୫ଟଙ୍କାର ଲେମ୍ବୁ ପାଇଁ ବିବାଦ; ଗ୍ରାହକଙ୍କୁ ଗୁଳି କଲା ଦୋକାନୀ

ରାଜସ୍ଥାନ: ପାଞ୍ଚ ଟଙ୍କାର ଲେମ୍ବୁକୁ ନେଇ ବିବାଦରେ ଜଣେ ବ୍ୟକ୍ତିଙ୍କ ଜୀବନ ଶେଷ ହୋଇଯାଇଛି। ଏହି ଘଟଣା ରାଜସ୍ଥାନର ଭରତପୁରରେ ଘଟିଛି। ରାଜସ୍ଥାନର ଭରତପୁର ଡିଗ ଥାନା ଅଞ୍ଚଳରେ ୫ଟଙ୍କାର ଲେମ୍ବୁ କିଣିବାକୁ ନେଇ ଦୋକାନୀ ଏବଂ ଗ୍ରାହକଙ୍କ ମଧ୍ୟରେ ହୋଇଥିଲା ପାଟିତୁଣ୍ଡ। ପରେ ଏହି ଝଗଡା ଏତେ ଅଧିକ ହୋଇଥିଲା ଯେ ଦୋକାନୀ ଉତକ୍ଷିପ୍ତ ହୋଇ ଗ୍ରାହକଙ୍କୁ ଗୁଳି କରିଥିଲେ। ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ଅବସ୍ଥା ଗୁରୁତର ଥିବାରୁ ଡାକ୍ତରମାନେ ତାଙ୍କୁ ଆରବିଏମ୍ ହସ୍ପିଟାଲକୁ ରେଫର୍ କରିଥିଲେ।

ପୋଲିସ ସୂଚନା ଅନୁସାରେ ମହେନ୍ଦ୍ର ବଚ୍ଚୁର ଦୋକାନକୁ ଦିନେଶ ଯାଦବ ଲେମ୍ବୁ କିଣିବା ପାଇଁ ଯାଇଥିଲେ। ୧୦୦ଟଙ୍କା ଦେଇ ୫ଟି ଲେମ୍ବୁ କିଣିବା ପରେ ଖୁଚୁରା ପଇସାକୁ ନେଇ ଦିନେଶ ଏବଂ ମହେନ୍ଦ୍ରଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଏହାପରେ ଦୋକାନୀ ମହେନ୍ଦ୍ର ନିଜର କିଛି ସାଥୀମାନଙ୍କ ସହ ରାତି ୮.୩୦ ସମୟରେ ଦିନେଶ ଘରେ ପହଞ୍ଚି ଫାଇରିଙ୍ଗ ଆରମ୍ଭ କରିଥିଲେ। ଗୁଳିଟି ଦିନେଶର କାନକୁ ଛୁଇଁ ବାହାରି ଯାଇଥିଲା।

ପୀଡିତାଙ୍କ ପରିବାର ଅନୁଯାୟୀ ଦୋକାନୀ ମହେନ୍ଦ୍ରଙ୍କ ସାନପୁଅ ଭୋଲୁ ଏକ ଠେଙ୍ଗା ନେଇ ଘରକୁ ଆସିଥିଲେ। ଘରେ ପହଞ୍ଚିବା ପରେ ସେ ତାଙ୍କୁ ଅପମାନିତ କରିଥିଲେ। ଆମେ ଦୀନେଶଙ୍କୁ ଘରୁ ବାହାରକୁ ଯିବାକୁ ଦେଲୁ ନାହିଁ। ସୁଯୋଗ ଦେଖି ଧର୍ମେନ୍ଦ୍ର ଦୀନେଶଙ୍କୁ ଗୁଳି କରିଥିଲେ। ଡିଜି କୋ ଆଶିଷ କୁମାର କହିଛନ୍ତି ଯେ ଗୁରୁବାର ବିଳମ୍ବିତ ରାତିରେ ଦୋକାନୀ ଏବଂ ଗ୍ରାହକଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଜଣେ ଦୋକାନୀ, ତାଙ୍କର କିଛି ସହଯୋଗୀଙ୍କ ସହ ଗ୍ରାହକଙ୍କ ଉପରକୁ ଗୁଳି ଚଳାଇଲା। ଆହତ ବ୍ୟକ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ପୀଡିତାଙ୍କ ପରିବାର ବିରୋଧରେ ଏକ ମାମଲା ରୁଜୁ ହୋଇଛି ଏବଂ ଅଭିଯୁକ୍ତକୁ ପୋଲିସ ଖୋଜୁଛି।