ଦୁଇ ଷଣ୍ଢ ଲଢେଇରେ ଚାଲିଗଲା ୩୫ ବର୍ଷୀୟ ପ୍ରସିଦ୍ଧ କଣ୍ଠଶିଳ୍ପୀଙ୍କ ଜୀବନ; ହିଟ୍ ଗୀତର ରହିଛି ଲମ୍ବା ଲିଷ୍ଟ୍, ଫିଲ୍ମରେ ବି କରିଛନ୍ତି ଅଭିନୟ

ମୁମ୍ବାଇ: ଲୋକପ୍ରିୟ ପଞ୍ଜାବୀ ଗାୟକ ରାଜବୀର ଜୱାଣ୍ଡା ଆଜି ଦୁନିଆକୁ ବିଦାୟ ଦେଇଛନ୍ତି। ମାତ୍ର ୩୫ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିଲା। ସେ ସେପ୍ଟେମ୍ବର ୨୭ ତାରିଖରେ ଏକ ଗୁରୁତର ସଡ଼କ ଦୁର୍ଘଟଣାରେ ଜଡିତ ହୋଇଥିଲେ, ଯାହା ପରେ ତାଙ୍କୁ ମୋହାଲିର ଫୋର୍ଟିସ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ୧୧ ଦିନ ଜୀବନ ପାଇଁ ସଂଘର୍ଷ କରିବା ପରେ, ଆଜି ଗୁରୁବାର ଗାୟକଙ୍କ ମୃତ୍ୟୁ ହୋଇଥିଲା। ତାଙ୍କ ମୃତ୍ୟୁ ସମଗ୍ର ସଙ୍ଗୀତ ଶିଳ୍ପ, ତାଙ୍କ ପରିବାର ଏବଂ ତାଙ୍କ ପ୍ରଶଂସକମାନଙ୍କୁ ବଡ଼ ଧକ୍କା ଦେଇଛି। ଏବେ, ପ୍ରଶ୍ନ ଉଠୁଛି: ଗାୟକଙ୍କ ଦୁର୍ଘଟଣା କିପରି ଘଟିଲା ଏବଂ ତାଙ୍କ ମୃତ୍ୟୁର କାରଣ କ’ଣ?

ଦୁର୍ଘଟଣା କିପରି ଘଟିଲା?

ସମଗ୍ର ଘଟଣାଟି ସେପ୍ଟେମ୍ବର ୨୭ ତାରିଖରେ ହୋଇଥିଲା । ଯେତେବେଳେ ରାଜବୀର ତାଙ୍କ ବାଇକରେ ସିମଲାକୁ ଯାଉଥିଲେ। ପିଞ୍ଜୋର-ନାଲାଗଡ଼ ରାସ୍ତାରେ, ହଠାତ୍ ତାଙ୍କର ଦୁଇଟି ଷଣ୍ଢ ସହିତ ଧକ୍କା ହୋଇଥିଲା, ଯାହା ରାସ୍ତା ଉପରେ ହିଁ ଲଢେଇ କରୁଥିଲେ। ଧକ୍କା ସମୟରେ, ରାଜବୀରଙ୍କ ବାଇକ୍ ଭାରସାମ୍ୟ ହରାଇଲା ଏବଂ ନିଜକୁ ବଞ୍ଚାଇବାକୁ ଚେଷ୍ଟା କରି ସେ ଏକ ବୋଲେରୋ ସହିତ ଧକ୍କା ହୋଇଥିଲେ। ଧକ୍କାରେ ସେ ଗୁରୁତର ଆହତ ହୋଇଥିଲେ ଏବଂ ତାଙ୍କୁ ଡାକ୍ତରଖାନାକୁ ପଠାଯାଇଥିଲା। ଡାକ୍ତରଙ୍କ ଏକ ଦଳ ତୁରନ୍ତ ତାଙ୍କର ଚିକିତ୍ସା ଆରମ୍ଭ କରିଥିଲେ, କିନ୍ତୁ ତାଙ୍କୁ ବଞ୍ଚାଇବାରେ ବିଫଳ ହୋଇଥିଲେ।

ରାଜବୀର ବହୁତ ଲୋକପ୍ରିୟ ଥିଲେ

ରାଜବୀର ଜୱାଣ୍ଡା ପଞ୍ଜାବରେ ବହୁତ ପ୍ରସିଦ୍ଧ ଥିଲେ। ଲୋକମାନେ ତାଙ୍କ ଗୀତ ଶୁଣିବାକୁ ଭଲ ପାଉଥିଲେ। ଗାୟକଙ୍କ ଗୀତ ସବୁବେଳେ ଅନେକ ଲୋକଙ୍କ ୱିସ ଲିଷ୍ଟରେ ରହୁଥିଲା। ରାଜବୀର ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ ଥିଲେ। ସେ ଜଣେ ବାଇକ୍ ଆରୋହୀ ମଧ୍ୟ ଥିଲେ ଏବଂ ଗାଡ଼ି ଚଲାଇବା ପ୍ରତି ତାଙ୍କର ଆଗ୍ରହ ଥିଲା। ଗାୟକଙ୍କର ସୋସିଆଲ ମିଡିଆରେ ଏକ ବଡ଼ ଫ୍ୟାନ୍ ଫଲୋଇଂ ଥିଲା, ଇନଷ୍ଟାଗ୍ରାମରେ 2.4 ମିଲିୟନ ଫଲୋଅର୍ସ ଏବଂ ତାଙ୍କ ୟୁଟ୍ୟୁବ୍ ଚ୍ୟାନେଲରେ 931,000 ସବସ୍କ୍ରାଇବର୍ ଥିଲେ। ସେ ନିୟମିତ ଭାବରେ ତାଙ୍କ ପ୍ରଶଂସକ ଏବଂ ଅନୁଗାମୀମାନଙ୍କ ସହିତ ତାଙ୍କ ବୃତ୍ତିଗତ ଜୀବନ ବିଷୟରେ ଅପଡେଟ୍ ସେୟାର କରୁଥିଲେ।

ରାଜବୀରଙ୍କ କ୍ୟାରିଅର୍

ରାଜବୀର ତାଙ୍କ ହିଟ୍ ଗୀତଗୁଡ଼ିକ ସହିତ ଫ୍ୟନ୍ସଙ୍କ ହୃଦୟ ଜିତିଥିଲେ। ସେ ତାଙ୍କ ଗୀତ ମାଧ୍ୟମରେ ସବୁଦିନ ପାଇଁ ବଞ୍ଚି ରହିବେ। ତାଙ୍କ ହିଟ୍ ତାଲିକାରେ “ସରଦାରୀ,” “ଜୋର୍,” “କାଲି ଜୱଦେ ଦି,” “ରବ୍ କାରକେ,” ଏବଂ “ମେରା ଦିଲ୍” ଅନ୍ତର୍ଭୁକ୍ତ। ତାଙ୍କର ଗୀତ ଲକ୍ଷ ଲକ୍ଷ ଥର ଶୁଣାଯାଇଛି, ଏବଂ Spotify ରେ ତାଙ୍କର ପ୍ରାୟ 5 ଲକ୍ଷ ଶ୍ରୋତା ଅଛନ୍ତି। ରାଜବୀର “ଜିନ୍ଦ ଜାନ”, “ସୁବେଦାର ଜୋଗିନ୍ଦର ସିଂହ”, “ମିଣ୍ଡୋ ତସୀଲଦାରନୀ” ଏବଂ “କାକା ଜୀ” ଭଳି ପଞ୍ଜାବୀ ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି।