ଯଦି ପୀଡିତା ପ୍ରତିବାଦ ନକରନ୍ତି, ଏହାର ଅର୍ଥ ନୁହେଁ ଯେ ସେ ଯୌନ ସମ୍ପର୍କ ପାଇଁ ସହମତି: ହାଇକୋର୍ଟ
ପାଟଣା(ଓଡ଼ିଶା ଭାସ୍କର): ଯୌନ ନିର୍ଜାତନା ସମୟରେ ଯଦି କୌଣସି ଆଭ୍ୟନ୍ତରୀଣ କିମ୍ବା ବାହ୍ୟ ଆଘାତ ନହୁଏ, ତେବେ ଏହାର ଅର୍ଥ ନୁହେଁ ଯେ ପୀଡିତା ଜଣକ ସହମତି ଭିତ୍ତିରେ ଯୌନ ସମ୍ପର୍କ ରଖିଥିଲେ। ଏଭଳି ଏକ ଗୁରୁତ୍ୱ ପୁର୍ଣ୍ଣ ରାୟ ଶୁଣାଇଛନ୍ତି ପାଟଣା ହାଇକୋର୍ଟ। ୨୦୧୫ ଜମୁଇ ଦୁଷ୍କର୍ମ ମାମଲାରେ ଟ୍ରାଏଲ କୋର୍ଟର ନିଷ୍ପତ୍ତି ବିରୋଧରେ ଏକ ଆବେଦନ ଶୁଣାଣି ବେଳେ ଜଷ୍ଟିସ ଅନନ୍ତ ମନୋହର ବଦରଙ୍କ ଏକ ବେଞ୍ଚ ଏହି ନିଷ୍ପତ୍ତିକୁ ରଦ୍ଦ କରି ଦେଇଛନ୍ତି। ଏହା ସହିତ କୋର୍ଟ କହିଛନ୍ତି ଯେ ଦୁଷ୍କର୍ମର ପ୍ରମାଣ ଭାବରେ ପୀଡିତାର ଆଭ୍ୟନ୍ତରୀଣ କିମ୍ବା ବାହ୍ୟ କ୍ଷତ ହେବା ଜରୁରୀ ନୁହେଁ।
ସେ ଆଇପିସିର ଧାରା ୩୭୫ ର ଏକ ବିଭାଗକୁ ଉଲ୍ଲେଖ କରିଛନ୍ତି ଯାହା ସ୍ପଷ୍ଟ କରେ ଯେ କେବଳ ଜଣେ ମହିଳା ଯଦି ଶାରୀରିକ ସମ୍ପର୍କକୁ ଶାରୀରିକ ଭାବରେ ବିରୋଧ କରି ପାରୁନାହାନ୍ତି, ଏହାକୁ ଯୌନ ସମ୍ପର୍କ ପାଇଁ ସହମତି ଭାବରେ ବୁଝାଯାଇପାରିବ ନାହିଁ।
ସୁଚାନ ଅନୁସାରେ ପୀଡିତା ଜଣକ ଜମୋଇରେ ଏକ ଇଟାଭାଟିର ଦୈନିକ ମଜୁରିଆ ଭାବରେ କାର୍ଯ୍ୟ କରୁଥିଲେ। ଦିନ ଶେଷରେ ତାଙ୍କୁ ଟଙ୍କା ପ୍ରତିଶୃତି ଦେଇଥିବା ମାଲିକଙ୍କଠାରୁ ସେ ତାଙ୍କ ମଜୁରୀ ମାଗିଥିଲେ। ଏହି ସମୟରେ ମାଲିକ ତାଙ୍କୁ କୋଠରୀ ଭିତରକୁ ଟାଣି ନେଇ ତାଙ୍କ ସହ ଦୁଷ୍କର୍ମ କରିଥିଲେ। ଅଦାଲତ କହିଛନ୍ତି ଯେ ଯଦି ପୀଡିତାଙ୍କ ବିବୃତ୍ତି ବିଶ୍ୱାସଯୋଗ୍ୟ ଏବଂ ଏହା ପରିସ୍ଥିତିର ପ୍ରମାଣ ଦ୍ୱାରା ସମର୍ଥିତ, ତେବେ ଘଟଣାକୁ ଦୁଷ୍କର୍ମ ଭଳି ବ୍ୟବହାର କରାଯାଇପାରିବ ଏବଂ ସହମତି ଭିତ୍ତିକ ଯୌନ ସମ୍ପର୍କ ନୁହେଁ।