ମହିଳାଙ୍କ ଋତୁସ୍ରାବ ରକ୍ତକୁ ନେଇ IAS ଲେଖିଲେ ଏହି କଥା, ଭାଇରାଲ୍ ହେଉଛି ଟୁଇଟ୍
ନୂଆଦିଲ୍ଲୀ: ଦିଲ୍ଲୀ କମିଶନ୍ ଫର୍ ପ୍ରୋଟେକ୍ସନ୍ ଅଫ୍ ଚାଇଲ୍ଡ ରାଇଟ୍ସ ଅର୍ଥାତ୍ ଡିସିପିସିଆର୍ ଏକ ଅଭିଯାନ ଆରମ୍ଭ କରିଛନ୍ତି । ଏହି ଅଭିଯାନ ଅନ୍ତର୍ଗତ ଋତୁସ୍ରାବ ସମୟରେ ସ୍ୱଚ୍ଛତା ଓ ଏହାକୁ ନେଇ ରହିଥିବା ସାମାଜିକ ଟାବୁ ସମ୍ପର୍କରେ ଚର୍ଚ୍ଚା ଆରମ୍ଭ କରାଯାଇଛି । ଏହି ବିଷୟ ଉପରେ ଆଇଏଏସ୍ ଅଧିକାରୀ ସଜ୍ଜନ ଯାଦବଙ୍କର ଏକ ଟୁଇଟ୍ ଭାଇରାଲ ହେଉଛି ।
ସୂଚନା ଯେ, ଫେବୃଆରୀ ୫ ତାରିଖରେ ଋତୁସ୍ରାବ ଦିବସ ପାଳନ କରାଯାଇଥିଲା । ଏହି ଅବସରରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ମଧ୍ୟ ଟୁଇଟ୍ କରିଥିଲେ । ତେବେ ଏହି ଅଭିଯାନରେ #AbPataChalneDo ହ୍ୟାସଟ୍ୟାଗ୍ ର ବ୍ୟବହାର କରାଯାଉଛି । ଏହି ହ୍ୟାସଟ୍ୟାଗ୍ କୁ ବ୍ୟବହାର କରି ଅରବିନ୍ଦ କେଜ୍ରିୱାଲ୍ ଲେଖିଥିଲେ ଯେ, ଋତୁସ୍ରାବକୁ ନେଇ ସମାଜରେ ରହିଥିବା ଟାବୁକୁ ରୋକିବାକୁ ହେବ ଓ ଏହି ସମୟରେ ସଫାସୁତୁରା ଉପରେ ଚର୍ଚ୍ଚା କରିବାକୁ ହେବ । ତେବେ ଏହି କ୍ରମରେ ଆଇଏଏସ୍ ସଜ୍ଜନ୍ ଯାଦବ ଯେଉଁ ଟୁଇଟ୍ କରିଛନ୍ତି ତାକୁ ସୋସିଆଲ୍ ମିଡିଆରେ ଖୁବ୍ ପ୍ରଶଂସା କରାଯାଉଛି । ସଜ୍ଜନ ଯାଦବ ଭାରତ ସରକାରଙ୍କ ଅର୍ଥମନ୍ତ୍ରାଳୟର ଆଡିସନାଲ୍ ସେକ୍ରେଟାରୀ ଭାବରେ କାର୍ଯ୍ୟରତ ଅଛନ୍ତି ।
I commend the #AbPataChalneDo initiative launched by DCPCR to break stereotypes associated with menstruation and promote menstrual hygiene. Periods should not be considered a taboo in our society. https://t.co/6loVcNOIQE
— Arvind Kejriwal (@ArvindKejriwal) February 5, 2021
ସେ ଟୁଇଟ୍ କରି ଲେଖିଛନ୍ତି, ‘ଯଦି ପିରିଅଡ୍ ସମୟରେ ବାହାରୁଥିବା ରକ୍ତକୁ ଅପବିତ୍ର ଓ ଅଶୁଦ୍ଧ ବୋଲି ଧରାଯାଉଛି, ତାହେଲେ ଆମେ ପବିତ୍ର ହେବା ଦାବି ଠାରୁ ଖୁବ୍ ଦୁରରେ ଅଛେ । ଆମେ ମନେ ରଖିବା ଦରକାର ଯେ, ଆମ ଉପସ୍ଥିତି ଏହି ରକ୍ତ କାରଣରୁ ସମ୍ଭବ ହୋଇପାରିଛି । ଏହି ରକ୍ତ ଆମକୁ ଗର୍ଭରେ ପାଳନ ପୋଷଣ କରିଛି । ଏହି ଟାବୁକୁ ଶେଷ କରନ୍ତୁ’ । ସୋସିଆଲ୍ ମିଡିଆ ବ୍ୟବହାରକାରୀ ମାନେ ଏବେ ଏହି ଟୁଇଟ୍ କୁ ଖୁବ୍ ପସନ୍ଦ କରିଛନ୍ତି ଓ ରିଟୁଇଟ୍ କରି ପ୍ରଂଶସା ବି କରିଛନ୍ତି ।
If period blood is unholy and impure we are far from being pious ourselves.
Let's remember our existence was made possible because of this blood, it nourished us in the womb so we could be who we are today.Let's end the taboo, let's break the silence. #AbPataChalneDo pic.twitter.com/kuH2GBkkWd
— Sajjan Yadav IAS (@Sajjan95) February 5, 2022
Thanks for your support to the cause #AbPataChalneDo https://t.co/spQk3MVMLL
— Dr. Surbhi Singh (@drsurbhisingh22) February 7, 2022