ଯୋଗ୍ୟତା ଆଧାରରେ କଂଗ୍ରେସରେ ପ୍ରାର୍ଥୀଙ୍କୁ ମିଳିବ ଟିକେଟ୍: ରାହୁଲ ଗାନ୍ଧୀ
ତେଲେଙ୍ଗାନା: କଂଗ୍ରେସରେ ଯୋଗ୍ୟତା ଆଧାରରେ ପ୍ରାର୍ଥୀଙ୍କୁ ମିଳିବ ଟିକେଟ । କୌଣସି ନେତା କେତେ ଶକ୍ତିଶାଳୀ କିମ୍ବା କେତେ ବଡ଼ ହୁଅନ୍ତୁ ତାହା ଗୁରୁତ୍ୱପୂର୍ଣ୍ଣ ନୁହେଁ । ଯଦି ଆପଣ ଗରିବ, କୃଷକମାନଙ୍କ ସହିତ ନାହାଁନ୍ତି ତେବେ ଆପଣ କଂଗ୍ରେସ ଟିକେଟ ପାଇବେ ନାହିଁ ବୋଲି କହିଛନ୍ତି ରାହୁଲ ଗାନ୍ଧୀ । ଶୁକ୍ରବାର ତେଲେଙ୍ଗାନାର ୱାରଙ୍ଗାଲରେ ଏକ ସାଧାରଣ ସଭାରେ ସମ୍ବୋଧିତ କରି କିଛି ଏପରି କହିଛନ୍ତି ରାହୁଲ ।
ରାହୁଲ ଗାନ୍ଧୀ ଆହୁରି ମଧ୍ୟ କହିଛନ୍ତି ଯେ ତେଲେଙ୍ଗାନାର ସ୍ୱପ୍ନକୁ ପୂରଣ କରିବା ପାଇଁ ଲୋକମାନେ ରକ୍ତ ଓ ଲୁହ ବୋହି ସେମାନଙ୍କର ସ୍ୱପ୍ନ ପାଇଁ ଲଢ଼ିଥିଲେ। ଆମେ ମଧ୍ୟ ତୁମ ସହିତ ଛିଡା ହୋଇଥିଲୁ । କଂଗ୍ରେସ ଦଳ ଏବଂ ସୋନିଆ ଗାନ୍ଧୀ ଏଠାକାର ଲୋକଙ୍କୁ ଏକ ନୂତନ ରାଜ୍ୟ ଦେଇଛନ୍ତି।
କଂଗ୍ରେସର ପୂର୍ବତନ ସଭାପତି କହିଛନ୍ତି ଯେ ରାଜ୍ୟରେ କୃଷକଙ୍କ ବିଧବା ପତ୍ନୀମାନେ କାନ୍ଦୁଛନ୍ତି। ସେଠାରେ ହଜାର ହଜାର ମହିଳା ଅଛନ୍ତି, ଯାହାଙ୍କର ସ୍ୱାମୀ ଆତ୍ମହତ୍ୟା କରିଛନ୍ତି, ଏଥି ପାଇଁ ଦାୟୀ କିଏ? ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ରାଜ୍ୟ ବିଧାନସଭା ନିର୍ବାଚନରେ ଟିଆରଏସ ସହିତ ଆମର ସିଧା ସଳଖ ମୁକାବିଲା ହେବ।
