ହସ୍ପିଟାଲରେ ଭର୍ତ୍ତି ହେଲେ ଶରଦ ପାୱାର, ସୋସିଆଲ ମିଡିଆରେ ବାରାମତୀ ଭୋଟରଙ୍କୁ ପଠାଇଲେ ଭାବପୂର୍ଣ୍ଣ ବାର୍ତ୍ତା

ମହାରାଷ୍ଟ୍ର : ରାଷ୍ଟ୍ରବାଦୀ କଂଗ୍ରେସ ପାର୍ଟିର ଅଧ୍ୟକ୍ଷ ତଥା ରାଜ୍ୟସଭା ସାଂସଦ ଶରଦ ପାୱାରଙ୍କ ସ୍ୱାସ୍ଥ୍ୟବସ୍ଥା ଯାଞ୍ଚ ପାଇଁ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଶୁଣିବାକୁ ଏହା ମିଳୁଛି ଯେ, ୮୫ ବର୍ଷିୟ ପାୱାର ବାରାମତୀରେ ହେବାକୁ ଥିବା ଉପନିର୍ବାଚନରେ ସେ ନିଜର ମତଦାନ କରିପାରିବେ ନାହିଁ । ଏଥିପାଇଁ ସେ ଭାବପ୍ରବଣ ହୋଇ ସୋସିଆଲ ମିଡିଆରେ ବାରାମତୀର ଜନସାଧାରଣଙ୍କ ପାଇଁ ଏକ ପୋଷ୍ଟ ଲେଖିଛନ୍ତି ।

ଶରଦ ପାୱାର ଲେଖିଛନ୍ତି ଯେ, “୧୯୬୭ରୁ ପ୍ରତିଦ୍ୱନ୍ଦୀତା କରୁଥିବା ନିଜର ପ୍ରଥମ ନିର୍ବାଚନ ଠାରୁ ଆରମ୍ଭ କରି ବର୍ତ୍ତମାନ ପର୍ଯ୍ୟନ୍ତ ବାରାମାତୀ ବିଧାନସଭା କ୍ଷେତ୍ରରେ ନିଜର ମତଦାନ ବାରମ୍ବାର ସାବ୍ୟସ୍ତ କରିଛି ଆସିଛି । ବର୍ତ୍ତମାନ ୨୦୨୬ରେ ବାରାମତୀ ବିଧାନସଭା କ୍ଷେତ୍ରରେ ମହାରାଷ୍ଟ୍ରର ଜଣେ ଲୋକପ୍ରିୟ ନେତା ଅଜିତ ପାୱାର ଦୁର୍ଭାଗ୍ୟପୂର୍ଣ୍ଣ ଏବଂ ଆକସ୍ମିକ ନିଧନର ଶୋକାକୁଳ ପରିସ୍ଥିତିରେ ଏହି ଉପ-ନିର୍ବାଚନ ଅନୁଷ୍ଠିତ ହେଉଛି । ”

ଏହି ଉପନିର୍ବାଚନ ପାଇଁ ବାରାମତି ଯାଇ ବର୍ତ୍ତମାନ ପର୍ଯ୍ୟନ୍ତ ପ୍ରଚଳିତ ହୋଇଆସୁଥିବା ପରମ୍ପରା ଅନୁଯାୟୀ ମତଦାନ କରିବାର ନିର୍ଣ୍ଣୟ ନେଇଥିଲି । କିନ୍ତୁ ଦୁର୍ଭାଗ୍ୟବଶତଃ ମୋ ସ୍ୱାସ୍ଥ୍ୟବସ୍ଥା ବିଗିଡି ଯିବା କାରଣରୁ ମୋତେ ମୁମ୍ବାଇ ର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତରଙ୍କ ଉପଚାର ଏବଂ ଅନିବାର୍ଯ୍ୟ ବିଶ୍ରାମ କାରଣରୁ ମୋତେ ମୁମ୍ବାଇରୁ ବାହାରକୁ ଯିବା ପାଇଁ ମନା ହୋଇଛି ।

ଏଥିପାଇଁ ଅତ୍ୟନ୍ତ ଦୁଃଖର ସହ ମୋତେ ନିଜର ମତଦାନରୁ ବଞ୍ଚିତ ହେବାକୁ ପଡୁଛି । ମୋ ଉପରେ ଅତ୍ୟନ୍ତ ବିଶ୍ୱାସ ରଖୁଥିବା ବାରାମତୀର ନାଗରିକ, ଭୋଟର ଏବଂ କାର୍ଯ୍ୟକର୍ତ୍ତା ତାହା ବୁଝିବେ ତାହା ମୋର ବିଶ୍ୱାସ । ଆମ ଦଳ ଏହି ନିର୍ବାଚନରେ ଶ୍ରୀମତୀ ସୁନେତ୍ରା ଅଜିତ ପାୱାରଙ୍କୁ ସମର୍ଥନ ଦେଇଛନ୍ତି । ସ୍ୱର୍ଗତ ଅଜିତ ପାୱାରଙ୍କ ପାଇଁ ଏହା ଆମ ଦଳ ତରଫରୁ ଶ୍ରଦ୍ଧାଞ୍ଜଳି ଅଟେ ।

ମୁଁ ବାରାମତୀର ସମସ୍ତ ଭୋଟରଙ୍କୁ ଅନୁରୋଧ କରୁଛି ସୁନେତ୍ରା ଅଜିତ ପାୱାରଙ୍କୁ ଭୋଟ ଦେଇ ଅଜିତ ପାୱାରଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରନ୍ତୁ । ବାରାମତୀର ଭୋଟର ମୋ ଉପରେ ଦୀର୍ଘ ସମୟ ଧରି ବିଶ୍ୱାସ ରଖିଥିଲେ । ମୋର ବିଶ୍ୱାସ ଅଛି ଯେ, ସମସ୍ତେ ମୋର ବିଶ୍ୱାସର ମାନ ରଖିବେ ।