ଚତୁର୍ଥ ଶ୍ରେଣୀରେ ଲାଗିଥିଲେ ଝଗଡ଼ା, ୫୦ ବର୍ଷପରେ ପଥରରେ ଛେଚି ନେଲେ ପ୍ରତିଶୋଧ

କେରଳ: ଛୋଟବେଳେ ସ୍କୁଲରେ ପଢ଼ିବା ସମୟରେ ଅନେକ ଥର ସାଙ୍ଗମାନଙ୍କ ସହ ଛୋଟ ଛୋଟ କଥାକୁ ନେଇ ଝଗଡ଼ା ମାଡ଼ଗୋଳ ସମସ୍ତଙ୍କର ପ୍ରାୟ ହୁଏ। ଆଉ କିଛି ଦିନ ଗଲାପରେ ପୁଣି ଥରେ ସେମାନେ ସାଙ୍ଗ ହୋଇଯାଆନ୍ତି। ହେଲେ ଏବେ ଏକ ଅଜବ ଘଟଣା ଘଟିଛି। ଚତୁର୍ଥ ଶ୍ରେଣୀରେ ଲାଗିଥିବା ଝଗଡ଼ାକୁ ନେଇ ୫୦ ବର୍ଷ ପରେ ଆକ୍ରମଣ ହୋଇଛି।

ଜଣେ ବୟସ୍କ ବ୍ୟକ୍ତିଙ୍କୁ ୨ ଜଣ ପିଟିପିଟି ଲହୁ ଲୁହାଣ କରିଦେଇଛନ୍ତି। ଆଉ ଘଟଣା ଶୁଣୁଶୁଣୁ ଚତୁର୍ଥ ଶ୍ରେଣୀରେ ପଢୁଥିବା ସମୟରେ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା। ଆଉ ତାର ପ୍ରତିଶୋଧ ନେବାକୁ ଯାଇ ୫୦ ବର୍ଷ ପରେ ଆକ୍ରମଣ କରାଯାଇଛି।

ପଥରରେ ଆକ୍ରମଣ: ପ୍ରକୃତରେ ଘଟଣାଟି ଗତ ସୋମବାରର। କେରଳର କଲାରଗୋଡ ଜିଲ୍ଲାର ବାଲକୃଷ୍ଣନ୍ ନାମକ ଜଣେ ବ୍ୟକ୍ତି ବାବୁ ନାମକ ଜଣେ ବ୍ୟକ୍ତିଙ୍କୁ ଧରି ରଖିଥିଲେ। ଯେତେବେଳେ ମାଥ୍ୟୁ ଭାଲିଆପାଲକ୍କଲ୍ ନାମକ ଜଣେ ବ୍ୟକ୍ତି ଭିଜେ ବାବୁଙ୍କୁ ମାଡ଼ ମାରିଥିଲେ।

ମାଥ୍ୟୁ ବାବୁଙ୍କ ମୁହଁ ଏବଂ ପିଠିରେ ପଥରରେ ଆକ୍ରମଣ କରିଥିଲେ। ଏହି ଆକ୍ରମଣରେ ବାବୁ ଗୁରୁତର ଆହତ ହୋଇଥିଲେ। ଘଟଣା ପରେ, ବାବୁଙ୍କୁ ପାରିୟାରାମର କନ୍ନୁର ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ତାଙ୍କର ଚିକିତ୍ସା କରାଯାଉଛି।

ଚତୁର୍ଥ ଶ୍ରେଣୀରେ ବିବାଦ: ଯେତେବେଳେ ପୋଲିସ ମାମଲାର ତଦନ୍ତ ଆରମ୍ଭ କଲା, ଜଣାପଡିଲା ଯେ ଏହି ବିବାଦ ୫୦ ବର୍ଷ ପୂର୍ବରୁ ଆରମ୍ଭ ହୋଇଥିଲା। ଏହି ତିନି ଜଣ ବ୍ୟକ୍ତି ମାଲୋମର ଏକ ସହାୟତାପ୍ରାପ୍ତ ଉଚ୍ଚ ପ୍ରାଥମିକ ବିଦ୍ୟାଳୟରେ ଚତୁର୍ଥ ଶ୍ରେଣୀରେ ସହପାଠୀ ଥିଲେ।

ତଦନ୍ତରୁ ଜଣାପଡିଛି ଯେ ସେମାନେ ଚତୁର୍ଥ ଶ୍ରେଣୀରେ ପଢ଼ୁଥିବା ସମୟରେ ବାବୁ ବାଲକୃଷ୍ଣ ଆକ୍ରମଣ କରିଥିଲେ। ଏହାର ପ୍ରତିଶୋଧ ନେବା ପାଇଁ ମାଥ୍ୟୁ ବାବୁଙ୍କୁ ଟାର୍ଗେଟ କରିଥିଲେ। ସୋମବାର, ଦୁହେଁ ମଦ୍ୟପାନ କରିଥିବା ସମୟରେ ବାବୁଙ୍କୁ ଆକ୍ରମଣ କରିଥିଲେ।

ବହୁ ବର୍ଷ ଧରି ବନ୍ଧୁ ହେବା ସତ୍ତ୍ୱେ, ପାଞ୍ଚ ଦଶନ୍ଧି ପୁରୁଣା ବିବାଦ ଯୋଗୁଁ ବାଲକୃଷ୍ଣନ ଏବଂ ବାବୁଙ୍କ ମଧ୍ୟରେ ବାରମ୍ବାର ଯୁକ୍ତିତର୍କ ଏବଂ ଝଗଡ଼ା ହେଉଥିଲା। ତଥାପି ବାବୁ କଳ୍ପନା କରିନଥିଲେ କି ତାଙ୍କ ଉପରେ ଏପରି ଆକ୍ରମଣ ହେବ ବୋଲି। ତେବେ ପୋଲିସ ଏବେ ଏହି ଘଟଣାର ଅଧିକ ତଦନ୍ତ ଜାରି ରଖିଛି।