ଶ୍ରୀଲଙ୍କାରେ ପହଞ୍ଚିଲା ଟିମ୍ ଇଣ୍ଡିଆ, ଏହି ଦିନ ଖେଳିବ ପ୍ରଥମ ଟେଷ୍ଟ, ଜାଣନ୍ତୁ ପୁରା ସିଡ୍ୟୁଲ…
ଭାରତୀୟ କ୍ରିକେଟ୍ ଦଳ ଶ୍ରୀଲଙ୍କାରେ ପହଞ୍ଚିସାରିଛି। ଟିମ୍ ଇଣ୍ଡିଆ ଶ୍ରୀଲଙ୍କା ଗସ୍ତରେ ଦୁଇଟି ଟେଷ୍ଟ ମ୍ୟାଚ୍ର ସିରିଜ୍ ଖେଳିବ।
ଓଡିଶାଭାସ୍କର: ଭାରତୀୟ କ୍ରିକେଟ୍ ଦଳର ପରବର୍ତ୍ତୀ ଲକ୍ଷ୍ୟ ହେଉଛି ଶ୍ରୀଲଙ୍କା ବିଜୟ। ଦୁଇଟି ଟେଷ୍ଟ ମ୍ୟାଚ୍ର ସିରିଜ୍ ଖେଳିବା ପାଇଁ ଟିମ୍ ଇଣ୍ଡିଆ ଶ୍ରୀଲଙ୍କାରେ ପହଞ୍ଚିଛି।
Uttarakhand Govt.
ସିରିଜ୍ ପୂର୍ବରୁ ଭାରତୀୟ ଦଳ ୭ ଅଗଷ୍ଟରୁ ଶ୍ରୀଲଙ୍କା ପ୍ଲେଇଂ ୧୧ ବିପକ୍ଷରେ ତିନି ଦିନିଆ ଅଭ୍ୟାସ ମ୍ୟାଚ୍ ଖେଳିବ। ଏହି ମ୍ୟାଚ୍ ମାଧ୍ୟମରେ ଦଳ ଟେଷ୍ଟ ସିରିଜ୍ ପାଇଁ ନିଜ ପ୍ରସ୍ତୁତିକୁ ଶାଣିତ କରିବ।
ଭାରତର ଶ୍ରୀଲଙ୍କା ଗସ୍ତର ଅସଲ ଆରମ୍ଭ ୧୫ ଅଗଷ୍ଟରେ ପ୍ରଥମ ଟେଷ୍ଟ ମ୍ୟାଚ୍ ସହ ହେବ। ଭାରତ ଓ ଶ୍ରୀଲଙ୍କା ମଧ୍ୟରେ ପ୍ରଥମ ଟେଷ୍ଟ ଗାଲେ ଆନ୍ତର୍ଜାତୀୟ ଷ୍ଟାଡିୟମରେ ଖେଳାଯିବ। ଭାରତୀୟ ସମୟ ଅନୁଯାୟୀ ଏହି ମ୍ୟାଚ୍ ସକାଳ ୧୦ଟାରୁ ଆରମ୍ଭ ହେବ।
ଏହାପରେ ୨୩ ଅଗଷ୍ଟରୁ ଭାରତ ଓ ଶ୍ରୀଲଙ୍କା ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ୍ କଲମ୍ବୋରେ ଖେଳାଯିବ। ଭାରତୀୟ ସମୟ ଅନୁଯାୟୀ ଏହି ମ୍ୟାଚ୍ ମଧ୍ୟ ସକାଳ ୧୦ଟାରୁ ଆରମ୍ଭ ହେବ।
ଶୁଭମନ ଗିଲଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଶ୍ରୀଲଙ୍କାରେ ପହଞ୍ଚିସାରିଛି। ମଙ୍ଗଳବାର ଅର୍ଥାତ୍ ଆଜି ଭାରତୀୟ ଦଳ ଶ୍ରୀଲଙ୍କାରେ ପହଞ୍ଚିଥିଲା। ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ୧୫ ସଦସ୍ୟ ବିଶିଷ୍ଟ ଦଳରୁ ୧୪ ଜଣ ଖେଳାଳି ହିଁ ଶ୍ରୀଲଙ୍କା ଗସ୍ତ କରିଛନ୍ତି। ଅନଫିଟ୍ କାରଣରୁ ସାଇ ସୁଦର୍ଶନ ବର୍ତ୍ତମାନ ଭାରତରେ ହିଁ ରହିଛନ୍ତି।
ବିସିସିଆଇ ପୂର୍ବରୁ ସ୍ପଷ୍ଟ କରିଥିଲା ଯେ, ଏହି ଟେଷ୍ଟ ସିରିଜ୍ରେ ସାଇ ସୁଦର୍ଶନ ଏବଂ ଯସପ୍ରୀତ ବୁମରାହଙ୍କ ଖେଳିବା ସେମାନଙ୍କ ଫିଟ୍ନେସ୍ ଉପରେ ନିର୍ଭର କରିବ।
କିନ୍ତୁ ବୁମରାହ ଫିଟ୍ନେସ୍ ଟେଷ୍ଟରେ ସଫଳ ହୋଇପାରିନଥିଲେ। ଏହାପରେ ବିସିସିଆଇ ତାଙ୍କ ବଦଳରେ ଆକିବ ନବୀଙ୍କୁ ଦଳରେ ସାମିଲ କରିଛି।
ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜ୍ ପାଇଁ ଭାରତୀୟ ଦଳ:
ଶୁଭମନ ଗିଲ୍, କେ.ଏଲ୍ ରାହୁଲ (ଉପ-ଅଧିନାୟକ), ଯଶସ୍ୱୀ ଜୟସଓ୍ୱାଲ, ଋଷଭ ପନ୍ତ, ସାଇ ସୁଦର୍ଶନ (ଖେଳିବା ଫିଟ୍ନେସ୍ ଉପରେ ନିର୍ଭରଶୀଳ), ଧ୍ରୁଭ ଜୁରେଲ (ୱିକେଟ୍ କିପର), ରବିନ୍ଦ୍ର ଜାଡେଜା, କୁଲଦୀପ ଯାଦବ, କୁଲଦୀପ ଯାଦବ, ମାନବ ସୁଥାର, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣ, ଗୁରନୂର ବ୍ରାର, ଦେବଦତ୍ତ ପଡିକ୍କଲ, ସାରାଂଶ ଜୈନ, ଆକିବ ନବୀ।
ଭାରତ-ଶ୍ରୀଲଙ୍କା ଟେଷ୍ଟ ସିରିଜ୍ର ସୂଚୀ:
- ୩ ଦିନିଆ ଅଭ୍ୟାସ ମ୍ୟାଚ୍: ୭ ଅଗଷ୍ଟରୁ – ଭାରତ ବନାମ ଶ୍ରୀଲଙ୍କା XI
- ପ୍ରଥମ ଟେଷ୍ଟ: ୧୫ରୁ ୧୯ ଅଗଷ୍ଟ, ୨୦୨୬ – ଗାଲେ ଆନ୍ତର୍ଜାତୀୟ ଷ୍ଟାଡିୟମ୍, ଗାଲେ
- ଦ୍ୱିତୀୟ ଟେଷ୍ଟ: ୨୩ରୁ ୨୭ ଅଗଷ୍ଟ, ୨୦୨୬ – ସିଂହଲିଜ୍ ସ୍ପୋର୍ଟ୍ସ କ୍ଲବ୍, କଲମ୍ବୋ