ଏକନାଥ ସିନ୍ଦେଙ୍କ ବିରୋଧରେ ପୁଣି ସୁପ୍ରିମକୋର୍ଟରେ ଟିମ୍ ଉଦ୍ଧବ
ନୁଆଦିଲ୍ଲୀ(ଓଡ଼ିଶା ଭାସ୍କର): ମହାରାଷ୍ଟ୍ରରେ ରାଜନୈତିକ ଡ୍ରାମା ବନ୍ଦ ହେବାର ନାଁ ନେଉନାହିଁ। ଆଜି ବିଦ୍ରୋହୀ ବିଧାୟକଙ୍କ ବିରୋଧରେ ଶିବସେନା ସୁପ୍ରିମକୋର୍ଟ ପହଞ୍ଚିଛି। ୧୬ ବିଦ୍ରୋହୀ ବିଧାୟକଙ୍କୁ ସସ୍ପେଣ୍ଡ କରିବାକୁ ଉଦ୍ଧବଙ୍କ ଗୋଷ୍ଠି ସୁପ୍ରିମକୋର୍ଟଙ୍କ ପାଖରେ ଏକ ସାନି ଆବେଦନ କରିଥିଲେ। ଏହି ୧୬ ବିଧାୟକଙ୍କ ମଧ୍ୟରେ ଏକନାଥ ସିନ୍ଦେଙ୍କ ନାମ ମଧ୍ୟ ସାମିଲ ଅଛି।
ତେବେ ବର୍ତ୍ତମାନ ଏହା ବିଷୟରେ ଶୁଣାଣି କରିବାକୁ ମନା କରି ଦେଇଛନ୍ତି ସୁପ୍ରିମକୋର୍ଟ। କୋର୍ଟ କହିଛନ୍ତି ଯେ ଏହି ବିଷୟରେ ଜୁଲଇ ୧୧ରେ ଶୁଣାଣି ହେବ। ସେହି ସମୟରେ ମହାରାଷ୍ଟ୍ର ସମ୍ବନ୍ଧିତ ଅନ୍ୟ ବିଷୟ ଉପରେ ମଧ୍ୟ ଶୁଣାଣି ହେବ। ଶିବସେନାର ମୁଖ୍ୟ ସଚେତକ ସୁନିଲ ପ୍ରଭୁ ଏହି ମାମଲା ଦାୟର କରିଥିଲେ।
ଶିବସେନାର ଆବେଦନରେ ଦର୍ଶାଯାଇଛି ଯେ ଏକନାଥ ସିନ୍ଦେଙ୍କ ସମେତ ୧୬ ଜଣ ବିଧାୟକଙ୍କୁ ଉପବାଚସ୍ପତି ଅଯୋଗ୍ୟ ଘୋଷଣା କରିଥିଲେ। ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ। ଏପରି ପରିସ୍ଥିତିରେ, କୌଣସି ନିଷ୍ପତ୍ତି ନିଆଯିବା ପୂର୍ବରୁ ଏହି ବିଧାୟକମାନେ ବିଧାନସଭାରେ ପ୍ରବେଶ କରିବା ଉଚିତ୍ ନୁହେଁ। ଏହା ବ୍ୟତୀତ ବିଧାୟକ ଭାବରେ ସଂଖ୍ୟାଗରିଷ୍ଠତା ପରୀକ୍ଷାରେ ଭୋଟ୍ ଦେବାର ସେମାନଙ୍କର ଅଧିକାର ନାହିଁ। ସମାନ ତର୍କ ସହିତ ସୁନୀଲ ପ୍ରଭାସ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ମହାରାଷ୍ଟ୍ର ବିଧାନସଭାରେ ସଂଖ୍ୟାଗରିଷ୍ଠତା ଉପରେ ନିଷେଧାଦେଶ ରହିବା ଉଚିତ୍।
