ମାଂସ ଖାଅନି; କଡ଼ରେ ଲାଗିଥିବା ମସଲା ଖାଅ… ଭେଜିଟେରିଆନ ଡାକ୍ତରଙ୍କୁ  ଜବରଦସ୍ତ ମାଂସ ଖୁଆଇଲେ ପ୍ଲେନ୍ କର୍ତ୍ତୃପକ୍ଷ, ଚାଲିଗଲା ଜୀବନ 

ନୂଆଦିଲ୍ଲୀ: କତାର ଏୟାର ୱେ’ରେ ଚାଲିଗଲା ଜଣେ ଡାକ୍ତରଙ୍କ ଜୀବନ । ଯାହାକୁ ନେଇ ଏବେ ଚାରିଆଡ଼େ ଚର୍ଚ୍ଚା ।  ୮୫ ବର୍ଷୀୟ  ଅବସରପ୍ରାପ୍ତ ହୃଦରୋଗ ବିଶେଷଜ୍ଞଙ୍କର ହାର୍ଟଚୋକରେ ଘଟିଛି ମୃତ୍ୟୁ ।

ଡା. ଅଶୋକ ଜୟୱିରା ନିଜ ୧୫.୫ ଘଣ୍ଟା ବିମାନ ଯାତ୍ରା  କରୁଥିବାବେଳେ  ସାଦା ଖାଦ୍ୟ ଅର୍ଡର କରିଥିଲେ ।  ଅଶୋକ ଲସ୍ ଆଞ୍ଜେଲ୍ସରୁ  କଲୋମ୍ବୋକୁ ଯାଉଥିଲେ ।  କିନ୍ତୁ ବିମାନରେ ତାଙ୍କୁ ନନଭେଜ୍ ଖାନ୍ୟ ମିଳିଥିଲା । କ୍ରିୟୁ ମଧ୍ୟ ତାଙ୍କୁ ବାଧ୍ୟ କରିଥିଲେ ସେ ଖାଦ୍ୟ ଖାଇବା ପାଇଁ ।

ଫ୍ଲାଇଟ୍ ଆଟେଣ୍ଡାଣ୍ଟ ତାଙ୍କୁ କହିଥିଲେ ମାଂସକୁ ଛାଡ଼ି ତା’ କଡ଼ରେ ଲାଗିଥିବା ଖାଦ୍ୟକୁ ଖାଇଦିଅ । ଯେତେବେଳେ ଅଶୋକ  ଅମୀଷ ଖାଇବାକୁ ଚେଷ୍ଟା କଲେ ଠିକ୍ ସେତିକି ବେଳେ ସେ ହଠାତ୍ ଅସୁସ୍ଥ ହୋଇପଡ଼ିଥିଲେ ।

ଏହାପରେ  ବିମାନକୁ ସ୍କଟଲାଣ୍ଡ ଇଡେନବର୍ଗକୁ ଡାଇଭର୍ଟ କରାଯାଇଥିଲା । ସେଠାରେ ଚିକିତ୍ସା ପରେ ଅଗଷ୍ଟ ୩ ତାରିଖରେ ତାଙ୍କ ମୃତ୍ୟୁ ହୋଇଗଲା । ଫୁସଫୁସରେ ଖାଦ୍ୟ ଫସିବା ଯୋଗୁଁ ତାଙ୍କର ଏ ପ୍ରକାର ଅବସ୍ଥା ହୋଇଥିବା ପରେ ଜଣାପଡ଼ିଛି ।

ଅଶୋକଙ୍କ ପରିବାର ଲୋକ ଏ ନେଇ  କତାର ଏୟାର ୱେ’ ବିରୋଧରେ  ନୋଟିସ୍ ଜାରି କରିଛନ୍ତି । ଯେଉଁଥିରେ ସେ ୧୨୮,୮୨୧ ଡଲାର ଦାବି କରିଛନ୍ତି । ଏଥିସହ ଏୟାର ୱେ’ କାର୍ଯ୍ୟ ଦକ୍ଷତା ଉପରେ ପ୍ରଶ୍ନ ଉଠାଇଛନ୍ତି ।