ଉଦଯାପିତ ହେଲା ଟୋକିଓ-୨୦୨୦; ତିରଙ୍ଗା ଧରିଲେ ବଜରଙ୍ଗ ପୁନିଆ
ନୂଆଦିଲ୍ଲୀ: ଦୀର୍ଘ ୧୬ ଦିନ ଧରି ଆୟୋଜିତ ହେବା ପରେ ସମାପିତ ହୋଇଛି ଟୋକିଓ ୨୦୨୦ । କରୋନା କାରଣରୁ ଏକ ବର୍ଷ ବିଳମ୍ବରେ ହୋଇଥିବା ଏହି ଅଲିମ୍ପିକ୍ସରେ ସମଗ୍ର ବିଶ୍ୱର ୧୧ ହଜାର କ୍ରୀଡାବିତ ଅଂଶଗ୍ରହଣ କରିଥିଲେ । ଏହି କ୍ରୀଡାବିତଙ୍କ ମଧ୍ୟରୁ କିଛି ପଦକ ସହିତ ଫେରିଥିବା ବେଳେ କିଛି କ୍ରୀଡାବିତ ଜୀବନବ୍ୟାପୀ ଅଭିଜ୍ଞତା ସହିତ ଫେରିଛନ୍ତି । ଏପରି ପରସ୍ଥିତିରେ ଟୋକିଓ ସ୍ଥିତ ଅଲିମ୍ପିକ ଭିଲେଜରେ ଅନୁଷ୍ଠିତ ହୋଇଛି ଉଦଯାପନୀ ସମାରୋହ । ପୂର୍ବ ସଂସ୍କରଣ ଗୁଡିକ ଭଳି ଦର୍ଶକ ମହଜୁଦ ନଥିବାରୁ କେବଳ ଖେଳାଳିଙ୍କୁ ନେଇ ଉଦଯାପିତ ହୋଇଛି ଟୋକିଓ ୨୦୨୦ ।
यह ओलंपिक खेल दूसरों से बिल्कुल अलग रहा। महामारी के इस दौर के बीच हमने जो महसूस किया वो शायद ही हमने पहले कभी किया था।
लेकिन हमने साथ में मिलकर इसे साकार कर दिखाया।
(1/2) pic.twitter.com/MPnXFOlsx5
— #Tokyo2020 for India (@Tokyo2020hi) August 8, 2021
ଉଦଯାପନୀ ଉତ୍ସବରେ ଭାରତୀୟ ତିରଙ୍ଗାର ଧ୍ୱଜାବହକ ସାଜିଛନ୍ତି ରେସଲର ବଜରଙ୍ଗ ପୁନିଆ । ୬୫ କିଗ୍ରା ଫ୍ରିଷ୍ଟାଇଲ କୁସ୍ତିରେ ବ୍ରୋଞ୍ଜ ପଦକ ବିଜେତା ବଜରଙ୍ଗ ଭାରତୀୟ ତ୍ରିରଙ୍ଗା ଧରିଥିଲେ । ଚଳିତ ଅଲିମ୍ପିକ୍ସରେ ୭ଟି ପଦକ ସହିତ ଭାରତ ୪୮ ତମ ସ୍ଥାନରେ ନିଜର ଅଭିଯାନ ଶେଷ କରିଛି । ଯୁକ୍ତରାଷ୍ଟ୍ର ଆମେରିକା ୩୯ ସ୍ଵର୍ଣ୍ଣ, ୪୧ ରୌପ୍ୟ ଓ ୩୩ କାଂସ୍ୟ ସହ ମୋଟ୍ ୧୧୩ ପଦକ ସହ ତାଲିକାର ଶୀର୍ଷରେ ରହିଥିବା ବେଳେ ୩୮ ସ୍ଵର୍ଣ୍ଣ, ୩୨ ରୌପ୍ୟ ଓ ୧୮ କାଂସ୍ୟ ସହିତ ୮୮ ପଦକ ସହ ଦ୍ଵିତୀୟ ସ୍ଥାନରେ ରହିଛି ଚୀନ । ଆୟୋଜକ ଜାପାନ ୨୭ ସ୍ଵର୍ଣ୍ଣ, ୧୪ ରୌପ୍ୟ ଓ ୧୭ କାଂସ୍ୟ ସହିତ ମୋଟ୍ ୫୮ ପଦକ ସହ ତୃତୀୟ ସ୍ଥାନରେ ରହିଛି।ଉଲ୍ଲେଖଯୋଗ୍ୟ ଯେ, ଉଦଘାଟନୀ ଉତ୍ସବରେ ମନପ୍ରୀତ ସିଂ ଓ ଏମ୍ ସି ମେରୀକମ୍ ତ୍ରିରଙ୍ଗା ଧରିବାର ସୌଭାଗ୍ୟ ହାସଲ କରିଥିଲେ ।
