମ୍ୟାନ ଜେକ୍ ଫ୍ରେଜର-ମ୍ୟାକଗର୍କ ଏବଂ ଇଂଲଣ୍ଡର ଅଲରାଉଣ୍ଡର ଗସ୍ ଆଟକିନସନ ମଧ୍ୟ ପ୍ରଥମ ରାଉଣ୍ଡରେ ବିକ୍ରୟ ହୋଇନଥିଲେ, ଉଭୟଙ୍କ ମୂଳ ମୂଲ୍ୟ ୨ କୋଟି ଥିଲା।

ସ୍କ୍ବାଡରେ ସର୍ବାଧିକ ୨୫ ଜଣ ଖେଳାଳି ରହିପାରିବେ: 

୨୦୨୬ IPL ଟୁର୍ଣ୍ଣାମେଣ୍ଟର ୧୯ତମ ସଂସ୍କରଣ ପାଇଁ ଆଜି ନିଲାମ ଚାଲିଛି। ସମସ୍ତ ୧୦ଟି ଦଳ ଗତ ନଭେମ୍ବର ୧୫ ତାରିଖରେ ସେମାନଙ୍କର ରିଟେନ୍ସନ୍ ତାଲିକା ପ୍ରକାଶ କରିଥିଲେ।

ଗୋଟିଏ ଦଳ ସର୍ବାଧିକ ୨୫ ଜଣ ଖେଳାଳି ରଖିପାରିବେ ବୋଲି ନିୟମ ରହିଛି। ଅବଶିଷ୍ଟ ସ୍କ୍ୱାଡ୍ ସ୍ଲଟ୍ ପୂରଣ କରିବା ପାଇଁ ଆଜି ଆବୁଧାବିରେ ନିଲାମ ପ୍ରକ୍ରିୟା ଚାଲିଛି।