ମହଙ୍ଗା ପଡିଲା ରାସ୍ତାରେ ପୋଲିସ ବାବୁଙ୍କ କଳି, ସସପେଣ୍ଡ କରିଦେଲେ ଏସପି

ଭୁବନେଶ୍ବର: ନିଜ କର୍ମର ଫଳ ଭୋଗିଲେ ପୋଲିସ ବାବୁ । ରିଜର୍ଭ ପୋଲିସର 4 କର୍ମଚାରୀଙ୍କୁ ସସପେଣ୍ଡ କରାଯାଇଛି । ବିଶୃଙ୍ଖଳା ଆଚରଣ ପାଇଁ ଏସପି ତାଙ୍କୁ ନିଲମ୍ବିତ କରିଛନ୍ତି । ରାସ୍ତାରେ ଉଭୟଙ୍କର ମଧ୍ୟରେ ମାରପିଟ ଘଟଣାରେ ଏଭଳି କାର୍ଯ୍ୟାନୁଷ୍ଠାନ ନିଆଯିବା କଥା କୁହାଯାଇଛି ।

ସୂଚନାଅନୁସାରେ, ନୟାଗଡର ତ୍ରିନାଥ ଛକରେ ଜିରୋନାଇଟ ଚାଲିଥିବା ବେଳେ କୌଣସି ଏକ କାରଣକୁ ନେଇ ଦୁଇ ପୋଲିସ ଗୋଷ୍ଠୀଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଏହା ପରବର୍ତ୍ତୀ ସମୟରେ ହାତାହାତି ଯାଇଁ ଯାଇଥିଲା । ଏହାକୁ ନେଇ ଉଭୟ ଗୋଷ୍ଠୀଙ୍କ ପକ୍ଷରୁ ଥାନାରେ ମାମଲା ଦାୟର କରାଯାଇଥିଲା । ତେବେ ବିଶୃଙ୍ଖଳା ଆଚରଣକୁ ନେଇ ଆକ୍ସନ ମୋଡକୁ ଆସିଛନ୍ତି ପୋଲିସ । 4 ଜଣ ଅଧିକାରୀଙ୍କୁ ସସପେଣ୍ଡ କରିଛନ୍ତି ନୟାଗଡ ଏସପି । ଏହି ଚାରିଜଣ ହେଉଛନ୍ତି ଦିଲ୍ଲୀପ ବେହେରା, ମୁନା ବେହେରା, ସଞ୍ଜୟ ମହାପାତ୍ର ଏବଂ ଦୁର୍ଗା ମାଧବ । ପୋଲିସ ବାବୁଙ୍କ ଏଭଳି କାର୍ଯ୍ୟ ନିନ୍ଦିତ ହୋଇଥିବା ନେଇ ଚର୍ଚ୍ଚା ହେଉଥିବା ବେଳେ ଏସପି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।