ଓଡିଶାର ଏହି ଗାଁମ ଏକଦା ଥିଲା କ୍ରିକେଟରଙ୍କ ଗଡ଼, କିନ୍ତୁ ୨୦୦୪ରେ ଘଟିଲା ଏପରି ଦୁର୍ଘଟଣା, ବଦଳିଗଲା ପୁରା ଇତିହାସ

IND vs SA: ଭାରତ-ଦକ୍ଷିଣ ଆଫ୍ରିକା ଟି-୨୦ ମ୍ୟାଚ୍ ପାଇଁ ଓଡ଼ିଶାର କଟକର ବାରବାଟୀ ଷ୍ଟାଡିୟମ୍ ଏବେ ଉଠୁଛି ପଡ଼ୁଛି । ବର୍ତ୍ତମାନ ଷ୍ଟାଡିୟମ ଗେଟ୍ ଖୋଲା ଯାଇଥିବା ବେଳେ ସେଠାରେ ଖଚାଖଚ ଭିଡ଼ ଦେଖିବାକୁ ମିଳିଛି । ଲୋକେ ମ୍ୟାଚ ଦେଖିବା ପାଇଁ ଉତ୍ସାହର ସହ ଅପେକ୍ଷା କରି ରହିଛନ୍ତି । କିନ୍ତୁ କଟକ ବାରବାଟୀ ଷ୍ଟାଡ଼ିୟମ ଠାରୁ ମାତ୍ର ୪୦ କିଲୋମିଟର ଦୂରରେ, ଏପରି ଏକ ଗାଁ ଅଛି ଯେଉଁଠାରେ କ୍ରିକେଟ୍ ସମ୍ପୁର୍ଣ୍ଣ ବ୍ୟାନ ହୋଇଛି ।

ଜଗତସିଂହପୁର ଜିଲ୍ଲାର ନୂଆଗଡ଼ ଗାଁକୁ ଥରେ କ୍ରିକେଟ୍ ହବ୍ ଭାବରେ ବିବେଚନା କରାଯାଉଥିଲା। କିନ୍ତୁ ଗତ ୨୧ ବର୍ଷ ଧରି ସେହି ଗାଁର ଲୋକମାନେ ବ୍ୟାଟ୍ କିମ୍ବା ବଲ୍ ଛୁଇଁବାକୁ ମଧ୍ୟ ଭୟ କରୁଛନ୍ତି । ଆଉ ଏହା ପଛର କାରଣ ହେଉଛି ୧ ମାର୍ଚ୍ଚ, ୨୦୦୪ ର ସେହି କଳା ଦିନ । ଯିଏ ସମଗ୍ର ଗାଁର ସମ୍ପୂର୍ଣ୍ଣ କ୍ରିକେଟ୍ ଦଳକୁ ଛଡେଇ ନେଇଥିଲା ।

କ’ଣ ଘଟିଥିଲା: ୨୦୦୪ ମସିହାର ସେହି ଦୁଃଖଦ ଘଟଣା ଯାହା ପୁରା ଗାଁର ଇତିହାସ ବଦଳାଇ ଦେଇଥିଲା । ଉତ୍କଳମଣି କ୍ରିକେଟ୍ କ୍ଲବର ଏକ ଦଳ ନୂଆଗଡ଼ର ତେର ଜଣ ଯୁବ ଖେଳାଳି ଏକ ସ୍ଥାନୀୟ ଟୁର୍ଣ୍ଣାମେଣ୍ଟର ଫାଇନାଲ୍ ଖେଳିବା ପାଇଁ ମହାକାଳପଡ଼ାକୁ ଯାତ୍ରା କରୁଥିଲେ। ରାସ୍ତାଟି ପାଣିରେ ସମ୍ପୁର୍ଣ୍ଣ ବୁଡ଼ି ଯାଇଥିଲା।

ମହାନଦୀର ବାହକୁଡା ଘାଟରେ ଡଙ୍ଗାଟି ଓଲଟି ପଡ଼ିଥିଲା ​​ଏବଂ ସମସ୍ତ ୧୩ ଜଣ ଖେଳାଳି ବୁଡ଼ି ଯାଇଥିଲେ । ଏହି ଭୟଙ୍କର ଘଟଣା ପରେ ଗାଁ ଲୋକେ ମିଳିତ ଭାବରେ ସେଠାରେ ଆଉ କ୍ରିକେଟ୍ ନ ଖେଳିବାକୁ ନିଷ୍ପତ୍ତି ନେଇଥିଲେ। କୌଣସି ମ୍ୟାଚ୍ ନାହିଁ, କୌଣସି ଟୁର୍ଣ୍ଣାମେଣ୍ଟ ନାହିଁ, କୌଣସି ଉତ୍ସବ ନାହିଁ… କେବଳ ନୀରବତାର ନାରା ଦେଇ ଆଜି ପର୍ଯ୍ୟନ୍ତ ରହି ଆସିଛନ୍ତି ।

ସ୍ମାରକୀ ମନେପକାଇଦିଏ: ଘଟଣାର ତିନି ବର୍ଷ ପରେ ୨୦୦୭ ମସିହାରେ ଗାଁ ଲୋକେ ଏକ ସ୍ମାରକୀ ନିର୍ମାଣ କରିବା ପାଇଁ ଏକାଠି ହୋଇଥିଲେ। ଗାଁର ମଧ୍ୟଭାଗରେ ସମସ୍ତ ୧୩ ଜଣ ଖେଳାଳିଙ୍କ ନାମ ଖୋଦିତ ଏକ ଟାୱାର ଠିଆ ହୋଇଛି । ଏହି ସ୍ମାରକୀ ପ୍ରତ୍ୟକଦିନ କ୍ରିକେଟ୍ ସେମାନଙ୍କଠାରୁ କ’ଣ ଛଡ଼େଇ ନେଇଛି ତାହା ଜଣେଇଦିଏ ।

ବିଧବାମାନଙ୍କ ଯନ୍ତ୍ରଣା: ଯେଉଁ ଘରେ ଛୋଟ ପୁଅ ଏବଂ ସ୍ୱାମୀ ଏକାଠି ହଜି ଯାଇଥିଲେ, ସେହି ଘରେ ଯନ୍ତ୍ରଣା ସବୁଠାରୁ ଅଧିକ। ସେହି ଗାଁର ବିଶ୍ୱଜିତ ରାୟଙ୍କ ପତ୍ନୀ ରୋଜାଲିନୀ ଏବେ ବି ସେହି ଦିନକୁ ଭୁଲି ପାରିବେ ନାହିଁ। ସେ କହିଛନ୍ତି, “ଆମର ବିବାହକୁ ମାତ୍ର କିଛି ମାସ ହୋଇଥିଲା। ମୋ ସ୍ୱାମୀ ଜଣେ ଭଲ କ୍ରକେଟ୍ ଖେଳାଳି ଥିଲେ । କ୍ରିକେଟ୍ ପ୍ରତି ତାଙ୍କର ଅଧିକ ପ୍ରେମ ତାଙ୍କ ଜୀବନ ନେଇଗଲା।”