ରାତି 2ରେ ଆସୁଛି ପାଣି, ସୋଇ ପାରୁନାହାଁନ୍ତି ଲୋକେ

ଉତ୍ତର ପ୍ରଦେଶ: ମେ ମାସର ପ୍ରଚଣ୍ଡ ଗ୍ରୀଷ୍ମ ଋତୁରେ ଦେଖାଯାଇଛି ପାଣିର ଘୋର ଅଭାବ। ରାତି 2ରେ ପାଣି ଆସୁଥିବାରୁ ଲୋକେ ଶାନ୍ତିରେ ସୋଇ ପାରୁନାହାଁନ୍ତି। ରାତି ଅଧାରେ ବି ଚାଲି ଚାଲି ଯିବାକୁ ପଡୁଛି ବହୁତ ଦୂର।

ଉତ୍ତରପ୍ରଦେଶରେ ଦେଖିବାକୁ ମିଳିଛି ଏଭଳି ସମସ୍ୟା। ପ୍ରଚଣ୍ଡ ଗ୍ରୀଷ୍ମ ଋତୁରେ ଝାନ୍ସୀର ଖୁସିପୁରା ଅଞ୍ଚଳରେ ପାଣିର ଘୋର ଅଭାବ ଦେଖାଦେଇଛି। ପାଇପ ପଡିଛି ହେଲେ ଘରକୁ ପାଣି ପହଞ୍ଚି ପାରୁନାହିଁ। ଲୋକମାନେ ଦୂର ଦୂରାନ୍ତରରୁ ପାଣି ଆଣିବାକୁ ବାଧ୍ୟ ହେଉଛନ୍ତି।

ମହିଳା, ପିଲା, ବୃଦ୍ଧ ସମସ୍ତେ ମିଶି ପାଣି ଆଣୁଛନ୍ତି। ସେହି ସମୟରେ, ହର ଘର ଜଳ ଯୋଜନାର ପାଣି ଲୋକଙ୍କ ଘରେ ପହଞ୍ଚି ନଥିବାରୁ ଏହା ଏହା ଉପରେ ପ୍ରଶ୍ନ ଉଠାଇଛନ୍ତି ବିରୋଧୀ।

ମେ ମାସରେ, ଉତ୍ତର ପ୍ରଦେଶ ସମେତ ସମଗ୍ର ଉତ୍ତର ଭାରତରେ ପ୍ରବଳ ଗରମ ଗ୍ରୀଷ୍ମ ପ୍ରବାହ ଜାରି ରଖିଛି। ବୁନ୍ଦେଲଖଣ୍ଡରେ ମଧ୍ୟ ଗରମ ଯୋଗୁଁ ଲୋକମାନେ କଷ୍ଟ ପାଉଛନ୍ତି। ଯେପରି ଆକାଶରୁ ନିଆଁ ବର୍ଷା ହେଉଛି।

ଲୋକମାଙ୍କ କହିବା କଥା, ଟ୍ୟାପ୍ ଜଳ ଯୋଜନା ଅଧୀନରେ ବିଛାଯାଇଥିବା ପାଇପଲାଇନ୍ ସମସ୍ତ ସ୍ଥାନକୁ ପାଣି ଯୋଗାଇ ପାରୁନାହିଁ; କେବଳ କିଛି ସ୍ଥାନକୁ ପାଣି ଯୋଗାଇ ଦିଆଯାଉଛି ଏବଂ ବାକି ଲୋକ ସମସ୍ୟାର ସମ୍ମୁଖୀନ ହେଉଛନ୍ତି। ଯେଉଁଦିନ ପାଣି ଆସୁଛି, ରାତି ୨ଟା ପର୍ଯ୍ୟନ୍ତ ଆସୁଛି। ପାଣି ପାଇଁ ଅପେକ୍ଷା କରି ଲୋକମାନେ ସୋଇ ପାରୁନାହାଁନ୍ତି।