କୋହଲିଙ୍କ ବିଶ୍ୱ ରେକର୍ଡ ଭାଙ୍ଗିବେ ଫରହାନ? ଇତିହାସ ରିଚାବାକୁ ମାତ୍ର ୧୦୦ ରନ୍ ଦୂରରେ ପାକିସ୍ତାନୀ ଓପନର
କୋହଲିଙ୍କ ବିଶ୍ୱ ରେକର୍ଡ ଭାଙ୍ଗିବେ ଫରହାନ? ଇତିହାସ ରିଚାବାକୁ ଦରକାର ମାତ୍ର ୧୦୦ ରନ୍
ନୂଆଦିଲ୍ଲୀ: ICC T20 ବିଶ୍ୱକପ୍ 2026 ଫେବୃଆରୀ 7 ତାରିଖରେ ଆରମ୍ଭ ହୋଇଥିଲା ଏବଂ ଫେବୃଆରୀ 18 ସୁଦ୍ଧା ସମସ୍ତ ଆଠଟି ସୁପର 8 ଦଳ ଚୂଡ଼ାନ୍ତ ହୋଇଯାଇଥିଲା। ଏହି ସମୟରେ, ଟି-୨୦ ବିଶ୍ୱକପ୍ ୨୦୨୬ ଏବେ ରୋମାଞ୍ଚକର ମୋଡ଼ରେ ପହଞ୍ଚିଛି। ଗୋଟିଏ ପଟେ ସୁପର-୮ ଲଢ଼େଇ ପାଇଁ ଦଳଗୁଡ଼ିକ ପ୍ରସ୍ତୁତ ହେଉଥିବା ବେଳେ, ଅନ୍ୟପଟେ ‘କିଙ୍ଗ କୋହଲି’ଙ୍କ ଏକ ବଡ଼ ରେକର୍ଡ ବର୍ତ୍ତମାନ ଭାଙ୍ଗିବାକୁ ଯାଉଛି। ବିରାଟଙ୍କ ବିଶ୍ୱ ରେକର୍ଡ ଭାଙ୍ଗିବା ପାଇଁ ପାକିସ୍ତାନର ବିସ୍ଫୋରକ ଓପନର ସାହିବଜାଦା ଫରହାନ ସାଜିଛନ୍ତି ବଡ଼ ଚ୍ୟାଲେଞ୍ଜ।
ବିରାଟ କୋହଲିଙ୍କ ରେକର୍ଡ ବିପଦରେ
ନାମିବିଆ ବିପକ୍ଷରେ ମ୍ୟାଚରେ, ଫରହାନ ଏକ ଚମତ୍କାର ଶତକ ହାସଲ କରି କେବଳ ପାକିସ୍ତାନର ସୁପର 8 ଆଶାକୁ ଜୀବିତ ରଖିନଥିଲେ, ବରଂ ଏକ ପ୍ରମୁଖ ବିଶ୍ୱ ରେକର୍ଡର ନିକଟତର ମଧ୍ୟ କରିଥିଲେ। ନାମିବିଆ ବିପକ୍ଷରେ ଫରହାନଙ୍କ ବିସ୍ଫୋରକ ଇନିଂସ ପାଇଁ ପାକିସ୍ତାନ 200 ରନର ଏକ ବିଶାଳ ଲକ୍ଷ୍ୟ ଧାର୍ଯ୍ୟ କରିଥିଲା। ଟି20 ବିଶ୍ୱକପ୍ ଇତିହାସରେ ଏହା କେବଳ ଦ୍ୱିତୀୟ ଥର ଯେ, ଜଣେ ପାକିସ୍ତାନୀ ବ୍ୟାଟସମ୍ୟାନ ଶତକ ହାସଲ କରିଛନ୍ତି। ପୂର୍ବରୁ ୨୦୧୪ରେ ବାଂଲାଦେଶ ବିପକ୍ଷରେ ଅହମ୍ମଦ ଶେହଜାଦଙ୍କ ସର୍ବାଧିକ ରନ୍ ଥିଲା ୧୧୧ ରନ୍।
