ବଡ ଖବର: ଟ୍ରାକ ତଳକୁ ଖସିଗଲା ଆଉ ଏକ ଟ୍ରେନର ୬ଟି ବଗି, ଅଟକିଛି ପାସେଞ୍ଜର ଗାଡି
କୋରାପୁଟ: ବାହାନଗା ଦୁର୍ଘଟଣାର ସେହି ଭୟଙ୍କର ଦୃଶ୍ୟ ଏପର୍ଯ୍ୟନ୍ତ ଲୋକଙ୍କ ମନରୁ ଲିଭିନି । ଏବେ ବି ଦୁର୍ଘଟଣାରେ ଆହତ ଲୋକମାନେ ସେହି ରାତିର ଘଟଣାକୁ ନିଦରେ ସ୍ୱପ୍ନ ଦେଖି ଡରୁଥିବା କୁହାଯାଉଛି । ଏହା ଭିତରେ ଆଉ ଏକ ଟ୍ରେନ ପୁଣିଥରେ ଲାଇନଚ୍ୟୁତ ହୋଇତିବା ଜାଣିବାକୁ ମିଳିଛି । କୋରାପୁଟରୁ ବିଶାଖାପାଟଣା ଯାଉଥିବା ବେଳେ ବୋଦାଭରା ଷ୍ଟେସନ ନିକଟରେ ଟ୍ରାକ ତଳକୁ ଖସିପଡିଛି ଏହି ଟ୍ରେନର ୬ଟି ବଗି ।
ଆନ୍ଧ୍ର ଆରକୁ ଠାରୁ କିଛି ଦୂର ଯିବା ପରେ ବୋଦାଭରା ନିକଟରେ ଲାଇନଚ୍ୟୁତ ହୋଇଛି ଏହି ମାଲବାହୀ ଟ୍ରେନ । କିଣ୍ଡରୁଲରୁ ବିଶାଖାପାଟଣା ଯାଉଥିବା ବେଳେ ଟ୍ରେନଟି ଲାଇନଚ୍ୟୁତ ହୋଇ ତଳକୁ ଖସିଯାଇଛି । ତେବେ ମାଲବାହୀ ଟ୍ରେନଟି ଲାଇନଚ୍ୟୁତ ହୋଇ ଯିବାରୁ ଏହି ରାସ୍ତାରେ ଯାଉଥିବା ଏକ ପାସେଞ୍ଜର ଟ୍ରେନ କିଛି ଦୂରରେ ଅଟକି ରହିଛି । ଚିମିଡିପାଲିରେ ବିଶାଖାପାଟଣାରୁ କିରଣ୍ଡରୁଲ ଅଭିମୁଖେ ଆସୁଥିବା ଏକ ପାସେଞ୍ଜର ଟ୍ରେନ ଅଧା ବାଯରେ ଅଟକି ରହିଥିବା ଜାଣିବାକୁ ମିଳିଛି ।
