ଆସନ୍ତାକାଲି IND vs NZ ମ୍ୟାଚ୍, ପ୍ରଥମ ODI ପୂର୍ବରୁ ଟିମ୍ ଇଣ୍ଡିଆକୁ ଶକ୍ତ ଝଟକା, ପ୍ରାକ୍ଟିସ୍ ସମୟରେ ଆହତ ହେଲେ ଏହି ବ୍ୟାଟ୍ସମ୍ୟାନ…

ଓଡିଶାଭାସ୍କର: ଆସନ୍ତାକାଲି ଚଳିତ ବର୍ଷର ପ୍ରଥମ ODI ମ୍ୟାଚ୍ ଆରମ୍ଭ ହେବାକୁ ଯାଉଛି। ଆଉ ଏହାର ଠିକ୍ ପୂର୍ବରୁ ଟିମ୍ ଇଣ୍ଡିଆକୁ ଶକ୍ତ ଝଟକା ଲାଗିଛି। କାରଣ ଦଳର ଜଣେ ବ୍ୟାଟ୍ସମ୍ୟାନ ଆହତ ହୋଇଛନ୍ତି। ଯଦ୍ୱାରା ସେ ଏହି ମ୍ୟାଚ୍ ରୁ ବାହାରେ ରହିବେ ବୋଲି କୁହାଯାଉଛି।

ସୂଚନାନୁସାରେ, ୱିକେଟକିପର-ବ୍ୟାଟ୍ସମ୍ୟାନ୍ ରିଷଭ ପନ୍ତ ଅଭ୍ୟାସ ସମୟରେ ଆହତ ହୋଇ ପଡ଼ିଆ ଛାଡ଼ିଛନ୍ତି। ଭାରତ ବନାମ ନ୍ୟୁଜିଲାଣ୍ଡ ଦିନିକିଆ ସିରିଜର ପ୍ରଥମ ମ୍ୟାଚ୍ ଜାନୁଆରୀ ୧୧ ତାରିଖ ରବିବାର ଭଦୋଦରାର ବିସିଏ ଷ୍ଟାଡିୟମରେ ଖେଳାଯିବ।

ଆଉ ଏହି ସମୟରେ ପନ୍ତଙ୍କ ବିଷୟରେ ଏପରି ଖବର ପ୍ରଶଂସକଙ୍କ ମଧ୍ୟରେ ଚିନ୍ତା ବଢ଼ାଇ ଦେଇଛି। ରିଷଭ ପନ୍ତ ତାଙ୍କର ଶେଷ ଦିନିକିଆ ଅଗଷ୍ଟ ୨୦୨୪ ରେ ଖେଳିଥିଲେ।

ସେ କିଛି ସମୟ ଧରି ଆଘାତ ସହିତ ସଂଘର୍ଷ କରୁଛନ୍ତି, ଯେଉଁଥିରେ ଇଂଲଣ୍ଡରେ ମଧ୍ୟ ଏକ ଆଘାତ ସାମିଲ ରହିଛି। ତାଙ୍କୁ କେଏଲ ରାହୁଲଙ୍କ ସହିତ ଦ୍ୱିତୀୟ ୱିକେଟକିପର ଭାବରେ ନ୍ୟୁଜିଲାଣ୍ଡ ବିପକ୍ଷରେ ଦିନିକିଆ ଦଳରେ ସାମିଲ କରାଯାଇଛି। ପ୍ରଥମ ଦିନିକିଆରେ କେଏଲ ରାହୁଲଙ୍କୁ ୱିକେଟକିପର ଭାବରେ ସ୍ଥାନିତ କରାଯିବାର ସମ୍ଭାବନା ରହିଛି।

ରିଷଭ ପନ୍ତ ଆହତ ହୋଇଛନ୍ତି:

ରିପୋର୍ଟ ଅନୁଯାୟୀ, ନେଟ୍ସରେ ଥ୍ରୋଡାଉନ୍ ସ୍ପେଶାଲିଷ୍ଟଙ୍କ ବିପକ୍ଷରେ ଖେଳୁଥିବା ସମୟରେ ରିଷଭ ପନ୍ତ ଆହତ ହୋଇଥିଲେ। ଏକ ବଲ୍ ତାଙ୍କ ଅଣ୍ଟାର ଠିକୁ ଉପରେ ବାଜିଥିଲା। ତା’ପରେ ସେ ପଡ଼ିଆ ଛାଡ଼ି ଚାଲିଯାଇଥିଲେ।

କିନ୍ତୁ, ସେ ପୂର୍ବରୁ ୫୦ ମିନିଟ୍ ପାଇଁ ବ୍ୟାଟିଂ ଅଭ୍ୟାସ କରିଥିଲେ ଏବଂ ଭଲ ସ୍ଥିତିରେ ଥିବା ଦେଖାଯାଉଥିଲେ। ହେଲେ, ପନ୍ତଙ୍କ ଆଘାତ ସମ୍ପର୍କରେ ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ଜାରି କରାଯାଇ ନାହିଁ।

ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଦିନିକିଆ ଜାନୁଆରୀ ୧୧, ରବିବାର ଭଦୋଦରାର ବିସିଏ ଷ୍ଟାଡିୟମରେ ଖେଳାଯିବ। ଶୁଭମନ ଗିଲଙ୍କ ଅନୁପସ୍ଥିତିରେ ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜରେ ଦଳର ଅଧିନାୟକତ୍ୱ କରିଥିବା କେଏଲ ରାହୁଲଙ୍କୁ ଏଠାରେ ୱିକେଟକିପର-ବ୍ୟାଟ୍ସମ୍ୟାନ ଭାବରେ ସାମିଲ କରାଯାଇପାରେ।

ଭାରତୀୟ ଦଳ:

ରୋହିତ ଶର୍ମା, ଶ୍ରେୟସ୍ ଆୟର, ଶୁଭମନ ଗିଲ, ବିରାଟ କୋହଲି, ଯଶସ୍ୱୀ ଜୟସୱାଲ, ନୀତିଶ କୁମାର ରେଡ୍ଡୀ, ରବିନ୍ଦ୍ର ଜାଡେଜା, ୱାଶିଂଟନ୍ ସୁନ୍ଦର, କେଏଲ ରାହୁଲ (ୱିକେଟକିପର), ରିଷଭ ପନ୍ତ (ୱିକେଟକିପର), ଅର୍ଶଦୀପ ସିଂହ, ହର୍ଷିତ ରାଣା, କୁଲଦୀପ ଯାଦବ, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣା।

ମ୍ୟାଚ୍‌ର ସିଧା ପ୍ରସାରଣ କେଉଁଠାରେ ଦେଖିବେ:

ଭାରତ ବନାମ ନ୍ୟୁଜିଲାଣ୍ଡ ପ୍ରଥମ ODI ଭାରତୀୟ ସମୟ ଅନୁସାରେ ଦିନ ୧:୩୦ ରେ ଆରମ୍ଭ ହେବ। ମ୍ୟାଚ୍ ଟି ଷ୍ଟାର ସ୍ପୋର୍ଟସ୍ ନେଟୱାର୍କ ଚ୍ୟାନେଲଗୁଡ଼ିକରେ ସିଧା ପ୍ରସାରଣ କରାଯିବ। ଲାଇଭ୍ ଷ୍ଟ୍ରିମିଂ JioHotstar ଆପ୍ ଏବଂ ୱେବସାଇଟରେ ମଧ୍ୟ ଉପଲବ୍ଧ ହେବ।