ଦୁଇ ପେଗ୍ ମାରି ଗାଡ଼ିକୁ ଡିଭାଇଡରରେ ପିଟିରେ ମହିଳା କମିଶନର ମ୍ୟାଡାମ୍, ପୋଲିସ ପହଞ୍ଚିବାରୁ କହିଲେ ଦେଖିନେବି, ଦେଖନ୍ତୁ Video
ନୂଆଦିଲ୍ଲୀ: ମଦ ନିଶାର ମଜା କେବଳ ପୁରୁଷମାନଙ୍କ ପାଇଁ ନୁହେଁ, ମହିଳାମାନେ ମଧ୍ୟ ଏ କ୍ଷେତ୍ରରେ ପଛରେ ପଡ଼ିନାହାନ୍ତି । ଜଣେ ମହିଳା ଅଧିକାରୀ ମଦପିଇ ରାସ୍ତାରେ ହଙ୍ଗାମା କରିଛନ୍ତି । ମହିଳା ପୋଲିସ ଅଧିକାରୀ ତାଙ୍କୁ ଯେତେ ବୁଝାସୁଝା କଲେ ମଧ୍ୟ ମ୍ୟାଡାମ ଜଣଙ୍କ ବୁଝିବାକୁ ନାରାଜ । ଉତ୍ତରପ୍ରଦେଶରେ ଏଭଳି ଏକ ଅଶୋଭନୀୟ ଘଟଣା ଦେଖିବାକୁ ମିଳିଛି । ତେବେ ନିଜ ପଦର ଦୁରୂପଯୋଗ କରି ପୋଲିସ ଅଧିକାରୀଙ୍କୁ ଦେଖିନେବେ ବୋଲି ମହିଳା ଅଧିକାରୀ ଜଣଙ୍କ ଧମକ ଦେଇଥିଲେ । ଏହି ଘଟଣାର ଭିଡିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି ।
ଜଣାପଡ଼ିଛି ଯେ, ୟୁପିର ବହରାଇଚ ଜିଲ୍ଲାର ଆସିଷ୍ଟାଣ୍ଟ ଲେବର କମିଶନର ରଚନା କେସରୱାନୀ ନିଶାରେ ଚୁର୍ ହୋଇଯାଇଥିଲେ । ନିଶାଗସ୍ତ ଅବସ୍ଥାରେ ଗାଡ଼ି ଚଳାଉଥିବା ବେଳେ ରଚନା ରାସ୍ତାର ଡିଭାଇଡରକୁ ପିଟିଥିଲେ । ଗାଡ଼ି ଦୁର୍ଘଟଣାଗସ୍ତ ହେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ଯାଇଥିଲା । ପୋଲିସକୁ ଦେଖି ରଚନା କ୍ରୋଧ୍ୱାନିତ ହୋଇଯାଇଥିଲେ ଓ ଦେଖିନେବି ବୋଲି ଧମକ ଦେଇଥିଲେ ।
ଭିଡିଓରେ ଦେଖାଯାଉଛି ଯେ, ମହିଳା କମିଶନରଙ୍କୁ ପୋଲିସ ବୁଝାସୁଝା କରୁଛି, ମାତ୍ର ସେ ନିଶାରେ କାହା କଥା ମାନୁନାହାନ୍ତି । ରଚନାଙ୍କୁ ମହିଳା ପୋଲିସ ବାରମ୍ବାର ଗାଡ଼ିରେ ବସାଇବାକୁ ଉଦ୍ୟମ କରି ବିଫଳ ହୋଇଥିଲା । ପରେ ପୋଲିସ ମହିଳା କମିଶନରଙ୍କୁ ମେଡିକାଲ ଟେଷ୍ଟ କରି ଛାଡ ଼ିଦେଇଥିଲା । ମେ ପହିଲାରେ ଶ୍ରମ ଦିବସ ଅବସରରେ ମଦ୍ୟପାନ କରି ରଚନା ଗାଡ଼ି ଚଳାଇ ଅଫିସ୍ ଯାଉଥିବା ସମୟରେ ଏହି ଘଟଣା ଘଟିଥିଲା । ପୋଲିସ ରଚନାଙ୍କ ବିରୋଧରେ ବରିଷ୍ଠ ଅଧିକାରୀଙ୍କୁ ରିପୋର୍ଟ ପ୍ରଦାନ କରିବା ସହ ଏହାର ରିପୋର୍ଟ ପ୍ରଦାନ କରିବାକୁ ଜିଲ୍ଲା ଅଧିକାରୀ ଆଦେଶ ଦେଇଛନ୍ତି ।
लेबर डे पर सहायक लेबर कमिश्नर का ड्रामा, नशे में धुत महिला अधिकारी ने पुलिस से भी की अभद्रता। तस्वीर बहराइच की है और नशे में धुत महिला अधिकारी रचना केसरवानी हैं, जो गोंडा में तैनात हैं। pic.twitter.com/e5jPMWQJai
— Mohammad Shoeb (@Shoeb_india) May 1, 2022
