ନାବାଳିକା ଦୁଷ୍କର୍ମ ମାମଲା: ୬ ଗିରଫ, ୬୦ରୁ ଅଧିକ ଲୋକଙ୍କ ନାଁ’ରେ ଅଭିଯୋଗ

ତିରୁଅନନ୍ତପୁରମ୍: କେରଳର ପଠାନମଥିଟ୍ଟାରେ ଚାଞ୍ଚଲ୍ୟକର ଘଟଣା। ନାବାଳିକା ଦୁଷ୍କର୍ମ ମାମଲାରେ ୪ଟି ଏଫ୍ଆଇଆର୍ ରୁଜୁ କରିବା ସହ ୬ ଜଣଙ୍କୁ ଗିରଫ କରିଛି କେରଳ ପୋଲିସ।

ସୂଚନାଅନୁସାରେ ୧୬ ବର୍ଷ ବୟସରୁ ଲଗାତାର ଦୁଷ୍କର୍ମର ଶିକାର ହୋଇଥିବା ଅଭିଯୋଗ ଆଣିଥିବା ଜଣେ ୧୮ ବର୍ଷୀୟା ନାବାଳିକାଙ୍କ ବୟାନକୁ ଆଧାର କରି ପୁଲିସ ତାଙ୍କୁ ଗିରଫ କରିଛି।

୪ଟି ଏଫଆଇଆର: ପୁଲିସ ପକ୍ଷରୁ ଦାୟର ଦୁଇଟି ଏତଲାରେ ୫ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଜଣେ ଅନ୍ୟ ଏକ ମାମଲାରେ ପୂର୍ବରୁ ଜେଲରେ ଥିଲେ।

ଏହି ଦୁଷ୍କର୍ମ ଘଟଣାରେ ମୋଟ ୪ଟି ଏଫଆଇଆର ରୁଜୁ ହୋଇଥିବା ପୁଲିସ କହିଛି। ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଏଥିରେ ୬୦ରୁ ଅଧିକ ଲୋକ ସମ୍ପୃକ୍ତ ଥିବା ସନ୍ଦେହ କରାଯାଉଛି।

ଚାଲିଛି ଖୋଳତାଡ୍: ଶିଶୁ କଲ୍ୟାଣ ସମିତି ଦ୍ୱାରା କରାଯାଇଥିବା କାଉନସେଲିଂ ସମୟରେ ଏକ ଶିକ୍ଷାନୁଷ୍ଠାନରେ ପୀଡ଼ିତାଙ୍କ ଶିକ୍ଷକମାନେ ତାଙ୍କ ଆଚରଣରେ ଉଲ୍ଲେଖନୀୟ ପରିବର୍ତ୍ତନ ସମ୍ପର୍କରେ ପ୍ୟାନେଲକୁ ଅବଗତ କରାଇବା ପରେ ଏହି ପ୍ରସଙ୍ଗ ସାମ୍ନାକୁ ଆସିଥିଲା।

ଏହାପରେ କମିଟି ପୁଲିସକୁ ଖବର ଦେବା ପରେ ତଦନ୍ତ ଆରମ୍ଭ କରିଥିଲା। ପୀଡ଼ିତାଙ୍କ ବୟାନ ରେକର୍ଡ କରିବା ସହ ଅଧିକ ତଥ୍ୟ ସଂଗ୍ରହ କରିବା ପାଇଁ ମହିଳା ଅଧିକାରୀମାନେ ଉଦ୍ୟମ ଚଳାଇଥିବା ପୁଲିସ କହିଛି।