ଆଣ୍ଠେଇପଡ଼ିଲା ଆରସିବି, ହାଇଦ୍ରାବାଦର ଘାତକ ବୋଲିଂରେ ମାତ୍ର ୬୮ ରନରେ ପ୍ୟାଭିଲିୟନ ଫେରିଲା ପୁରା ଟିମ୍
ମୁମ୍ବାଇ: ଆଇପିଏଲର ୩୬ତମ ମ୍ୟାଚ୍ ରୟାଲ ଚ୍ୟାଲେଞ୍ଜର ବାଙ୍ଗଲୋର ଏବଂ ସନରାଇଜର୍ସ ହାଇଦ୍ରାବାଦ୍ ମଧ୍ୟରେ ଜାରି ରହିଛି । ବାଙ୍ଗଲୋରର ପୁରା ଟିମ୍ ହାଇଦ୍ରାବାଦ୍ ର ଘାତକ ବୋଲିଂ ଆଗରେ ୧୬ ଓଭର ଗୋଟିଏ ବଲରେ ମାତ୍ର ୬୮ ରନ ରେ ଅଲଆଉଟ୍ ହୋଇଯାଇଛନ୍ତି ।
ହାଇଦ୍ରାବାଦ୍ ପକ୍ଷରୁ ସଫଳ ବୋଲର ଭାବରେ ଟି ନଟରାଜନ ୩ ଓଭରରେ ମାତ୍ର ୧୦ ରନ ବ୍ୟୟ କରି ୩ ୱିକେଟ୍ ହାସଲ କରିଛନ୍ତି । ତାଙ୍କ ପଛକୁ ମାର୍କୋ ଜନସନ ୪ ଓଭର ବୋଲିଂ କରି ୨୫ ରନ ବ୍ୟୟରେ ୩ଟି ୱିକେଟ୍ ଦଖଲ କରିଛନ୍ତି । ସେହିପରି ଜଗଦୀଶ ସୁଚିତ ୩ ଓଭର ପକାଇ ୧୨ ରନ୍ ବ୍ୟୟରେ ୨ଟି ୱିକେଟ୍, ଉମ୍ରାନ୍ ମଲ୍ଲିକ ୪ ଓଭର ପକାଇ ୧୩ ବ୍ୟୟ କରି ଗୋଟିଏ ୱିକେଟ୍ ଏବଂ ଭୁବନେଶ୍ୱର କୁମାର ୨ ଓଭର ପକାଇ ୮ ରନ ବ୍ୟୟରେ ଗୋଟିଏ ୱିକେଟ୍ ପାଇଥିଲେ ।
No stopping #SRH tonight as they continue to pick wickets #RCB are now 65/8 in 15 overs
Follow the match: https://t.co/f9ENkwNWAn#TATAIPL | #RCBvSRH pic.twitter.com/4j5DETilt5
— IndianPremierLeague (@IPL) April 23, 2022
ବାଙ୍ଗଲୋର ପାଇଁ ପ୍ରଭୁ ଦେଶାଇ ସର୍ବାଧିକ ୧୫ ରନ୍ ସଂଗ୍ରହ କରିଥିଲେ । ତାଙ୍କ ପଛକୁ ଗ୍ଲେନ୍ ମାକ୍ସୱେଲ୍ ୧୨ ରନ୍ କରିଥିବା ବେଳେ ବାକି କୌଣସି ବ୍ୟାଟ୍ସମ୍ୟାନ୍ ଦୁଇ ଅଙ୍କ ଛୁଇଁ ପାରି ନଥିଲେ । ଏପରିକି ତିନି ବ୍ୟାଟ୍ସମ୍ୟାନ୍ ଖାତା ନଖୋଲି ପ୍ୟାଭିଲିୟନ ଫେରିଯାଇଥିଲେ ।
