Train Accident: ସକାଳୁ ସକାଳୁ ଭୟଙ୍କର ଟ୍ରେନ ଦୁର୍ଘଟଣା, ଚଳନ୍ତା ଟ୍ରେନ ଉପରେ ପଡ଼ିଲା ଭାରୀ କ୍ରେନ୍, 20ରୁ ଉର୍ଦ୍ଧ୍ବ ଯାତ୍ରୀ ମୃତ, 30 ଗୁରୁତର
ସକାଳୁ ସକାଳୁ ଭୟଙ୍କର ଟ୍ରେନ ଦୁର୍ଘଟଣା, ଚଳନ୍ତା ଟ୍ରେନ ଉପରେ ପଡ଼ିଲା ଭାରୀ କ୍ରେନ୍
ଥାଇଲ୍ୟାଣ୍ଡ: ଉତ୍ତର-ପୂର୍ବ ଥାଇଲ୍ୟାଣ୍ଡରେ ଏକ ଭୟଙ୍କର ଦୁର୍ଘଟଣା ଘଟିଛି। ରାଜଧାନୀ ବ୍ୟାଙ୍କକରୁ ଦେଶର ଉତ୍ତର-ପୂର୍ବ ଭାଗକୁ ଯାଉଥିବା ଏକ ଟ୍ରେନର ଏକ ବଗି ଉପରେ ଏକ ନିର୍ମାଣାଧୀନ ପଡ଼ିଯିବାରୁ ଲାଇନଚ୍ୟୁତ ହୋଇଛି। ଏହି ଦୁର୍ଘଟଣାରେ ଅତି କମରେ 22 ଜଣଙ୍କର ମୃତ୍ୟୁ ହୋଇଛି ଏବଂ ୩୦ ଜଣ ଆହତ ହୋଇଛନ୍ତି। ବୁଧବାର ସକାଳେ ବ୍ୟାଙ୍କକ୍ ରୁ ୨୩୦ କିଲୋମିଟର (୧୪୩ ମାଇଲ୍) ଉତ୍ତର-ପୂର୍ବରେ ନାଖୋନ୍ ରାତ୍ଚାସିମା ପ୍ରଦେଶର ଶିଖିଓ ଜିଲ୍ଲାରେ ଏହି ଦୁର୍ଘଟଣା ଘଟିଛି। ଟ୍ରେନ୍ ଟି ଉବୋନ୍ ରାତ୍ଚାଥାନି ପ୍ରଦେଶକୁ ଯାଉଥିଲା।
DEVELOPING: Dozens of people have been killed and injured after a construction crane lifting a section of a bridge collapsed onto a passenger train in Sikhio, Thailand.
Contributed by @AZ_Intel_. pic.twitter.com/wnYDIszrrs
— Open Source Intel (@Osint613) January 14, 2026
ଟ୍ରେନ୍ରେ ନିଆଁ ଲାଗିଗଲା
ପୋଲିସ୍ କହିଛି ଯେ ଏକ ହାଇ-ସ୍ପିଡ୍ ରେଳ ପ୍ରକଳ୍ପରେ କାମ ଚାଲିଛି। କାମ ସମୟରେ, ଏକ କ୍ରେନ୍ ଟ୍ରେନ୍ ବଗି ଉପରେ ପଡ଼ିଗଲା। କ୍ରେନ୍ ଖସି ପଡ଼ିବା ସମୟରେ ଟ୍ରେନ୍ ସେହି ବାଟ ଦେଇ ଯାଉଥିଲା। ଫଳରେ ଟ୍ରେନ୍ ଲାଇନଚ୍ୟୁତ ହୋଇ କିଛି ସମୟ ପାଇଁ ନିଆଁ ଲାଗିଗଲା। ପୋଲିସ କହିଛି ଯେ ନିଆଁ ଲିଭାଇ ଦିଆଯାଇଛି ଏବଂ ଉଦ୍ଧାର କାର୍ଯ୍ୟ ଜାରି ରହିଛି। ତେବେ ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା କରାଯାଉଛି ।
କ୍ରେନ୍ ଏବଂ ଟ୍ରେନ୍ ମଧ୍ୟରେ ଜୋରଦାର ଧକ୍କା
କ୍ରେନ୍ ଏବଂ ଟ୍ରେନ୍ ମଧ୍ୟରେ ଏତେ ଜୋରସେ ଧକ୍କା ହୋଇଥିଲା ଯେ, ଟ୍ରେନ୍ର ଇପର ଛାତ ଭାଙ୍ଗିଗଲା, ଝରକା ଭାଙ୍ଗିଗଲା ଏବଂ ମେଟାଲ ଢାଞ୍ଚା ବି ବେଣ୍ଡ ହୋଇଗଲା। ଅନେକ ଯାତ୍ରୀ ଭଗ୍ନାବଶେଷରେ ଫସି ରହିଥିବା ସୂଚନା ମିଳିଛି। ଫସି ରହିଥିବା ଯାତ୍ରୀମାନଙ୍କୁ ଉଦ୍ଧାର କରିବା ପାଇଁ ଡାକ୍ତରୀ ଦଳ ଏବଂ ଉଦ୍ଧାର କର୍ମୀମାନେ ଭାରୀ ଉପକରଣ ବ୍ୟବହାର କରୁଛନ୍ତି।