ଏକ୍ସରସାଇଜ ସ୍ନାକିଂ କ’ଣ? ଜାଣନ୍ତୁ ଲୋକପ୍ରିୟ ହେଉଥିବା ଏହି ବ୍ୟାୟାମର ପ୍ରଭାବ
ସମୟ ନ ପାଇବାର ବାହାନା କରି ଅନେକ ବ୍ୟାୟାମରୁ ଦୂରେଇ ରୁହନ୍ତି । ନିଜର ଦୈନନ୍ଦିନ କାର୍ୟ୍ୟରେ ବ୍ୟସ୍ତତା କାରଣରୁ ଅନେକ ଲୋକ ବ୍ୟାୟାମ କରିବାକୁ ସମୟ ପାଆନ୍ତି ନାହିଁ । ତେବେ ବର୍ତ୍ତମାନ ଆପଣଙ୍କର ଏହି ସମସ୍ୟାର ମଧ୍ୟ ସମାଧାନ ଆସିଯାଇଛି । ଆଜିକାଲି ପରଫେକ୍ଟ ଏକ୍ସରସାଇଜର ଏକ ନୂଆ ବିକଳ୍ପ ଟ୍ରେଣ୍ଡରେ ଚାଲିଛି । ସମୟ ଅଭାବରୁ ଯେଉଁମାନେ ଏକ୍ସରସାଇଜ କରିବା ପାଇଁ ସମୟ ପାଆନ୍ତି ନାହିଁ ସେମାନଙ୍କ ପାଇଁ ଏହା ଭଲ ବୋଲି ବିବେଚନା କରାଯାଏ । ତାହା ହେଉଛି ଏକ୍ସରସାଇଜ ସ୍ନାକିଂ । ବ୍ୟାୟାମର ଏହି ନୂତନ ପଦ୍ଧତି ବିଷୟରେ ଆସନ୍ତୁ ଜାଣିବା ।
ଯଦି ଆପଣ ବ୍ୟାୟାମ କରିବା ପାଇଁ ଦିନରେ ଏକ ନିର୍ଦ୍ଦିଷ୍ଟ ସମୟ ସ୍ଥିର କରିବାକୁ ସକ୍ଷମ ନୁହଁନ୍ତି ତେବେ ବ୍ୟାୟାମ ସ୍ନାକିଙ୍ଗ୍ ଆପଣଙ୍କ ପାଇଁ ଉପଯୁକ୍ତ । ଏହାକୁ ଏକ ପ୍ରକାର ମିନି ୱାର୍କଆଉଟ୍ ମଧ୍ୟ କୁହାଯାଇପାରେ, ଯାହା ଦିନକୁ ଅନେକ ଥର ଅଳ୍ପ କିଛି ସମୟ ପାଇଁ କରାଯାଇପାରିବ । ୫-୧୦ ମିନିଟ୍ ପାଇଁ ସ୍ନାକିଂ ବ୍ୟାୟାମ କରିବା ମଧ୍ୟ ବହୁତ ଲାଭଦାୟକ ହୋଇପାରେ ।
ଆଜିକାଲି ବ୍ୟସ୍ତ ଜୀବନଶୈଳୀ ମଧ୍ୟରେ ସମସ୍ତଙ୍କ ପାଇଁ କାମ କରିବା ସମ୍ଭବ ନୁହେଁ । ଏପରି ପରିସ୍ଥିତିରେ, ଆପଣ ଦିନରେ ଅନେକ ଥର ଛୋଟ ବ୍ୟାୟାମ କରି ନିଜକୁ ଫିଟ୍ ରଖିପାରିବେ । ଏଥିପାଇଁ କୌଣସି ନିର୍ଦ୍ଦିଷ୍ଟ ସମୟର ଆବଶ୍ୟକତା ନାହିଁ । ଏହା ଏତେ ସରଳ ଯେ ଆପଣ ଏହାକୁ ଘରେ, ଅଫିସରେ କିମ୍ବା ଏକ ଛୋଟ ସ୍ଥାନରେ ମଧ୍ୟ କରିପାରିବେ । ପାହାଚ ଚଢ଼ିବା, କିଛି ସମୟ ବ୍ୟବଧାନରେ ଦ୍ରୁତ ଗତିରେ ଚାଲିବା ତଥା କାମ କରିବା ସମୟରେ ଉଠି ୪-୭ ମିନିଟ ଚାଲିବା ପରି ଛୋଟ ଛୋଟ ବ୍ୟାୟାମ ଏହାର ଅନ୍ତର୍ଭୁକ୍ତ ।
ରିସର୍ଚ୍ଚ ଅନୁଯାୟୀ, ବ୍ୟାୟାମ ସ୍ନାକ୍ସିଂ ବ୍ୟାୟାମ ପାଇଁ ଏତେ ଭଲ ବିକଳ୍ପ ଯେ ଏହା ହାର୍ଟ ଏବଂ ହଜମ ଜନିତ ସମସ୍ୟାକୁ ଦୂରରେ ରଖିବାରେ ସାହାଯ୍ୟ କରିଥାଏ । ଏହା ମଧୁମେହ ଏବଂ ହୃଦରୋଗର ଆଶଙ୍କା ମଧ୍ୟ ହ୍ରାସ କରିଥାଏ । ବିଶେଷଜ୍ଞମାନେ କହିଛନ୍ତି ଯେ ବେଳେବେଳେ ୧୦ ମିନିଟର ବ୍ୟାୟାମ ସ୍ନାକିଙ୍ଗ ମଧ୍ୟ ୩୦ ମିନିଟର ବ୍ୟାୟାମ ଅପେକ୍ଷା ଭଲ ହୋଇପାରେ । ତେବେ, ମନେରଖନ୍ତୁ ଯେ ଏହା କରିବା ପୂର୍ବରୁ ବିଶେଷଜ୍ଞଙ୍କ ପରାମର୍ଶ ନେବା ନିହାତି ଆବଶ୍ୟକ ।
