ଟ୍ରମ୍ପଙ୍କୁ ଚେତାବନୀ! ସୁଧୁରି ଯାଅ ନହେଲେ ଫୁଟିବ ଗୁଳି, ସଫା ସଫା କହିଦେଲା ଡେନମାର୍କ…

ଓଡିଶା ଭାସ୍କର: ଗ୍ରୀନଲ୍ଯାଣ୍ଡକୁ କବଜା କରିବା ପାଇଁ ଡରାଇଲେଣି ଆମେରିକା ରାଷ୍ଟ୍ରପତି। ସେପଟେ ଯଦି ଆମେରିକା ସେନା ପଠାଇବାକୁ ପ୍ରୟାସ କରେ ତେବେ ଏହାର ଉଚିତ ଜବାବ ଦେବ ବୋଲି ସଫା ସଫା କହିଲେ ଡେନମାର୍ଡ ପ୍ରତିରକ୍ଷା ମନ୍ତ୍ରୀ। ସିଧା ସିଧା ଗୁଳି କରିବା ପାଇଁ ପଛାଇବେ ନାହିଁ ବୋଲି କହି ଡରାଇଲା ଡେନମାର୍କ।

ଡୋନାଲ୍ଡ ଟ୍ରମ୍ପଙ୍କ ଗ୍ରୀନଲ୍ୟାଣ୍ଡ ଦଖଲ କରିବାର ଧମକର କିଛି ଦିନ ପରେ, ଡେନମାର୍କର ପ୍ରତିରକ୍ଷା ମନ୍ତ୍ରଣାଳୟ ଚେତାବନୀ ଜାରି କରି କହିଛି ଯେ ଯଦି କେହି ଡେନମାର୍କ ଅଞ୍ଚଳ ଉପରେ ଆକ୍ରମଣ କରନ୍ତି, ତେବେ ଏହାର ସୈନିକମାନେ ତୁରନ୍ତ ଯୁଦ୍ଧ ଆରମ୍ଭ କରିବେ ଏବଂ ସେମାନଙ୍କ କମାଣ୍ଡରଙ୍କ ନିର୍ଦ୍ଦେଶକୁ ଅପେକ୍ଷା ନକରି ଗୁଳି ଚଳାଇବେ।

ଡେନମାର୍କର ଏହି ବିବୃତ୍ତି ୧୯୫୨ ମସିହାର ନିର୍ଦ୍ଦେଶନାମା ଅନୁଯାୟୀ ଆସିଛି, ଯାହା ଶୀତଳ ଯୁଦ୍ଧ ସମୟର ଏକ ନିର୍ଦ୍ଦେଶନାମା, ସ୍ପଷ୍ଟ ଭାବରେ ଉଲ୍ଲେଖ କରିଛି ଯେ ଯଦି କୌଣସି ବିଦେଶୀ ଶକ୍ତି ଡେନମାର୍କ ଅଞ୍ଚଳକୁ ବିପଦରେ ପକାଇଥାଏ, ତେବେ ସୈନ୍ୟମାନଙ୍କୁ ନିର୍ଦ୍ଦେଶକୁ ଅପେକ୍ଷା ନକରି ପ୍ରଥମେ ଗୁଳି ଚଳାଇବାକୁ ପଡିବ, ଏନେଇ ଏକ ରିପୋର୍ଟ ମଧ୍ୟ ପ୍ରକାଶ ପାଇଛି।

୧୯୫୨ ମସିହାର ନିର୍ଦ୍ଦେଶନାମା ସେତେବେଳେ ସୃଷ୍ଟି ହୋଇଥିଲା ଯେତେବେଳେ ନାଜି ଜର୍ମାନୀ ଏପ୍ରିଲ ୧୯୪୦ ରେ ଡେନମାର୍କ ଉପରେ ଆକ୍ରମଣ କରିଥିଲେ, ଯାହା ଫଳରେ ୟୁରୋପୀୟ ରାଷ୍ଟ୍ରରେ ଯୋଗାଯୋଗ ଆଂଶିକ ଭାବରେ ବିଚ୍ଛିନ୍ନ ହୋଇଯାଇଥିଲା।