ଫରହାନ ୨୦୨୬ ଟି୨୦ ବିଶ୍ୱକପ୍ର ଚାରୋଟି ମ୍ୟାଚ୍ରେ ୨୨୦ ରନ୍ କରିଛନ୍ତି, ଯେଉଁଥିରେ ଗୋଟିଏ ଶତକ ଏବଂ ଗୋଟିଏ ଅର୍ଦ୍ଧଶତକ ଅନ୍ତର୍ଭୁକ୍ତ। ଟି୨୦ ବିଶ୍ୱକପ୍ର ଗୋଟିଏ ସଂସ୍କରଣରେ ସର୍ବାଧିକ ରନ୍ କରିବାର ରେକର୍ଡ ଭାଙ୍ଗିବା ପାଇଁ ତାଙ୍କୁ ଏବେ କେବଳ ୧୦୦ ରନ୍ ଆବଶ୍ୟକ। ଏହି ରେକର୍ଡ ବର୍ତ୍ତମାନ ବିରାଟ କୋହଲିଙ୍କ ନାମରେ ଅଛି, ଯିଏ ୨୦୧୪ ଟି୨୦ ବିଶ୍ୱକପ୍ରେ ଏହାକୁ ସ୍ଥାପନ କରିଥିଲେ। ସେହି ବିଶ୍ୱକପ୍ରେ ବିରାଟ ଛଅଟି ମ୍ୟାଚ୍ରେ ୩୧୯ ରନ୍ କରିଥିଲେ।
ଟି-୨୦ ବିଶ୍ୱକପର ଗୋଟିଏ ସଂସ୍କରଣରେ ସର୍ବାଧିକ ରନ୍ କରିଥିବା ବ୍ୟାଟ୍ସମ୍ୟାନ୍
ବିରାଟ କୋହଲି – ୩୧୯ ରନ୍ (୨୦୧୪)
ତିଲକରତ୍ନେ ଦିଲଶାନ୍ – ୩୧୭ ରନ୍ (୨୦୦୯)
ବାବର ଆଜମ୍ – ୩୦୩ ରନ୍ (୨୦୨୧)
ମହେଲା ଜୟବର୍ଦ୍ଧନେ – ୩୦୨ ରନ୍ (୨୦୧୦)
ବିରାଟ କୋହଲି – ୨୯୬ ରନ୍ (୨୦୨୨)
ପାକିସ୍ତାନ ଏବେ ସୁପର ୮ରେ ପହଞ୍ଚିଛି, ଯେଉଁଠାରେ ଫରହାନ ଶ୍ରୀଲଙ୍କା, ନ୍ୟୁଜିଲ୍ୟାଣ୍ଡ ଏବଂ ଇଂଲଣ୍ଡ ବିପକ୍ଷରେ ଅତି କମରେ ଆଉ ତିନୋଟି ଇନିଂସ ଖେଳିବାର ସୁଯୋଗ ପାଇବେ। ଏହା ତାଙ୍କୁ କୋହଲିଙ୍କ ରେକର୍ଡ ଭାଙ୍ଗିବାର ସୁବର୍ଣ୍ଣ ସୁଯୋଗ ପ୍ରଦାନ କରିବ।
ବାବର ଆଜମଙ୍କ ପାଇଁ ବଢ଼ିଲା ଚିନ୍ତା
ଫରହାନଙ୍କ ଏହି ଦମଦାର ପ୍ରଦର୍ଶନ ପାକିସ୍ତାନ ଦଳର ସମୀକରଣ ବଦଳାଇ ଦେଇଛି। ଫରହାନ ଓପନିଂରେ ନିଜ ସ୍ଥାନ ପକ୍କା କରିଥିବାରୁ ଅଧିନାୟକ ବାବର ଆଜମଙ୍କୁ ୪ ନମ୍ବର ସ୍ଥାନରେ ବ୍ୟାଟିଂ କରିବାକୁ ପଡ଼ୁଛି। ମଧ୍ୟକ୍ରମରେ ବାବର ସେତେଟା ପ୍ରଭାବଶାଳୀ ହୋଇପାରୁନାହାନ୍ତି, ଯାହା ପାକିସ୍ତାନ ପାଇଁ ଚିନ୍ତାର ବିଷୟ ପାଲଟିଛି।
ଏବେ ସାରା ବିଶ୍ୱର ନଜର ଫରହାନଙ୍କ ଉପରେ ରହିଛି। କ’ଣ ସେ ଆଗାମୀ ମ୍ୟାଚ୍ରେ କୋହଲିଙ୍କୁ ପଛରେ ପକାଇ ନୂଆ ଇତିହାସ ରଚିବେ?