ଦିଅନ୍ତୁ ମାତ୍ର ୧ ଟଙ୍କା ଏବଂ ନେଇଯାଆନ୍ତୁ iPhone 13, ଇଣ୍ଟରନେଟରେ ନିଆଁ ପରି ଭାଇରାଲ୍ ହେଉଛି ଭିଡ଼ିଓ, ଦେଖନ୍ତୁ..
ଦିଅନ୍ତୁ ମାତ୍ର ୧ ଟଙ୍କା ଏବଂ ନେଇଯାଆନ୍ତୁ iPhone 13
Viral Video: ଉତ୍ତର ପ୍ରଦେଶର ମେରଠରେ ଜଣେ ମୋବାଇଲ ଫୋନ୍ ଦୋକାନିଙ୍କ ଦାବି ସୋସିଆଲ ମିଡିଆରେ ଏବେ ଖୁବ୍ ଭାଇରାଲ୍ ହେବାରେ ଲାଗିଛି। ଭାଇରାଲ ଭିଡିଓରେ, ଦୋକାନ ମାଲିକ ଗ୍ରାହକ ମାନଙ୍କୁ ଅଫର୍ ଦେଉଛନ୍ତି ଯେ, “ମାତ୍ର ୧ ଟଙ୍କାରେ ନେଇଯାଆନ୍ତୁ iPhone ୧୩!” । ତେବେ ଏହି ଭାଇରାଲ୍ ଭିଡି଼ଓ କେତେ ପରିମାଣରେ ସତ୍ୟ ସେ ବିଷୟରେ ଆସନ୍ତୁ ଜାଣିବା…
ଇନଷ୍ଟାଗ୍ରାମରେ ଭାଇରାଲ ହେଉଥିବା ଏହି ଭିଡିଓରେ ଦୋକାନୀ ସ୍ପଷ୍ଟ କରି କହିଛନ୍ତି ଯେ, iPhone ୧୩ ନେବା ପାଇଁ ଆପଣଙ୍କୁ ମାତ୍ର ଏକ ଟଙ୍କା ଦେବାକୁ ପଡ଼ିବ । କିନ୍ତୁ ଏଥିପାଇଁ ଏକ ସର୍ତ୍ତ ମଧ୍ୟ ଅଛି । iPhone ୧୩ ପାଇଁ ଆପଣଙ୍କ ପାଖେ ୧୯୮୨ ମସିହାର ୧ ଟଙ୍କିଆ ମୁଦ୍ରା ଥିବା ଜରୁରୀ । ସେହିପରି Pova Slim ଫୋନ ପାଇଁ, ଆପଣଙ୍କୁ ୧୯୭୦ ମସିହାର ୧ ଟଙ୍କିଆ ମୁଦ୍ରା ଦେବା ଜରୁରୀ ।
ଦୋକାନୀ ଜଣକ ଦାବି କରିଛନ୍ତି ଯେ, ଯଦି ଆପଣ ଏହି ସ୍ୱତନ୍ତ୍ର ମୁଦ୍ରାଗୁଡ଼ିକୁ ମେରଠର ରୋହଟା ରୋଡ୍ ବାଇପାସରେ ଅବସ୍ଥିତ ତାଙ୍କ ଦୋକାନ ‘ଦି ମୋବାଇଲ୍ ଗ୍ୟାଲେରୀ’କୁ ଆଣନ୍ତି, ତେବେ ସେ ଆପଣଙ୍କୁ କୌଣସି ଅତିରିକ୍ତ ଦେୟ ବିନା ଏକ ନୂତନ ଫୋନ୍ ଦେବେ। ସେ ଏହା ମଧ୍ୟ ଦାବି କରିଛନ୍ତି ଯେ, ଏହି ଅଫର୍ ଭାରତର ଯେକୌଣସି ସ୍ଥାନରେ ରହୁଥିବା ଯେକୌଣସି ବ୍ୟକ୍ତିଙ୍କ ପାଇଁ ବୈଧ। ଆପଣଙ୍କୁ କେବଳ ଏହି ଦୁଇଟି ମୁଦ୍ରା ଦେବାକୁ ପଡିବ।
View this post on Instagram
ଜାନୁଆରୀ ୭ ତାରିଖରେ ଅପଲୋଡ୍ ହୋଇଥିବା ଏହି ଭିଡିଓଟି ଇଣ୍ଟରନେଟରେ ହଇଚଇ ସୃଷ୍ଟି କରିଛି। ଭିଡିଓଟି ୪୨ ମିଲିୟନରୁ ଅଧିକ ଭ୍ୟୁ ଏବଂ ୭.୬ ଲକ୍ଷ ଲାଇକ୍ ପାଇଛି। ଏହା ବ୍ୟତୀତ, ୪୦,୦୦୦ ରୁ ଅଧିକ ଲୋକ କମେଣ୍ଟ ଦେଇଛନ୍ତି ଏବଂ ଏହି ସଂଖ୍ୟା ନିରନ୍ତର ବୃଦ୍ଧି ପାଉଛି।
ଭିଡିଓର କମେଣ୍ଟ ବିଭାଗ ମିମ୍ ଏବଂ ପ୍ରଶ୍ନରେ ଭରପୂର । ଜଣେ ବ୍ୟବହାରକାରୀ କମେଣ୍ଟ ଦେଇଛନ୍ତି ଯେ, “ଭାଇ, ମୋ ପାଖରେ ଗୋଟିଏ ମୁଦ୍ରା ଅଛି। ମୁଁ କ’ଣ ଡେଲିଭରିରେ କ୍ୟାସ୍ ପାଇପାରିବି?” ସେହିପରି ଆଉ ଜଣେ ଲେଖିଛନ୍ତି, “ଦେଖାଯାଉଛି ଯେ ଭାଇ ଏହା ସହ ରାଜି ହୋଇନାହାଁନ୍ତି, ତେଣୁ ସେ ସମ୍ପୂର୍ଣ୍ଣ ଦୋକାନ ଲୁଟିବାକୁ ଲାଗିଛନ୍ତି।”