ଗ୍ରୀନଲ୍ଯାଣ୍ଡକୁ କବଜା କରିବା ପାଇଁ ପ୍ରୟାସ କରୁଛନ୍ତି ଡୋନାଲ୍ଡ ଟ୍ରମ୍ପ:

ଅନେକ ଦିନ ହେବ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗ୍ରୀନଲ୍ଯାଣ୍ଡକୁ କବଜା କରିବେ ବୋଲି ଧମକ ଦେଇ ଆସୁଛନ୍ତି। ଡେନମାର୍କ ଦ୍ୱାରା ପରିଚାଳିତ ଗ୍ରୀନଲ୍ୟାଣ୍ଡକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନଜର ପକାଇବା ପରେ ଡେନମାର୍କରୁ ଏହି ଚେତାବନୀ ଆସିଛି ଏବଂ ଆବଶ୍ୟକ ହେଲେ ବଳପୂର୍ବକ ସ୍ୱାୟତ୍ତ ଭୂମିକୁ ନିୟନ୍ତ୍ରଣ କରିବାକୁ ବାରମ୍ବାର ଧମକ ଦେଇଛନ୍ତି।

ଟ୍ରମ୍ପ ଏହା ମଧ୍ୟ ଦାବି କରିଛନ୍ତି ଯେ ରୁଷ ଏବଂ ଚୀନ୍ ଜାହାଜର ଉପସ୍ଥିତି ଯୋଗୁଁ ଆର୍କଟିକ ଅଞ୍ଚଳକୁ ସୁରକ୍ଷା ପ୍ରଦାନ କରିବା ଗୁରୁତ୍ବପୂର୍ଣ୍ଣ ହୋଇ ଚାଲିଛି।

ଗ୍ରୀନଲ୍ଯାଣ୍ଡ ବିକ୍ରି କରିବା ପାଇଁ କୌଣସି ଯାଗା ନୁହେଁ:

ଡେନମାର୍କ ଏବଂ ଗ୍ରୀନଲ୍ୟାଣ୍ଡ ବାରମ୍ବାର କହିଛନ୍ତି ଯେ ଏହି ଅଞ୍ଚଳ ବିକ୍ରି ପାଇଁ ନୁହେଁ। ଡେନମାର୍କ ପ୍ରଧାନମନ୍ତ୍ରୀ ମେଟ୍ ଫ୍ରେଡେରିକ୍ସେନ୍ ମଧ୍ୟ ଚେତାବନୀ ଦେଇଛନ୍ତି ଯେ ଗ୍ରୀନଲ୍ୟାଣ୍ଡକୁ ଦଖଲ କରିବାର ଯେକୌଣସି ସାମରିକ ପ୍ରୟାସ ନାଟୋର ଅନ୍ତ ଘଟାଇବ।

“ଯଦି ଆମେରିକା ଅନ୍ୟ ଏକ ନାଟୋ ଦେଶକୁ ସାମରିକ ଭାବରେ ଆକ୍ରମଣ କରିବାକୁ ବାଛିଥାଏ, ତେବେ ସବୁକିଛି ବନ୍ଦ କରିଦେବ ଡେନମାର୍କ। ଆଗରୁ ମଧ୍ୟ ଏହିପରି ଚେତାବନୀ ଦେଇଥିଲା ଡେନମାର୍କ।

ଏହି ସମୟ ମଧ୍ୟରେ, ୱାଶିଂଟନରେ ଡେନମାର୍କ ଏବଂ ଗ୍ରୀନଲ୍ୟାଣ୍ଡର ରାଷ୍ଟ୍ରଦୂତମାନେ ଆମେରିକାର ଆଇନ ପ୍ରଣୟନକାରୀଙ୍କ ସହିତ ଆଲୋଚନ କରିଛନ୍ତି।ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ରଣନୈତିକ ଆର୍କଟିକ୍ ଦ୍ୱୀପର “ଅଧିଗ୍ରହଣ” ପାଇଁ ଆହ୍ବାନରୁ ଓହରି ଯିବାକୁ ଅନୁରୋଧ କରିବା ପାଇଁ ଏକ ଜୋରଦାର ପ୍ରୟାସ ଆରମ୍ଭ କରିଛନ୍ତି।