Video: ଋଷ ପ୍ରତିନିଧିଙ୍କ ଉପରେ ୟୁକ୍ରେନ ସାଂସଦଙ୍କ ଆକ୍ରମଣ: ମାରିଲେ ଜବରଦସ୍ତ ମୁଥା, ପୁଣି ବଢ଼ିଲା ବିବାଦ
ନୂଆଦିଲ୍ଲୀ: ଋଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଥମିବାର ନାଁ ନେଉ ନାହିଁ। ଏହାରି ମଧ୍ୟରେ ସୋସିଆଲ ମିଡିଆରେ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ତୁର୍କୀର ରାଜଧାନୀ ଆଙ୍କାରରେ ଏକ ଆଲୋଚନାଚକ୍ରରେ ୟୁକ୍ରେନ ସାଂସଦ ଓଲେକ୍ସଚନ୍ଦ୍ର ମାରିକୋଭସ୍କି ଜଣେ ଋଷ ପ୍ରତିନିଧୀଙ୍କ ଉପରେ ଆକ୍ରମଣ କରୁଥିବା ଦେଖିବାକୁ ମିଳୁଛି। ଗୁରୁବାର ଦିନ ‘ବ୍ଲାକ ସି’ ଅର୍ଥନୈତିକ ସହଯୋଗ (PABSEC) ର ୬୧ତମ ସାଧାରଣ ସଭାରେ ଏହି ଘଟଣା ଘଟିଥିଲା।
ଏହି ବୈଠକରେ ଆର୍ଥିକ, ବୈଷୟିକ ଏବଂ ସାମାଜିକ ଦିଗରେ ବହୁପକ୍ଷୀୟ ଏବଂ ଦ୍ୱିପାକ୍ଷିକ ସମ୍ପର୍କର ବିକାଶ ପାଇଁ ଉପାୟ ବିଷୟରେ ଆଲୋଚନା କରିବାକୁ ଏଠାରେ ଏହି ସମସ୍ତ ପ୍ରତିନିଧୀ ଏକତ୍ରିତ ହୋଇଥିଲେ। ଏହି ଭିଡିଓ ଟ୍ୱିଟରରେ କାଇଭ ପୋଷ୍ଟର ଜଣେ ସମ୍ବାଦଦାତା ଜେସନ ଜେ ସ୍ମାର୍ଟ ସେୟାର କରିଛନ୍ତି। ଏହି ଭିଡିଓରେ ଦେଖିବାକୁ ମିଳିଥିଲା ଯେ, ଇଭେଣ୍ଟରେ ଋଷ ପ୍ରତିନିଧୀ ଜଣକ ସାଂସଦ ମାରିକୋଭସ୍କିଙ୍କ ହାତରୁ ୟୁକ୍ରେନ ପତାକା ଛଡ଼ାଇ ନେଇଥିଲେ।”
ଏହାପରେ ତୁରନ୍ତ ପ୍ରତିକ୍ରିୟା ସହିତ ମାରିକୋଭସ୍କି ନିଜ ଦେଶର ପତାକା ଉଦ୍ଧାର କରିବା ପାଇଁ ଋଷ ପ୍ରତିନିଧୀଙ୍କ ଉପରେ ଆକ୍ରମଣ କରି ପକାଇଥିଲେ। ଏହି ସମୟରେ ପରିବେଶ ଟିକିଏ ଗରମ ହୋଇଯାଇଥିଲା କିନ୍ତୁ ସେଠାରେ ଥିବା ସୁରକ୍ଷା କର୍ମୀ ଦୁଇଜଣଙ୍କୁ ଅଲଗା କରି ଦେଇଥିଲେ ଏବଂ ଉଭୟ ପକ୍ଷଙ୍କୁ ଝଗଡ଼ା ନକରିବାକୁ ଅନୁରୋଧ କରୁଥିବା ଦେଖିବାକୁ ମିଳିଥିଲା।
🥊 In Ankara 🇹🇷, during the events of the Parliamentary Assembly of the Black Sea Economic Community, the representative of Russia 🇷🇺 tore the flag of Ukraine 🇺🇦 from the hands of a 🇺🇦 Member of Parliament.
The 🇺🇦 MP then punched the Russian in the face. pic.twitter.com/zUM8oK4IyN
— Jason Jay Smart (@officejjsmart) May 4, 2023
ତେବେ ଏହି ଘଟଣା ଋଷ ଏବଂ ୟୁକ୍ରେନ ମଧ୍ୟରେ ତିକ୍ତତାକୁ ବଢ଼ାଇ ଦେଇଛି। ଏକ ବର୍ଷରୁ ଅଧିକ ସମୟ ପରେ ମଧ୍ୟ ଋଷ ଏବଂ ୟୁକ୍ରେନ ମଧ୍ୟରେ ଅସ୍ତ୍ରବିରତି ଉଲ୍ଲଂଘନ ହେବାର କୌଣସି ବାଟ ଦିଶୁନାହିଁ। ପୁଟିନଙ୍କ ନେତୃତ୍ୱରେ ରୁଷର ସୈନ୍ୟମାନେ ପୂର୍ବ ୟୁକ୍ରେନ ଉପରେ ଆକ୍ରମଣକୁ ଆହୁରି ତ୍ୱରାନ୍ୱିତ କରିଛନ୍ତି।
ନିକଟରେ କ୍ରେମଲିନ୍ ଉପରେ ହୋଇଥିବା ଡ୍ରୋନ୍ ଆକ୍ରମଣକୁ ନେଇ ଋଷ ଘାଇଲା ବାଘ ପରି ହେଉଛି। ଏଥିପାଇଁ ସେ ଆମେରିକାକୁ ଦାୟୀ କରିଛନ୍ତି। ତେବେ ୱାଶିଂଟନ୍ ଏହି ଅଭିଯୋଗକୁ ଅସ୍ୱୀକାର କରି କହିଛି ଯେ ଋଷ ଅଞ୍ଚଳରେ ୟୁକ୍ରେନ୍ର ଅସନ୍ତୋଷ “ଅଦୃଶ୍ୟ ବେଗରେ” ପହଞ୍ଚିଛି। ତେବେ ମସ୍କୋ ଏହି ଆକ୍ରମଣକୁ ନେଇ କହିଛି ଯେ ପୁଟିନ ଆକ୍ରମଣର ଗୋଟିଏ ଦିନ ପରେ କ୍ରେମଲିନରୁ କାମ କରୁଥିଲେ, ଯାହା ତାଙ୍କୁ ହତ୍ୟା କରିବା ପାଇଁ ୟୁକ୍ରେନ ଉଦ୍ୟମ ବୋଲି ମସ୍କୋ କହିଛି। ଏହାର ଜବାବରେ ରାଷ୍ଟ୍ରପତି ଭୋଲୋଡିମିର ଜେଲେନସ୍କି କହିଛନ୍ତି ଯେ ଆମେ ମସ୍କୋ କିମ୍ବା ପୁଟିନ ଉପରେ ଆକ୍ରମଣ କରୁନାହୁଁ। ଆମେରିକା ମଧ୍ୟ ଏଥିରେ ସମ୍ପୃକ୍ତ ଥିବା କଥାକୁ ଅସ୍ୱୀକାର କରିଛି।
