Cancer Alert: ଆପଣ ବି ସବୁଦିନ କରୁଛନ୍ତି କି ଏହି ଭୁଲ? ହୋଇପାରେ କ୍ୟାନ୍ସର; ବିଶେଷଜ୍ଞ କଲେ ଆଲର୍ଟ
ଆପଣଙ୍କର ଏହି 5ଟି ଅଭ୍ୟାସ ବଢାଇପାରେ କ୍ୟାନ୍ସରର ବିପଦ । ବିଶେଷଜ୍ଞ କଲେ ଆଲର୍ଟ
World Cancer Day: ପ୍ରତିବର୍ଷ ଫେବୃଆରୀ 4 ତାରିଖରେ ବିଶ୍ୱ କର୍କଟ ଦିବସ(World Cancer Day) ପାଳନ କରାଯାଏ। ଏହାର ଉଦ୍ଦେଶ୍ୟ ହେଉଛି କର୍କଟ ରୋଗର କାରଣ, ନିବାରଣ ଏବଂ ସମୟୋଚିତ ଚିକିତ୍ସା ବିଷୟରେ ସଚେତନତା ସୃଷ୍ଟି କରିବା। ଗତ କିଛି ବର୍ଷ ଧରି ଭାରତ ସମେତ ସାରା ବିଶ୍ୱରେ କର୍କଟ ରୋଗ ବୃଦ୍ଧି ପାଉଛି। ଖରାପ ଖାଦ୍ୟପେୟ ଏବଂ ଖରାପ ଜୀବନଶୈଳୀ ଏହାର ମୁଖ୍ୟ କାରଣ ପାଲଟିଛି। ବିଶେଷଜ୍ଞମାନେ କୁହନ୍ତି ଯେ କିଛି ଦୈନନ୍ଦିନ ଅଭ୍ୟାସ ମଧ୍ୟ ଧୀରେ ଧୀରେ କର୍କଟ ରୋଗର ବିପଦକୁ ବୃଦ୍ଧି କରିଥାଏ।
କ’ଣ ସତରେ ଆମର ଦୈନନ୍ଦିନ ଅଭ୍ୟାସ କର୍କଟ ରୋଗର ବିପଦକୁ ବୃଦ୍ଧି କରେ? ମ୍ୟାକ୍ସ ହସ୍ପିଟାଲର ଅଙ୍କୋଲୋଜିଷ୍ଟ ଡାକ୍ତର ରୋହିତ କପୁର ଏହା ବ୍ୟାଖ୍ୟା କରିଛନ୍ତି।
1- ଜଙ୍କ ଫୁଡ୍ ଏବଂ ପ୍ରୋସେସ୍ଡ ଖାଦ୍ୟ
ବାରମ୍ବାର ଜଙ୍କ ଫୁଡ୍ ଖାଇବା ଶରୀର ପାଇଁ ହାନିକାରକ। ଏଥିରେ ଥିବା ଟ୍ରାନ୍ସ ଫ୍ୟାଟ୍ ଶରୀର ଫୁଲିବା ଓ ହର୍ମୋନାଲ୍ ଅସନ୍ତୁଳନ ସୃଷ୍ଟି କରିଥାଏ, ଯାହା ଅନ୍ତନଳୀ ଓ ପେଟ କ୍ୟାନ୍ସରର ଆଶଙ୍କାକୁ ବଢାଇଥାଏ ।
ବ୍ୟାୟାମର ଅଭାବ
ଡାକ୍ତରମାନେ ପରାମର୍ଶ ଦିଅନ୍ତି ଯେ ବ୍ୟାୟାମ ବହୁତ ଗୁରୁତ୍ୱପୂର୍ଣ୍ଣ। କିନ୍ତୁ ଯଦି ଆପଣ ସପ୍ତାହରେ ତିନିରୁ ଚାରି ଦିନ ମଧ୍ୟ ବ୍ୟାୟାମ କରିପାରୁନାହାଁନ୍ତି, ତେବେ ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ଭଲ ନୁହେଁ। ବ୍ୟାୟାମର ଅଭାବ ଏବଂ ମେଦବହୁଳତା ଉଭୟ କର୍କଟ ରୋଗର ସାଇଲେଣ୍ଟ ଟ୍ରିଗର। ଶାରୀରିକ କାର୍ଯ୍ୟକଳାପର ଅଭାବ ଶରୀରର ମେଟାବୋଲିଜିମକୁ ଧୀର କରିଦିଏ।
ଅତ୍ୟଧିକ ମଦ୍ୟପାନ
ଡାକ୍ତରମାନେ କୁହନ୍ତି ଯେ, ଆପଣ ମଦ କମ ପରିମାଣରେ ପିଅନ୍ତୁ କିମ୍ବା ଅଧିକ ମାତ୍ରାରେ, ଏହା ଆପଣଙ୍କ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ଯେମିତିହେଲେ ପକାଇବ। ଏହା ଲିଭର କ୍ୟାନ୍ସରର ବିପଦକୁ ବୃଦ୍ଧି କରେ। ଯଦି ଆପଣ ମଦ୍ୟପାନ କରନ୍ତି, ତେବେ ଛାଡ଼ିବାକୁ ଚେଷ୍ଟା କରନ୍ତୁ।
ନିଦ୍ରା ଅଭାବ
ନିଦ୍ରା ଅଭାବକୁ ମଧ୍ୟ କର୍କଟ ରୋଗର ରିସ୍କ ଫ୍ୟାଟର ଭାବରେ ବିବେଚନା କରାଯାଏ। ନିଦ୍ରା ଅଭାବ ଶରୀରର ସେଲ ରିପେୟାର ପ୍ରକ୍ରିୟାକୁ ପ୍ରଭାବିତ କରେ, ଯାହା ପରେ ରୋଗ ପ୍ରତିରୋଧକ ଶକ୍ତିକୁ ପ୍ରଭାବିତ କରେ। ଏକ ଦୁର୍ବଳ ପ୍ରତିରୋଧକ ଶକ୍ତି କର୍କଟ ରୋଗର ଆଶଙ୍କା ବୃଦ୍ଧି କରେ।
କର୍କଟ ରୋଗକୁ କିପରି ରୋକାଯିବ
କର୍କଟ ରୋଗକୁ ରୋକିବା ପାଇଁ ଜୀବନଶୈଳୀରେ ଛୋଟ ପରିବର୍ତ୍ତନ କରନ୍ତୁ।
1- ଅତି କମରେ 7 ଘଣ୍ଟା ଶାନ୍ତିରେ ସୁଅନ୍ତୁ।
2- ମାସରେ ଥରେ କିମ୍ବା ଦୁଇଥରରୁ ଅଧିକ ଫାଷ୍ଟ ଫୁଡ୍ ଖାଆନ୍ତୁ ନାହିଁ।
3- ପ୍ରତିଦିନ ବ୍ୟାୟାମ କରନ୍ତୁ।