ଭୂତ ବଙ୍ଗଳାରେ ରୁହନ୍ତି ପଟୌଦି ପରିବାର, ଦିନେ ଚାପୁଡା ମାରିଥିଲା ଭୂତ, ଜାଣନ୍ତୁ କଣ କଲେ ଅଭିନେତ୍ରୀ

ମୁମ୍ବାଇ: ପଟୌଦି ପରିବାର, ଯାହା ତାର ରାଜକୀୟ ଜୀବନଶୈଳୀ ପାଇଁ ବେଶ୍ ଜଣାଶୁଣା । କିନ୍ତୁ ଏହି ପଟୌଦି ପରିବାରର ଏକ କାହାଣୀ ଅଛି ଯାହା ଶୁଣି ଆପଣ ବି ଥରହର ହୋଇଯିବେ । କୁହାଯାଏ ଯେ କରୀନା କପୁରଙ୍କ ଶ୍ୱଶୁର ଘର, ପଟୌଦି ପରିବାରର ଏକ ମହଲ ଅଛି ଯାହା ବର୍ଷ ବର୍ଷ ଧରି ପରିତ୍ୟକ୍ତ ହୋଇ ପଡିଛି । କାରଣ ସେଠାରେ ଘଟୁଥିବା ରହସ୍ୟମୟ ଘଟଣା ସମସ୍ତଙ୍କୁ ଭୟଭୀତ କରିଥାଏ ।

ନିକଟରେ, ସୈଫ୍ ଅଲ୍ଲୀ ଖାନଙ୍କ ଭଉଣୀ ଏବଂ ଅଭିନେତ୍ରୀ ସୋହା ଅଲ୍ଲୀ ଖାନଙ୍କୁ ତାଙ୍କ ହରର୍ ଫିଲ୍ମ “ଛୋରି ୨” ର ପ୍ରମୋସନ୍ ସମୟରେ ସେହି ଭୟଙ୍କର କାହାଣୀ କହିଥିଲେ । ଏକ ସ୍ଵତନ୍ତ୍ର ସାକ୍ଷାତକାରରେ ଯେତେବେଳେ ତାଙ୍କୁ ପଚରାଗଲା ଯେ, ସେ କେବେ ଭୂତପ୍ରେତ ସ୍ଥାନରେ ସୁଟିଂ କରିଛନ୍ତି କି, ସେତେବେଳେ ସେ ତାଙ୍କ ପରିବାରର ଏକ କାହାଣୀ ବର୍ଣ୍ଣନା କରିଥିଲେ ଯାହା ଶୁଣି ଲୋକମାନେ ସହଜରେ ବିଶ୍ଵାସ କରିନଥିଲେ ।

ହଳଦିଆ କୋଠାର କାହାଣୀ: ସୋହା କହିଥିଲେ ଯେ ବହୁ ବର୍ଷ ପୂର୍ବେ, ତାଙ୍କ ପରିବାର ଏବେକାର ପଟୌଦି ପ୍ରାସାଦର ଠିକ୍ ପାଖରେ ଅବସ୍ଥିତ “ହଳଦିଆ କୋଠା” ନାମରେ ପରିଚିତ ଏକ ସ୍ଥାନରେ ରହୁଥିଲେ। ଗୋଟିଏ ରାତିରେ ଏପରି କିଛି ଅପ୍ରତ୍ୟାଶିତ ଘଟଣା ଘଟିଲା, ଯାହା ଫଳରେ ସମଗ୍ର ପରିବାର ଶୀଘ୍ର ନିଜ ଘର ଛାଡି ରାଜପ୍ରାସାଦକୁ ଚାଲିଗଲେ।

ସୋହାଙ୍କ କହିବା ଅନୁଯାୟୀ, ତାଙ୍କ ଜେଜେମାଆଙ୍କୁ ଗୋଟିଏ ରାତିରେ ଏକ ଅଦୃଶ୍ୟ ଶକ୍ତି ଚାପୁଡ଼ା ମାରିଥିଲା। ସକାଳେ ତାଙ୍କ ମୁହଁରେ ଏହାର ଚିହ୍ନ ସ୍ପଷ୍ଟ ଭାବରେ ଦେଖାଯାଉଥିଲା। ଏହି ଘଟଣା ସମସ୍ତଙ୍କୁ ଭୟଭୀତ କରିଦେଇଥିଲା ଏବଂ ବିଳମ୍ବ ନକରି ସମଗ୍ର ଘର ଖାଲି କରିଦିଆଯାଇଥିଲା। ତେବେ ସୋହା ଏହା ମଧ୍ୟ ସ୍ୱୀକାର କରିଛନ୍ତି ଯେ, ସେ ଜାଣନ୍ତି ନାହିଁ ଯେ ଏହି କାହାଣୀ କେତେ ସତ୍ୟ, କାରଣ ଏହା ତାଙ୍କ ଜନ୍ମର ବହୁ ପୂର୍ବରୁ ଏହା ଘଟିଥିଲା।

ଆଜି ବି ପରିତ୍ୟକ୍ତ ହଳଦିଆ କୋଠା: ସୋହା ଆହୁରି କହିଛନ୍ତି ଯେ, ସେହି “ହଳଦିଆ କୋଠା”ଟି ଏବେବି ସମ୍ପୂର୍ଣ୍ଣ ଖାଲି ପଡ଼ିଛି। ଏହାର ପ୍ରମୁଖ ସ୍ଥାନ ଏବଂ ସମ୍ଭାବ୍ୟ ମୂଲ୍ୟ ସତ୍ତ୍ୱେ, କେହି ସେଠାରେ ରହିବାକୁ ଚାହାଁନ୍ତି ନାହିଁ। ଲୋକମାନେ କୁହନ୍ତି ଯେ ଏହି ମହଲ ଭିତରେ କିଛି ଅଦ୍ଭୁତ ଏବଂ ଭୟଙ୍କର ଜିନିଷ ରହିଛି, ଯାହା କାହାକୁ ସେଠାରେ ରହିବାକୁ ବାଧା ଦେଉଛି।

ତାଙ୍କ ଫିଲ୍ମ ପରି, ସୋହାଙ୍କ ବାସ୍ତବ ଜୀବନର କାହାଣୀ ମଧ୍ୟ କୌଣସି ଭୟଙ୍କର ଚଳଚ୍ଚିତ୍ରଠାରୁ କମ୍ ନୁହେଁ। ସେ କୁହନ୍ତି ଯେ, ଏହା ସତ୍ୟ ହେଉ କି ଗୁଜବ ସେହି ହଳଦିଆ କୋଠାକୁ ଆଜି ପର୍ଯ୍ୟନ୍ତ ବି ସେମିତି ପରିତ୍ୟକ୍ତ ହୋଇ ରହିଛି । ଏବେବି ସେଠାକୁ ଯିବାକୁ ଲୋକେ ଡରନ୍ତି ।